ເກີດເຫດໄອໂຟນ XS Max ລະເບີດ ຢູ່ໃນຖົງສົ້ງ

   ກາຍເປັນປະເດັນຂຶ້ນມາແລ້ວຫຼ້າສຸດມີລາຍງານວ່າພົບ iPhone XS Max ເກີດລະເບີດຂຶ້ນໃນຖົງສົ້ງຂອງພົນລະເມືອງລັດໂອໄຮໂອໂດຍເລື່ອງເກີດຂຶ້ນໃນວັນທີ 12 ທັນວາ ທີ່ຜ່ານມາແຕ່ຫາກໍປະກາດຂ່າວຢ່າງເປັນທາງການເມື່ອບໍ່ດົນມານີ້.

    Josh  Hillard ຜູ້ປະສົບໄພເລົ່າໃຫ້ຟັງວ່າລະຫວ່າງທີ່ເຂົາພັກກິນເຂົ້າເວລາ 03.00 ໂມງຕາມເວລາທ້ອງຖິ່ນເຂົາໄດ້ກິ່ນໄຟໃໝ້ ແລະ ຮູ້ ສຶກໄດ້ເຖິງອາຍຮ້ອນຄ່ອນຂ້າງສູງໃນລະດັບໜຶ່ງຫຼັງຈາກນັ້ນກໍມີຄວັນສີເຫຼືອງ ແລະສີຂຽວລອຍອອກມາຈາກຖົງສົ້ງຊຶ່ງມັນມາຈາກ iPhone XS Max ນັ້ນເອງຫຼັງຈາກນັ້ນ Hillard ໄດ້ນຳ iPhone ເຄື່ອງ ນີ້ໄປໃຫ້ກັບ Apple Store ກວດ ກາເບິ່ງຊຶ່ງທາງຮ້ານຈະໃຫ້ Hillard ປ່ຽນໃໝ່ແຕ່ເຂົາປະຕິເສດ ແລະຮັກສາໂທລະສັບໜ່ວຍນັ້ນໄວ້ຈາກນັ້ນລາວກໍໄດ້ສົ່ງພາບ iPhone ທີ່ໃໝ້ໃຫ້ກັບ Apple Care ຊຶ່ງຫົວໜ້າພະ ແນກຄວາມປອດໄພຂອງ Apple ກໍໄດ້ໃຫ້ຂໍ້ສະເໜີດຽວກັນຄືຈະມອບໂທລະສັບໜ່ວຍໃໝ່ໃຫ້ Hillard ລະບຸວ່າ “ມັນບໍ່ແມ່ນແຕ່ພຽງປ່ຽນໃໝ່”  ເຂົາຕ້ອງການໃຫ້ແອັບເປິລຊົດໃຊ້ຄ່າເສຍຫາຍກ່ຽວກັບສົ້ງລວມທັງເວລາທີ່ iPhone ມີບັນຫາຈົນເຮັດໃຫ້ເຂົາບໍ່ສາມາດໃຊ້ງານໄດ້ຊຶ່ງ  Hillard ເອງກໍກຳລັງຈະຈ້າງທະນາຍຟ້ອງ Apple ເພື່ອຮຽກຮ້ອງຄ່າເສຍຫາຍ.

   ກ່ຽວກັບເລື່ອງນີ້ຕ້ອງລໍຖ້າເບິ່ງວ່າຈະຍຸຕິລົງແນວໃດແລ້ວແອັບເປິລຈະອອກມາຖະແຫຼງກ່ຽວກັບເຫດການນີ້ ຫຼື ບໍ່.

แชร์