ສຳຜັດທຳມະຊາດຕາດຄູ່ ເມືອງປາກຊ່ອງ ແຂວງຈໍາປາສັກ

ຕາດຄູ່ເປັນແຫຼ່ງທ່ອງທ່ຽວທາງດ້ານທໍາມະຊາດອີກແຫ່ງໜຶ່ງທີ່ກໍາລັງໄດ້ຮັບຄວາມນິຍົມ ແລະເປັນອີກສະຖານທີ່ທ່ອງທ່ຽວໜຶ່ງທີ່ມີຊື່ສຽງຂອງເມືອງປາກຊ່ອງ ແຂວງຈໍາປາສັກທີ່ສາມາດດຶງດູດນັກທ່ອງທ່ຽວທັງພາຍໃນ, ຕ່າງ ແຂວງ ແລະຕ່າງປະເທດໄດ້ເປັນຢ່າງດີ.

ນໍ້າຕົກຕາດແຫ່ງນີ້ເປັນນໍ້າຕົກຕາດສວຍງາມທີ່ເກີດຈາກທຳມະຊາດ ແລະມີສາຍນໍ້າໃສໄຫຼຢູ່ເທິງພະລານຫີນທີ່ຢັ່ງຢາຍໄປທົ່ວບໍລິເວນຕາດ ເນື່ອງຈາກການໄຫຼເຊາະ ຂອງສາຍນໍ້າມາເປັນເວລາດົນນານຈຶ່ງເຮັດໃຫ້ສະຖານທີ່ແຫ່ງນີ້ສວຍ ງາມໂດຍທີ່ບໍ່ຕ້ອງຕົບແຕ່ງ,ບໍລິເວນຕາດຖືກອ້ອມຮອບໄປດ້ວຍປ່າທໍາ ມະຊາດທີ່ສວຍສົດງົດງາມ, ຕົ້ນໄມ້ ໃຫຍ່ຂຽວອຸ່ມທຸ່ມທັງສອງຝາກຝັ່ງ ແລະພືດພັນນາໆຊະນິດ.ນອກນັ້ນພາຍໃນຕາດແຫ່ງນີ້,ຍັງມີອາຫານພື້ນບ້ານ ແລະເຄື່ອງດື່ມປະເພດ ຕ່າງໆໄວ້ຄອຍບໍລິການ,ມີຕູບນ້ອຍໃຫຍ່,ມີຫ້ອງນໍ້າແລະບ່ອນຈອດລົດກວ້າງຂວາງໄວ້ອໍານວຍຄວາມສະດວກໃຫ້ແກ່ຜູ້ທີ່ມາທ່ຽວຊົມແລະສິ່ງສໍາຄັນອີກຢ່າງໜຶ່ງຄື:ພວກເຮົາສາມາດນໍາເອົາເສດອາຫານ ຫຼືຂະໜົມເກືອປານ້ອຍປາໃຫຍ່ທີ່ລອຍ ລ່ອງໄປມາໃນໜອງຢ່າງຫຼວງຫຼາຍ.ຖ້າມີໂອກາດຢ່າງລືມລອງໄປສໍາຜັດກັບບັນຍາກາດຊົມວິວທໍາມະຊາດ,ອາກາດອັນບໍລິສຸດກໍສາມາດໄປໄດ້ຕາດດັ່ງກ່າວຕັ້ງຢູ່ບ້ານອຸປະຊາ ເມືອງປາກຊ່ອງ ແຂວງຈໍາປາສັກ.

ພາບ ແລະຂາ່ວໂດຍ: ໜັງສືພິມເສດຖະກິດ-ສັງຄົມ

แชร์