ເສຍຊີວິດເກືອບ 100 ຄົນ ຍ້ອນອາກາດຮ້ອນຢູ່ອິນເດຍ

ເຈົ້າໜ້າທີ່ລັດພິຫານຂອງອິນເດຍກ່າວໃນທ້າຍອາທິດທີ່ຜ່ານມາວ່າ: ເນື່ອງຈາກອາກາດຮ້ອນຢ່າງຕໍ່ເນື່ອງໃນຫຼາຍມື້ຜ່ານມາ, ສົ່ງຜົນເຮັດໃຫ້ມີຜູ້ເສຍຊີວິດຢູ່ລັດດັ່ງກ່າວໄດ້ເພີ່ມຂຶ້ນເປັນ 92 ຄົນແລ້ວ.    

ຕາມຂ່າວຕ່າງປະເທດລາຍງານວ່າເຈົ້າໜ້າທີ່ສາທາລະນະສຸກທ້ອງຖິ່ນດັ່ງກ່າວວ່າ:ຍອດຜູ້ ເສຍຊີວິດຈາກອາກາດຮ້ອນຮຸນແຮງທີ່ແຜ່ປົກຄຸມຫຼາຍພື້ນທີ່ໃນ ລັດພິຫານທາງຕາເວັນອອກຂອງອິນເດຍໄດ້ເພີ່ມຂຶ້ນເປັນ 92 ຄົນແລ້ວໃນໄລຍະ 4 ວັນທີ່ຜ່ານມາໂດຍຜູ້ປະສົບເຄາະຮ້າຍສ່ວນຫຼາຍມີອາຍຸຫຼາຍກວ່າ 50 ປີ,ມີອາການໄຂ້ຮ້ອນ,ຖອກທ້ອງ ແລະຮາກ.ເພື່ອຮັບມືກັບອາກາດຮ້ອນ, ອຳນາດການປົກຄອງລັດພິຫານໄດ້ເຕືອນໃຫ້ປະຊາຊົນບໍ່ຄວນອອກເດີນທາງຖ້າບໍ່ມີຄວາມຈຳເປັນ.ຂະນະທີ່ໂຮງຮຽນທ້ອງຖິ່ນກໍໄດ້ປິດການຮຽນການສອນຈົນຮອດວັນທີ 22 ມິຖຸນານີ້.

ສື່ມວນຊົນອິນເດຍລາຍງານວ່າໃນໄລຍະຜ່ານມາ,ຢູ່ຫຼາຍທ້ອງຖິ່ນເຊັ່ນ:ນະຄອນຫຼວງນິວແດນລີ,ລັດຣາຊາສະຖານ,ລັດອູຕາປຣະເທດ ແລະອື່ນໆມີອາກາດຮ້ອນ ແຮງ, ບາງແຫ່ງມີອຸນຫະພູມສູງ ເຖິງ 50,8 ອົງສາ ຊຶ່ງໃກ້ກັບສະ ຖິຕິສູງສຸດໃນປະຫວັດສາດອິນ ເດຍຄື 51 ອົງສາ.

  1. ພາບ ແລະຂາ່ວໂດຍ: ໜັງສືພິມເສດຖະກິດ-ສັງຄົມ

แชร์