ເປີດໂຕກ້ອງ FujifilmGFX100 ມີຄວາມລະອຽດ 102 ລ້ານພິກເຊລ

ປະຈຸບັນຕະຫຼາດກ້ອງ Mirrorless ລະດັບ Full Frame ມີການແຂ່ງຂັນທີ່ຄ່ອນຂ້າງດຸເດືອດຈາກສາມແບຣນຂະໜາດໃຫຍ່ຄື:Nikon, Canon ແລະSony ຈຶ່ງຄາດວ່າ Fujifilmຈະປ່ຽນໄປລູຍຕະຫຼາດ APS-C ແລະMedium Format ແທນໂດຍບໍລິສັດໄດ້ເປີດໂຕ Fujifilm GFX 100 ກ້ອງ Medium Formatເຮືອທຸງລຸ້ນຫຼ້າສຸດອອກມາແລ້ວ.

Fujifilm GFX 100 ໃຊ້ເຊນ ເຊີ back-side illuminated CMOS ຄວາມລະອຽດສູງເຖິງ 102 ລ້ານພິກເຊລດ້ວຍປະສິດທິພາບຂອງເຊນເຊີຕົວນີ້ເຮັດໃຫ້ຜູ້ ໃຊ້ງານສາມາດດັນ ISO ໄດ້ສູງໃນສະພາບແສງນ້ອຍ ໂດຍພາບທີ່ຖ່າຍອອກມານັ້ນຍັງແຈ້ງ ແລະສວຍງາມຄືເກົ່າ.

Fujifilm ບອກວ່ານີ້ເປັນກ້ອງລຸ້ນ Medium Format ລຸ້ນທຳອິດຂອງບໍລິສັດທີ່ໃຊ້ລະບົບ Phase-detect autofocus ແບບຄວບຄຸມທັງເຊນເຊີຮອງຮັບການຕິດຕາມວັດຖຸ ແລະeye focus ມີປະສິດທິພາບການຈັບໂຟກັສໄດ້ໄວກວ່າ GFX 50R ເຖິງ 210% GFX 100 ຍັງມີກັນສັ່ນພາຍໃນຕົວເອງສາມາດກັນສັ່ນໄດ້ ສູງເຖິງ 5,5 stops ຮອງຮັບການຖ່າຍວິດີໂອ 30 fps 4K 4:2:2 10-bit ເຮັດໃຫ້ສາມາດຖ່າຍທຳ depth of field  ອອກມາໄດ້ສວຍງາມຫຼາຍຍິ່ງຂຶ້ນ.

ນອກຈາກທີ່ກ່າວມາເບື້ອງຕົ້ນແລ້ວ Fujifilm GFX 100 ຍັງ ມີໜ້າຈໍສຳຜັດທີ່ຮອງຮັບການ flt ຫຼື ງໍໄດ້ຫຼາຍມູມພ້ອມ EVF ຄວາມລະອຽດ 5,76 ລ້ານພິກເຊລ ແລະTOP LCD ສຳລັບເບິ່ງລາຍລະອຽດດ້ານເທິງບໍ່ຕ້ອງເບິ່ງຈໍຮອງຮັບ UHS-II card ແລະແບັດເຕີຣີສອງສະລ໊ອດມີ Joystick ສະເປັກອື່ນໆຮອງຮັບການຖ່າຍ ພາບ 16-bit RAW ມີຟີເຈີ Smooth Skin Effect ຫຼື ຖ່າຍພາບຄົມນຽນງາມບໍ່ຕ້ອງແຕ່ງຕາມຫຼັງມີ Weather sealed ກັນຝຸ່ນກັນລະອອງນໍ້າໄດ້ດີລະດັບໜຶ່ງຮອງຮັບການເຊື່ອມຕໍ່ WiFi ມາດຕະຖານ  802 11ac  ມີໂໝດສີ Eterna.ທັງໝົດນີ້ລາຄາຢູ່ທີ່ 10.000 ໂດລາສະຫະລັດໂດຍບໍ່ມີເລນຕິດກ້ອງມານຳເລີ່ມວາງຈຳໜ່າຍໃນ ວັນທີ 27 ມິຖຸນານີ້.

ພາບ ແລະຂາ່ວໂດຍ: ໜັງສືພິມເສດຖະກິດ-ສັງຄົມ

แชร์