ຕາດນໍ້າຍອນ ອີກສະຖານທີ່ທ່ອງທ່ຽວ ທາງທໍາມະຊາດ

 ບໍ່ແກ້ວເປັນອີກແຂວງໜຶ່ງ ຂອງປະເທດລາວທີ່ຕັ້ງຢູ່ທາງທິດ ຕາເວັນຕົກສຽງເໜືອ, ເປັນແຂວງໜຶ່ງທີ່ມີພູດອຍກວມເປັນສ່ວນໃຫຍ່,ມີຊື່ສຽງທາງດ້ານອັນຍະມະນີອັນລໍ້າຄ່າແລະຍັງຢູ່ໃນເຂດສາມຫຼ່ຽມຄຳ ຊຶ່ງເປັນເຂດເສດຖະກິດພິເສດຂອງປະເທດຈີນ ໄດ້ຮັບສາຍານາມ ວ່າ: ບໍ່ແກ້ວມະນີລໍ້າຄ່າຊົມປ່າ ດອກງິ້ວບານເທສະບານບັນດາ ເຜົ່າຖິ່ນເມືອງເກົ່າສຸວັນນະໂຄມຄໍາ ຊົມຖໍ້ານໍ້າຍູ້ອູ້ສາວລາວຢວນຊວນຊົມວັດຈອມເຂົາມະນີຣັດໄຫວ້ພະທາດສຸວັນນະຜ້າຄໍາ”ຊຶ່ງໝາຍເຖິງ ດິນແດນແຫ່ງແກ້ວແຫວນເງິນຄໍາ, ຍ້ອນໄດ້ມີການຂຸດຄົ້ນ ແລະພົບ ເຫັນແຮ່ໄພລິນສີສັນສວຍງາມຢູ່ ໃນບໍລິເວນແຄມຝັ່ງແມ່ນໍ້າຂອງໃນດິນແດນແຫ່ງນີ້ຈຶ່ງເຮັດໃຫ້ແຂວງນີ້ ຖືກເອີ້ນວ່າ: ແຂວງບໍ່ແກ້ວ ແລະ ກາຍເປັນແຂວງທີ່ມີຊື່ສຽງທາງ ດ້ານເຄື່ອງປະດັບອັນຍະມະນີອັນ ລໍ້າຄ່າ ແລະສວຍສົດງົດງາມ.

ແຂວງບໍ່ແກ້ວ ນອກຈາກມີອັນຍະມະນີອັນລໍ້າຄ່າແລ້ວແຂວງຍັງມີແຫຼ່ງທ່ອງທ່ຽວທີ່ສໍາຄັນອີກຫຼາຍແຫ່ງບໍ່ວ່າຈະເປັນທາງທໍາມະຊາດ,ປະຫວັດສາດທີ່ສໍາຄັນເຊັ່ນ: ເມືອງເກົ່າສຸວັນນະໂຄມຄໍາ,ວັດຈອມເຂົາມະນີຣັດ,ພູຜາຮຸ້ງ,ພູຜາແດງ,ຂົວມິດຕະພາບລາວ-ໄທແຫ່ງ ທີ IV ປ່າສະຫງວນແຫ່ງຊາດນໍ້າ ກ່ານ-ເຮືອນຕົ້ນໄມ້,ວັດສຸວັນນະຜ້າຄໍາ, ຜາພະ, ເມືອງຕົ້ນເຜິ້ງ-ເຂດເສດຖະກິດພິເສດສາມຫຼ່ຽມຄໍາ,ບ້ານນໍ້າຈ້າງ ແລະອີກຫຼາຍສະຖານ ທີ່.ແຂວງບໍ່ແກ້ວຍັງເປັນແຂວງທີ່ຂຶ້ນຊື່ທາງດ້ານອາຫານທ້ອງຖິ່ນແລະທ່ານໃດທີ່ໄດ້ໄປທ່ຽວຊົມແຂວງບໍ່ແກ້ວຢ່າລືມຊີມເຂົ້າຊອຍບ້ານນໍ້າເກິ່ງ, ເຂົ້າຟືນ,ເຂົ້າປຸ້ນຫົວໂລ້ງບ້ານພິບຸນທອງ.

ສະເພາະຕາດນໍ້າຍອນສະຖານທີ່ທ່ອງທ່ຽວທາງທໍາມະຊາດທີ່ສວຍສົດງົດງາມອີ່ຫຼີອີກແຫ່ງໜຶ່ງເພາະເປັນຕາດທີ່ອ້ອມຮອບໄປດ້ວຍຕົ້ນໄມ້ນ້ອຍໃຫຍ່ສີຂຽວ, ຄຽງຂ້າງກັນກໍ່ມີສາຍພູລຽງລະຫຼາດປຽບເໜືອນກໍາແພງ,ຕົວຕາດເອງກໍມີສະເໜ່ແບບບໍ່ຄືໃຜນໍ້າກໍ່ໄຫຼສາດໆສໍາຜັດໄດ້ເຖິງຄວາມເຢັນແລະເຫັນໄດ້ ເຖິງຄວາມໃສສະອາດຕາຈິ່ງກາຍເປັນທີ່ນິຍົມຊົມຊອບຂອງບັນດານັກທ່ອງທ່ຽວທັງພາຍໃນເອງ ແລະຕ່າງ ປະເທດນໍາ.ສໍາລັບຕາດທີ່ວ່ານີ້ແມ່ນຕັ້ງຢູ່ທາງທິດເໜືອຂອງເມືອງຫ້ວຍຊາຍຫ່າງຈາກເທສະບານແຂວງປະມານ 25 ກິໂລແມັດ.

ພາບ ແລະ ຂາ່ວໂດຍ: ໜັງສືພິມເສດຖະກິດ-ສັງຄົມ

• 25/06/2019