ມະຫາວິທະຍາໄລແຫ່ງຊາດລາວ-ຫວຽດນາມຮ່ວມມືເປີດຫຼັກສູດປະລິນຍາໂທ

ເພື່ອກໍ່ສ້າງບຸກຄະລາກອນໃນສາຂາເສດຖະສາດການລົງທຶນໃຫ້ມີຄວາມຮູ້ຄວາມສາມາດໃນການວິເຄາະການລົງທຶນ ຫຼື ສາມາດປະເມີນຜົນຂອງການລົງທຶນ ໄດ້ໃນລະດັບສູງທັງນີ້,ກໍ່ເພື່ອເປັນ ການຮ່ວມມືລະຫວ່າງ 2 ພາກສ່ວນເປັນການຮັດແໜ້ນສາຍພົວພັນ ແລະເປັນການຂະຫຍາຍການຮ່ວມມືຂອງມະຫາວິທະຍາໄລແຫ່ງຊາດ ກັບຕ່າງປະເທດ.

ທ້າຍອາທິດຜ່ານມາທີ່ນະຄອນຫຼວງວຽງຈັນຄະນະເສດຖະສາດແລະບໍລິຫານທຸລະກິດ (ຄສບ)ມະຫາວິທະຍາໄລແຫ່ງຊາດລາວຮ່ວມກັບມະຫາວິທະຍາໄລເສດຖະກິດແຫ່ງຊາດ ສສ ຫວຽດນາມ ເປີດ ໂຄງການຫຼັກສູດປະລິນຍາໂທສາຂາເສດຖະສາດແລະການລົງທຶນຮຸ່ນທີ 1 ໃນສົກຮຽນ 2019-2020 ໂດຍເປັນກຽດເຂົ້າຮ່ວມຂອງທ່ານເພັດສະໝອນພົມມະວົງວ່າການຄະນະບໍດີຄະນະເສດຖະສາດ ແລະບໍລິຫານທຸລະກິດແລະທ່ານ ທານໂທດັດ ທີ່ປຶກສາມະຫາວິທະຍາ ໄລເສດຖະກິດແຫ່ງຊາດ ສສ ຫວຽດ ນາມ,ພ້ອມດ້ວຍຮອງຄະນະບໍດີ, ຫົວໜ້າໜ່ວຍງານ, ຂະແໜງງານ, ພະນັກງານ, ຄະນະຮັບຜິດຊອບ      ວຽກງານກ່ຽວຂ້ອງ ແລະນັກສຶກ ສາເຂົ້າຮ່ວມ.

ສໍາລັບຫຼັກສູດດັ່ງກ່າວແມ່ນການຮຽນເປັນພາສາອັງກິດລວມ ມີ 15 ວິຊາຮຽນ ໂດຍໃຊ້ເວລາ 2 ປີ. ສ່ວນເງື່ອນໄຂຂອງຜູ້ທີ່ຈະສະໝັກແມ່ນຕ້ອງຈົບສາຂາເສດຖະສາດແລະບໍລິຫານທຸລະກິດໃນລະດັບປະລິນຍາຕີຄະແນນສະເລ່ຍ 3.00  ຂຶ້ນໄປ, ມີຄະແນນ TOEFL 500 ຂຶ້ນໄປ ແລະIL 5,5 ຄະແນນຂຶ້ນໄປ. ຫຼັກສູດດັ່ງກ່າວໄດ້ເປີດຮັບຄໍາຮ້ອງສະໝັກໃນວັນທີ 17 ມິຖຸນາ 31 ກໍລະກົດນີ້ ແລະຈະສອບເສັງຄັດເລືອກໃນວັນທີ 4 ສິງຫາ 2019,ສາມາດພົວພັນ ໂດຍກົງທີ່ພາກວິຊາການຄ້າຄະນະເສດຖະສາດແລະບໍລິຫານທຸລະກິດ ຫຼື ດາວໂຫຼດຄໍາຮ້ອງ,ແບບຟອມສະໝັກແລະລາຍລະອຽດເງື່ອນໄຂໄດ້ທີ່ Face book: FEB-Graduate-Programe.

 ພາບ ແລະຂາ່ວໂດຍ: ໜັງສືພີມເສດຖະກິດ-ສັຄົມ

แชร์