ເມືອງທ່າປາງທອງ ຫຼໍ່ພະພຸດທະຮູບປາງຊະນະມານ

ເມືອງທ່າປາງທອງ ແຂວງ ສະຫວັນະເຂດໄດ້ຈັດພິທີຫຼໍ່ພະພຸດທະຮູບປາງຊະນະມານຢູ່ທີ່ພູຕີຕົກບ້ານນາຫ້ວຍໄລ່ຊຶ່ງມີໜ້າຕັກກວ້າງ 4 ແມັດ, ສູງ 6 ແມັດ ລວມມູນຄ່າ 100 ລ້ານກວ່າກີບໂດຍໄດ້ມາຈາກນໍ້າໃຈໃສສັດທາຂອງປະຊາຊົນທັງ ພາຍໃນ ແລະພາຍນອກ. 

ພິທີຫຼໍ່ພະພຸດທະຮູບປາງຊະນະມານບ້ານນາຫ້ວຍໄລ່ ເມືອງທ່າປາງທອງ ໄດ້ຈັດຂຶ້ນໃນວັນທີ 15 ມິຖຸນາ 2019, ນໍາພາສ້າງ ໂດຍພະ ອາຈານ ພູມີຄໍາມີພົນ ເຈົ້າອະທິການວັດບ້ານນາຫວ້ຍໄລ່, ໂດຍໃຫ້ກຽດເຂົ້າຮ່ວມຂອງພະອາຈານທາດແກ້ວສະເໜ່ຫາຮອງປະທານອົງການພຸດທະສາສະໜາເມືອງທ່າ ປາງທອງ, ມີທ່ານ ອິນຕອງລືຄໍາຫານປະທານແນວລາວສ້າງຊາດເມືອງ,ມີຫົວໜ້າຫ້ອງການຖະແຫຼງຂ່າວວັດທະນະທໍາແລະທ່ອງ ທ່ຽວເມືອງ,ອົງການຈັດຕັ້ງທີ່ກ່ຂ້ອງ, ພ້ອມດ້ວຍອໍານາດການປົກຄອງບ້ານ ແລະພາຍຊາຊົນເຂົ້າຮ່ວມຢ່າງຫຼວງຫຼາຍ.

ທ່ານ ທອງລືຄຳມີພົນຄະນະກຳມະການຮັບພິຊອບການຫຼໍ່ພະພຸດທະຮູບໃນຄັ້ງນີ້ໃຫ້ຮູ້ວ່າ:ພະພຸດທະຮູບປາງຊະນະມານແມ່ນໄດ້ເລີ່ມກໍ່ສ້າງມາແຕ່ວັນທີ 14 ພຶດສະພາຫາວັນທີ 1 ມິຖຸນາ 2019 ຕັ້ງຢູ່ພູຕີຕົກບ້ານນາຫ້ວຍໄລ່ ເມືອງທ່າປາງທອງ,ຊຶ່ງມີໜ້າຕັກກວ້າງ 4 ແມັດ,ສູງ 6 ແມັດທຶນກໍ່ສ້າງເບື້ອງຕົ້ນແມ່ນໄດ້ມາຈາກທຶນລວມຂອງບ້ານ,ສັດທາຈາກພາຍນອກ ແລະສັດທາມາຈາກນະຄອນຫຼວງວຽງຈັນລວມງົບປະມານທັງໝົດ 100 ລ້ານກວ່າກີບ.

ສໍາລັບການຫຼໍ່ພະພຸດທະຮູບຄັ້ງນີ້ ແມ່ນໄດ້ດໍາເນີນເປັນເວລາ 2 ວັນຈຶ່ງສໍາເລັດຄືໃນລະຫວ່າງວັນທີ 15-16 ມິຖຸນາ 2019.ສ່ວນຕອນເຊົ້າວັນທີ 17 ມິຖຸນາ ແມ່ນມີການຕັກບາດຖວາຍສັງຄະທານແກ່ພະສົງທີ່ມາຮ່ວມງານຫຼໍ່ພະພຸດທະຮູບເພື່ອເປັນສິລິມຸງຄຸນແກ່ເຈົ້າພາບເຈົ້າສັດທາແລະອອກຕົນຍາດໂຍມທີ່ມາຮ່ວມພິທີ.

ພາບ ແລະຂາ່ວໂດຍ: ໜັງສືພີມເສດຖະກິດ-ສັຄົມ

แชร์