ສສກ ມອບອຸປະກອນກີລາ ແລະເຄື່ອງຮັບໃຊ້ ຫ້ອງການໃຫ້ ສກມ ໜອງແຮດ

ກະຊວງສຶກສາທິການແລະກີລາ (ສສກ)ມອບອຸປະກອນກີລາແລະເຄື່ອງຮັບໃຊ້ຫ້ອງການໃຫ້ແກ່ຫ້ອງການສຶກສາທິການແລະກີລາເມືອງ (ສກມ) ໜອງແຮດ ແຂວງຊຽງຂວາງຊຶ່ງປະກອບມີ:ຄອມພິວເຕີ 2ເຄື່ອງ,ຈັກກອບປີ1ເຄື່ອງ,ປິ່ນເຕີ 1ເຄື່ອງ ແລະອຸປະກອນກີລາ-ສິລະປະຈຳນວນໜຶ່ງລວມມູນຄ່າທັງໝົດ 51, 22 ລ້ານກີບ, ເພື່ອປະກອບສ່ວນເຂົ້າໃນການພັດທະນາວຽກງານການສຶກສາແລະກີລາຂອງເມືອງໃຫ້ມີຄຸນນະພາບດີຂຶ້ນ.

ພິທີມອບຮັບເຄື່ອງຊ່ວຍເຫຼືອຄັ້ງນີ້ຈັດຂຶ້ນໃນວັນທີ 14 ມິຖຸນາ 2019 ຜ່ານມາຢູ່ທີ່ຫ້ອງການສຶກສາທິການແລະກີລາເມືອງໜອງ ແຮດຊຶ່ງໃຫ້ກຽດກ່າວມອບໂດຍທ່ານ ແສງພອນພົນອາມາດຫົວໜ້າກົມກີລາລະດັບສູງກະຊວງສຶກສາທິການແລະກີລາ ແລະກ່າວຮັບໂດຍທ່ານຄຳບູ່ວັນນະບຸນມາກຳມະການພັກເມືອງຫົວໜ້າຫ້ອງ ການສຶກສາທິການແລະກີລາເມືອງໜອງແຮດ ແຂວງຊຽງຂວາງ ແລະໃຫ້ກຽດເຂົ້າຮ່ວມເປັນສັກຂີພິຍານຂອງທ່ານທອງຜິວສີປັນຍາຮອງ ຫົວໜ້າພະແນກສຶກສາທິການແລະກີລາແຂວງຊຽງຂວາງ,ມີບັນດາພະນັກງານຂອງຫ້ອງການສຶກສາທິການ ແລະກີລາເມືອງ ແລະພາກສ່ວນທີ່ກ່ຽວຂ້ອງເຂົ້າຮ່ວມ.

ໃນໂອກາດນີ້ທ່ານ ຄຳບູ່ ວັນນະບຸນມາໄດ້ກ່າວສະແດງຄວາມຂອບໃຈມາຍັງກະຊວງສຶກສາທິການແລະກີລາທີ່ໄດ້ເປັນຫ່ວງເປັນໄຍແລະໃຫ້ຄວາມສຳຄັນຕໍ່ເມືອງ ໜອງແຮດທີ່ເປັນເມືອງພູດອຍ,ຫ່າງໄກສອກຫຼີກຊຶ່ງໄດ້ນຳເອົາອຸປະກອນກີລາແລະເຄື່ອງຮັບໃຊ້ຫ້ອງການມາມອບໃຫ້ເມືອງຄັ້ງນີ້,ທາງເມືອງຈະນຳເອົາອຸປະກອນດັ່ງກ່າວຮັບໃຊ້ເຂົ້າໃນວຽກງານຕົວຈິງໃຫ້ເກີດປະໂຫຍດສູງສຸດເພື່ອພັດທະນາຄຸນນະພາບການ ສຶກສາກີລາພາຍໃນເມືອງໃຫ້ມີປະສິດທິພາບດີຂຶ້ນເທື່ອລະກ້າວ

ພາບ ແລະຂາ່ວໂດຍ: ໜັງສືພີມເສດຖະກິດ-ສັຄົມ

แชร์