JDB ຈັບສະຫຼາກມອບໂຊກໃຫ້ລູກຄ້າ

  ວັນທີ 22 ມິຖຸນາ 2019 ທີ່ສູນການຄ້າວຽງຈັນເຊັນເຕີ ນະຄອນຫຼວງວຽງຈັນ, ທະນາຄານຮ່ວມພັດທະນາ (JDB) ໄດ້ຈັບສະຫຼາກມອບລາງວັນທີ 1 ຊື່ງເປັນລົດ ໂຕໂຢຕ້າປຼາໂດໃຫ້ລູກຄ້າທີ່ໂຊກດີຈາກບັນຊີເງິນຝາກ, ເພື່ອເປັນການຄືນກໍາໄລແກ່ລູກຄ້າທີ່ຝາກເງິນໃນໂຄງການຝາກປະຈໍາ 4 ປີ, ໃຫ້ກຽດເຂົ້າ ຮ່ວມໂດຍທ່ານ ບຸນສະຫວ່າງ ພິລາໄຊພິທັກ ຜູ້ອໍານວຍການໃຫ່ຍທະນາຄານຮ່ວມພັດທະນາ ແລະຜູ້ບໍລິຫານລະດັບສູງ, ມີພະນັກງານວິຊາການທີ່ກ່ຽວຂ້ອງ ຕະຫຼອດຮອດລູກຄ້າ ແລະສື່ມວນຊົນເຂົ້າຮ່ວມ.

 ຜ່ານມາທະນາຄານຮ່ວມພັດທະນາໄດ້ຄືນກໍາໄລໃຫ້ລູກຄ້າໃນໂຄງການຝາກປະຈໍາເຊັ່ນ: ປີ 2016 ໄດ້ແຈກລົດເກງເຊບໂລເລັກຈໍານວນ 1 ຄັນໃຫ້ລູກຄ້າຜູ້ໂຊກດີທີ່ຝາກປະຈໍາ 1 ປີ; 2017 ໄດ້ແຈກລົດກະບະເຊບໂລເລັກ 1 ຄັນໃຫ້ລູກຄ້າທີ່ຝາກປະຈໍາ 2 ປີ; 2018 ໄດ້ແຈກລົດຈີບເຊບໂລເລັກ 1 ຄັນໃຫ້ລູກຄ້າທີ່ຝາກປະຈໍາ 3 ປີ ແລະໃນປີ 2019 ໄດ້ແຈກລົດໂຕໂຢຕ້າປຼາໂດຈໍານວນ 1 ຄັນ ໃຫ້ລູກຄ້າທີ່ຝາກປະຈໍາ 4 ປີ. ພ້ອມນັ້ນຍັງໄດ້ຈັບລາງວັນມອບໂຊກໃຫ້ລູກ

ຄ້າທີ່ມາຮ່ວມງານນໍາອີກເຊັ່ນ: ລາງວັນຮັບປະກັນໄພອຸບັດເຫດ 19 ລາງວັນ ລວມ ມູນຄ່າ 1,6 ລ້ານກີບ; ລາງວັນລູກຄ້າທີ່ຊໍາລະຄ່າສິນຄ້າຜ່ານເຄື່ອງ QR ລົດເບຍລາວມູນຄ່າ 2 ລ້ານກີບ; ລາງວັນ Promotion ບັດ UPI ແຈກປີ້ເຂົ້າຊົມການແຂ່ງຂັນກີລາບານເຕະພ້ອມປີ້ຍົນ ແລະ ທີ່ພັກຢູ່ປະເທດສິງກະໂປ ໃຫ້ລູກຄ້າທີ່ໃຊ້ບັດຢູ່ນຽນເພ ແລະລາງວັນ Promotion MoneyGram ແຈກໂທລະສັບມືຖືທຸກໆເດືອນລວມ 7 ເຄື່ອງ ໃຫ້ລູກຄ້າຜູ້ໂຊກດີ.

  ທັງນີ້ກໍເພື່ອເປັນການສົມມະນາບຸນຄຸນລູກຄ້າທີ່ໃຊ້ພະລິດຕະພັນຂອງທະນາຄານຮ່ວມພັດທະນາໃຫ້ມີຄວາມເພີ່ງພໍໃຈ. ສໍາລັບຜູ້ໂຊກດີທີ່ໄດ້ຮັບລາງວັນລົດໂຕໂຢຕ້າປຼາໂດໃນປີນີ້ແມ່ນທ່ານ ສົມທາດ ບຸນທະພັນ ບ້ານນາບວມ ເມືອງທ່າແຂກ ແຂວງຄໍາມ່ວນ. ນອກຈານັ້ນທະນາຄານຮ່ວມພັດທະນາຍັງຈະສືບຕໍ່ແຈກລົດໃຫ່ຍໂຕໂຢຕ້າ ແລນກູເຊີ ແລະລົດເລັກສັດໃຫ້ແກ່ລູກຄ້າທີ່ຝາກປະຈໍາໃນປີຕໍ່ໄປອີກລວມມູນຄ່າຫຼາຍກວ່າ 9 ຕື້ກີບ.

ຂຽນໂດຍ:  ກິ່ງລັດຕະນະ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์