ໂຮງຮຽນແສງສະໄໝ ສະຫຼຸບສົກຮຽນ 2018-2019

ທີ 22 ມິຖຸນາ 2019 ໂຮງຮຽນແສງສະໄໝເມືອງສີສັດຕະນາກນະຄອນຫຼວງວຽງຈັນໄດ້ພິທີສະຫຼຸບສົກຮຽນ 2018-2019 ໃຫ້ກຽດເຂົ້າຮ່ວມທ່ານຄຳສິງ ດວງດາລາຫົວໜ້າຫ້ອງການສຶກສາເມືອງສີສັດຕະນາກ ແລະທ່ານ ນາງ ວຽງໄຊພິມມະແສງ ອຳນວຍການໂຮງຮຽນແສງສະໄໝພ້ອມດ້ວຍທ່ານຫົວໜ້າ ໜ່ວຍງານສຶກສາເມືອງ ແລະແຂກ ທີ່ຖືກເຊີນເຂົ້າຮ່ວມ.

ທ່ານ ນາງ ວຽງໄຊ ພິມມະແສງ ໄດ້ຂຶ້ນລາຍງານບົດສະຫຼຸບໃຫ້ຮູ້ວ່າ: ໃນສົກຮຽນປີ 2018-2019 ມີນັກຮຽນທັງໝົດ 490 ຄົນ,ຍິງ 257, ຄົນ ມີພະນັກງານ ຄູ-ອາຈານ 45 ຄົນ, ຍິງ 38 ຄົນ ພ້ອມນັ້ນຍັງມີລະບົບການຈັດຕັ້ງ ແຜນການຄຸ້ມຄອງດ້ວຍແທດເໝາະກັບລະດັບຄວາມສາມາດຄູທຸກໆຊັ້ນຮຽນ ໂດຍປະຕິບັດ 5 ຫຼັກສູດຂອງກະຊວງສຶກສາທິການ ແລະກີລາໄດ້ວ່າງອອກເພື່ອເປັນການສະຫຼຸບຜົນງານການຮຽນ-ການສອນຂອງບັນດາຄູ,ອາຈານ ແລະຢັ້ງຢືນເຖິງຄວາມຮູ້ຄວາມສາມາດຂອງນ້ອງນັກຮຽນສົກຮຽນ 2018-2019 ທາງໂຮງຮຽນຈິງໄດ້ຈັດພິທີສະຫຼຸບການຮຽນ-ການສອນ ແລະຮັບໃບປະກາດຊັ້ນປ5 ແລະໃບຍ້ອງຍໍໃຫ້ນັກຮຽນດີເດັ່ນຊັ້ນອະນຸບານ,ຊັ້ນມັດທະຍົມ.

ໃນນີ້ວຽກງານຜົນເດັ່ນຂອງ ໂຮງຮຽນທີ່ເຮັດມາໄດ້ຄື:ນັກຮຽນຊັ້ນອະນຸບານ 1-3 ສາມາດອ່ານໄດ້ຂຽນເປັນຜ່ານການທົດສອບທຸກໆເດືອນແລະໄດ້ຮັບໃບຢັ້ງຢືນຈົບຊັ້ນອະນຸບານຈຳນວນ 30 ຄົນ,ຍິງ 15 ຄົນສ່ວນຊັ້ນ ປ5 ໄດ້ ນັກຮຽນເກັ່ງຂັ້ນເມືອງອັນດັບ 4 ວິ ຊາໂລກອ້ອມຕົວນາງ ແກ້ວມະນີ ໂພສີ,ການສອບເສັງຈົບຊັ້ນ ປ5 ຍັງໄດ້ຕິດອັນດັບ 1 ແລະອັນດັບ3 ຂອງຂັ້ນເມືອງຄື: ທ້າວ ພອນສະຫວັດເພັດສີສົມພູ ໄດ້ຄະແນນ 38, ນາງ ຟ້າວິໄລພອນທິລະກຸນ ໄດ້ຄະແນນ 36 ນອກນັ້ນທາງໂຮງຮຽນຍັງໄດ້ປະກອບສ່ວນຊ່ວຍເຫຼືອວຽກງານສັງຄົມເປັນຕົ້ນໄດ້ຊຸກຍູ້ຊ່ວຍເຫຼືອຜູ້ປະສົບໄພຊາວແຂວງອັດຕະປື,ປະກອບສ່ວນຕ່າງໆໃຫ້ ບ້ານໂຄກນິນ ແລະວຽກງານ ອື່ນໆ.

 ພາບ ແລະ ຂາ່ວໂດຍ: ໜັງສືພິມເສດຖະກິດ-ສັງຄົມ

แชร์