ຮູບເງົາ ດອກຄູນສຽງແຄນ ຈະອອກອາກາດຄືນນີ້

“ດອກຄູນສຽງແຄນ”ລະຄອນຮູບເງົາຜົນງານຮ່ວມລາວ-ໄທທີ່ໄດ້ສາວຊຸບເປີສະຕາລູກນໍ້າທິດາລັດນາງ ສາວລາວປີ  2011  ສະແດງເປັນນາງເອກຮ່ວມກັບຕູມຕາມຢຸດທະນາພະເອກໜຸ່ມໄທ, ພ້ອມດ້ວຍດາລານັກສະແດງໄທອີກຫຼາຍຊີວິດ,ຊຶ່ງເປັນເລື່ອງທີ່ເວົ້າເຖິງຄວາມຮັກຕ້ອງຫ້າມລະຫວ່າງດອກຄູນ ແລະແຄນໂດຍຈະອອກອາກາດທາງໂທລະພາບຊ່ອງ GMM25 ຂອງໄທໃນຄໍ່າຄືນວັນທີ 24 ມິຖຸນານີ້.

ລະຄອນຮູບເງົາ “ດອກຄູນສຽງ ແຄນ”ຜົນງານຮ່ວມລາວ-ໄທທີ່ໄດ້ສາວຊຸບເປີສະຕາລູກນໍ້າ ທິດາລັດນາງສາວລາວປີ 2011 ຮັບບົດເປັນນາງເອກສະແດງເປັນດອກຄູນຮ່ວມກັບຕູມຕາມ ຢຸດທະນາພະເອກໜຸ່ມໄທຮັບບົດເປັນແຄນພ້ອມດ້ວຍດາລານັກສະແດງໄທອີກຫຼາຍຊີວິດເຊັ່ນ:ເຕົ໋າ ພູສິນ,ເຂົ້າ ທິບທິດາດິນ ແລະຄົນອື່ນໆອີກ.ຮູບເງົາ “ດອກຄູນສຽງແຄນ” ມີ ການຖ່າຍທໍາມາແຕ່ທ້າຍປີ 2018 ເປັນເລື່ອງລາວຂອງດອກຄູນຢາກເດີນຕາມຄວາມຝັນເພື່ອຫາເງິນ ລ້ຽງນ້ອງ ໂດຍການເປັນນັກຮ້ອງ ຊຶ່ງໄດ້ມາອາໄສຢູ່ກັບຄອບຄົວຂອງແຄນຕັ້ງແຕ່ຍັງນ້ອຍແລະທັງສອງເກີດມັກຮັກກັນຂຶ້ນມາ, ແຕ່ຄວາມ ຮັກຂອງທັງສອງຕ້ອງມີອຸປະສັກເພາະຜູ້ໃຫຍ່ພໍ່ຂອງແຄນບໍ່ເຫັນດີ ນຳຄວາມສຳພັນແບບນີ້ແລະທັງສອງຕ້ອງພົບກັບບົດພິສູດຕ່າງໆທີ່ເຂົ້າມາຫຼາຍຢ່າງຊຶ່ງຈະມາທົດສອບຄວາມຮັກລະຫວ່າງດອກຄູນ ແລະ ແຄນ. 

ແຟນໆຮູບເງົາສາມາດຕິດຕາມ ແລະຮ່ວມລຸ້ນນໍາກັນວ່າຄວາມຮັກ ລະຫວ່າງຄົນສອງຄົນຈະຈົບລົງ ແບບໃດໃນຮູບເງົາ “ດອກຄູນສຽງ ແຄນ” ຊຶ່ງໄດ້ກຳນົດອອກອາກາດຢ່າງເປັນທາງການໃນທຸກໆວັນຈັນ-ອັງຄານເວລາ20:10 ໂມງເລີ່ມວັນທີ 24 ມິຖຸນາ 2019 ນີ້ທາງໂທລະພາບຊ່ອງ GMM25 ຂອງປະເທດໄທ.

ພາບ ແລະຂາ່ວໂດຍ: ໜັງສືພິມເສດຖະກິດ-ສັງຄົມ

แชร์