ຝຶກອົບຮົມຄູຝຶກ, ກຳມະການຕັດສິນບານເຕະຂັ້ນພື້ນຖານ

ພິທີປິດຊຸດຝຶກອົບຮົມຄູຝຶກ,ກຳມະການຕັດສິນບານເຕະຂັ້ນພື້ນຖານຂອງສະຫະພັນບານເຕະແຫ່ງຊາດລາວໄດ້ຈັດຂຶ້ນໃນວັນທີ 20 ມິຖຸນາ 2019 ທີ່ຫ້ອງປະຊຸມພະ ແນກສຶກສາທິການ ແລະກີລາ ແຂວງ, ໂດຍການເຂົ້າຮ່ວມຂອງ ທ່ານ ພັນດວງຕາຮອງຫົວໜ້າພະແນກສຶກສາທິການແລະກີລາ,ທ່ານອະກິລະ ໂອໂນຫົວໜ້າເຕັກນິກສະຫະພັນບານເຕະແຫ່ງຊາດ ລາວ, ມີທິມງານຈາກສະຫະພັນບານເຕະແຫ່ງຊາດລາວ,ຄູຝຶກ,ກຳມະການພ້ອມດ້ວຍສຳມະນາ ກອນເຂົ້າຮ່ວມ.

ທ່ານ ສີປະເສີດສີບັນດີດຄູຝຶກກຳມະການຕັດສິນຈາກສະຫະພັນບານເຕະແຫ່ງຊາດໄດ້ສະຫຼຸບຕີລາຄາຄືນ:ການຝຶກອົບຮົມໃນຄັ້ງນີ້ເພື່ອສ້າງ ແລະພັດທະນາຄູ ຝຶກບານເຕະ ແລະກຳມະການຕັດສິນພື້ນຖານຢູພາຍໃນແຂວງເພື່ອຕອບສະໝອງບຸກຄະລາກອນ,ວິຊາການບານເຕະໃຫ້ພຽງພໍກັບຄວາມຕ້ອງການມີປະສິດທິພາບດີຂຶຶຶ້ນໃຫ້ທຽບເທົ່າກັບສາກົນທັງເປັນການຮັບໃຊ້ເຂົ້າໃນການຄັດເລືອກ ຄູຝຶກ ແລະກຳມະການຕັດສິນເພື່ອ ກຽມພ້ອມເຂົ້າຮ່ວມຕັດສິນງານ ມະຫາກຳກີລາແຫ່ງຊາດລາວຄັ້ງ ທີ່ 11 ທີ່ແຂວງຊຽງຂວາງ ເປັນ ເຈົ້າພາບໃນປີ 2020 ຊຸດຝຶກອົບຮົມໃນຄັງນີ້ພາຍຫຼັງໄດ້ດຳເນີນມາ ເປັນເວລາ 4 ວັນ ແຕ່ກໍ່ປາສະຈາກບໍ່ໄດ້ສິ່ງຂາດຕົກບົກຜ່ອງເປັນ ຕົ້ນແມ່ນສະຖານທີ່ບໍ່ອຳນວຍ ຄວາມສະດວກບໍ່ພຽງພໍກັບຄວາມ ຕ້ອງການນັກສຳມະນາກອນບາງ ທ່ານຍັງຊັກຊ້າບໍ່ປະຕິບັດຕາມໂມງ ເວລາ.

ຕອນທ້າຍຄູຝຶກກຳມະການຕັດສິນກໍ່ໄດ້ສະແດງຄວາມຮູ້ບຸນຄຸນຕໍ່ສະຫະພັນບານເຕະແຫ່ງຊາດລາວທີ່ໄດ້ມີຄວາມເປັນຫ່ວງເປັນໄຍແລະຊອກຫາແຫຼງທຶນມາຊ່ວຍ ແຂວງໄຊຍະບູລີຫວັງໂອກາດໜ້າຈະໄດ້ຮັບການຊ່ວຍເຫຼືອຕື່ມຈາກນັ້ນກໍ່ໄດ້ມອບໃບຢັ້ງຢືນຊຸດຝຶກອົບຮົມໃຫ້ຄູຝຶກ,ກຳມະການຕັດສິນ ແລະສຳມະນາກອນ.

ພາບ ແລະຂາ່ວໂດຍ: ໜັງສືພິມເສດຖະກິດ-ສັງຄົມ

แชร์