ວຽງພູຄາ ທຳລາຍສິ້ນສ່ວນສັດປ່າຫວງຫ້າມ

  ວັນທີ 11 ມິຖຸນາ 2019 ຫ້ອງການກະສິກຳ ແລະປ່າໄມ້ເມືອງວຽງພູຄາ ແຂວງຫຼວງນໍ້າທາ ໄດ້ຈູດທຳລາຍສິ້ນສ່ວນສັດປ່າທ່ີຫວງຫ້າມທີ່ຍຶດໄດ້ຈາກຮ້ານອາ ຫານພາຍໃນເມືອງເຂົ້າຮ່ວມມີທ່ານ ພູມອນ ຄູນສີລິເຮືອງ ຫົວໜ້າຫ້ອງການກະສິກຳ ແລະປ່າໄມ້ເມືອງ, ມີທ່ານ ໂພທິສັກ ຜ່າພົມແພງ ຮອງຫົວໜ້າກອງ ກວດກາປ່າໄມ້ພະແນກກະສິກຳ ແລະປ່າໄມ້ແຂວງຫຼວງນໍ້າທາພ້ອມພາກສ່ວນທີ່ກ່ຽວຂ້ອງຂັ້ນເມືອງເຂົ້າຮ່ວມ.

  ທ່ານ ບຸນມາ ພິລາວົງ ຮອງຫົວໜ້າຫ້ອງການກະສິກຳ ແລະປ່າໄມ້ເມືອງກ່າວວ່າ: ສິ້ນສ່ວນສັດປ່າປະເພດທີ່ຫວງຫ້າມທີນຳມາທຳລາຍໃນຄັ້ງນີ້ແມ່ນຍຶດໄດ້ຈາກຮ້ານອາຫານ ທ້າວ ພົມມີໄຊ ຢູ່ບ້ານນໍ້າຈິຣ, ທ້າວ ຄຳລາຍ ຢູ່ບ້ານກອນທຸ, ຍຶດໄດ້ຈາກໂຮງງານເຟີນີເຈີ ບ້ານນໍ້າເງີນ ໃນນັ້ນມີກ້ວາງ 1 ໂຕ ພ້ອມສິ້ນ ສ່ວນອື່ນໆລວມນໍ້າໜັກ 25 ກິໂລ, ຊິ້ນຟານ 4 ກິໂລ, ຊິ້ນໝີ ແລະ ຕີນໝີ 5 ກິໂລ ທີ່ຍຶດໄດ້ໃນຄັ້ງວັນທີ 24-25 ເມ ສາ 2019 ສ່ວນຜູ້ກະທຳຜິດໄດ້ກັກ ຕົວພ້ອມເຮັດບົດບັນທຶກກ່າວເຕືອນສຶກສາອົບຮົມປັບໃໝຕາມລະບຽບການ.

 ຂຽນໂດຍ: ກິ່ນນາລົມ ແອ່ນຖ່າຍໄທ

 ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์