ຈີນອອກມາດຕະການຍົກເວັ້ນພາສີ ໃຫ້ກຸ່ມບໍລິສັດຊອຟແວຣ 

ຫຼັງຈາກທີ່ຫົວເຫວີຍຖືກລັດຖະບານອາເມລິກາລວມທັງບໍລິສັດຄູ່ຄ້າອາເມລິກາໄດ້ຫ້າມເຮັດທຸລະກິດກັບຫົວເຫວີຍ ໂດຍສະ ເພາະ Google ແລະARM ທີ່ມີຄວາມສຳຄັນໃນແງ່ຂອງຊອຟ ແວຣ ແລະຮາດແວຣສູງ.

ຫຼ້າສຸດທາງກະຊວງການເງິນຂອງ ສປ ຈີນເອງກໍອອກມາປະກາດມາດຕະການຍົກເວັ້ນພາສີ ເປັນກໍລະນີພິເສດໃຫ້ກັບກຸ່ມບໍລິສັດເຕັກໂນໂລຊີອຸດສາຫະກຳເຊມິຄອນດັກເຕີ ແລະພັດທະນາຊອຟ ແວຣເພື່ອສະໜັບສະໜູນການພັດ ທະນາໃນອຸດສາຫະກຳດັ່ງກ່າວໃນປະເທດຢ່າງເຕັມທີ່ໂດຍໄວໂດຍມາດຕະການດັ່ງກ່າວຈະເຮັດໃຫ້ບໍລິສັດທີ່ຢູ່ໃນຂ່າຍຈະໄດ້ຮັບການຍົກເວັ້ນພາສີນຳເຂົ້າໄປເລີຍໃນ 2 ປີຕໍ່ຈາກນີ້ ແລະຈະເສຍພາສີນິຕິບຸກຄົນໃນອັດຕາພິເສດພຽງເຄິ່ງດຽວ 12,5% ຈາກເດີມ 25% ໃນປີທີ 3 ຫາປີທີ 5.

ຖືວ່າລັດຖະບານຂະຫຍັບຕົວເຂົ້າຫຼາຍເພື່ອສະໜັບສະໜູນອຸດສາຫະກຳດ້ານເຕັກໂນໂລຊີໃນປະເທດຫຼັງຈາກທີ່ຫົວເຫວີຍເປັນເປົ້າຖືກໂຈມຕີຈາກສົງຄາມການຄ້າເມກະເທຣນດຕອນນີ້ກໍຄືຈີນຈະຕ້ອງເຮັດການພັດທະນາຊິບເຊັດແລະຊອຟແວຣຂອງຕົນເອງຂຶ້ນມາໃນແບບສະເກລໃຫຍ່ເພື່ອຫຼຸດການເພິ່ງພາພາດເນີຈາກອາເມລິກາແລະ ເຮົາຈະລໍເບິ່ງຜົນຮັບທີ່ດີຂອງບໍລິສັດເຕັກໂນໂລຊີຈີນໃນໄລຍະຍາວ“Wu Kan”ຜູ້ຈັດໆການລົງທຶນຈາກສະຖາບັນການເງິນ Soohow Securities ກ່າວ.

ສຳລັບເຊມິຄອນດັກເຕີເປັນ1 ໃນ10 ແຜນນະໂຍບາຍອຸດສາຫະກຳທີ່ເອີ້ນວ່າ Made in China 2025 ຊຶ່ງທາງການຈີນຕັ້ງເປົ້າພັດທະນາອຸດສາຫະກຳໄຮເທັກໃຫ້ໄລ່ທັນຜູ້ນຳໃນຕະຫຼາດລະດັບໂລກ ແລະເພິ່ງຕົນເອງແບບ100% ພາຍໃນ 6 ປີຂ້າງໜ້າ ໂດຍໃນເວລານີ້ອຸດສາຫະກຳໄມໂຄຣຊິບຂອງຈີນມີຕົວເລກນຳເຂົ້າທີ່ເພີ່ມສູງຂຶ້ນຈາກປີ 2017ເຖິງ 30 %.

ພາບ ແລະຂາ່ວໂດຍ: ໜັງສືພິມເສດຖະກິດ-ສັງຄົມ

แชร์