ໂຮງຮຽນຊັບປັນຍາ ຈັດພິທີສະຫຼຸບສົກຮຽນ

 ທ້າຍອາທິດໂຮງຮຽນລ້ຽງເດັກອະບານປະຖົມ ແລະມັດທະຍົມຕົ້ນຊັບປັນຍາເມືອງສີໂຄດຕະບອງນະຄອນຫຼວງວຽງຈັນໄດ້ຈັດພິທີສະຫຼຸບສົກຮຽນ2018-2019 ຂຶ້ນທີ່ຫໍວັດທະນາທຳແຫ່ງຊາດນະຄອນຫຼວງວຽງຈັນໂດຍໃຫ້ກຽດເຂົ້າຮ່ວມຂອງທ່ານຊົມພູ ແກ້ວປັນຍາຫົວໜ້າພະແນກສຶກສາທິການແລະກີລາ ນະຄອນຫຼວງວຽງຈັນ, ທ່ານ ສິນໄຊ ສຸທຳມະວົງຮອງຫົວໜ້າຫ້ອງການສຶກສາທິການແລະກີລາເມືອງສີໂຄດຕະບອງ ທ່ານ ແດນນ້ຽວລິ່ມປະທານຜູ້ບໍລິຫານ ໂຮງຮຽນ ລ້ຽງເດັກອະນຸບານປະຖົມແລະມັດທະຍົມຕົ້ນຊັບປັນຍາ,ມີ ທ່ານ ເອກອັກຄະລັດຖະທູດມາເລເຊຍປະຈຳລາວ,ຄະນະອຳນວນການໂຮງຮຽນພະນັກງານ ຄູ-ອາຈານ ແຂກຖືກເຊີນພ້ອມພໍ່ແມ່ຜູ້ປົກຄອງ ແລະນ້ອງນັກຮຽນ ເຂົ້າຮ່ວມ.

ທ່ານ ນາງ ຈິນດາພົນເຕຊາຜູ້ອຳນວຍການໂຮງຮຽນລ້ຽງເດັກອະນຸບານປະຖົມ ແລະມັດທະຍົມຕົ້ນຊັບປັນຍາກ່າວໃຫ້ຮູ້ວ່າໂຮງຮຽນລ້ຽງເດັກອະນຸບານປະຖົມ ແລະມັດທະຍົມຕົ້ນຊັບປັນຍາ ເລີ່ມເປີດການຮຽນການສອນມາແຕ່ປີ 2009 ໂດຍປະຕິບັດການຮຽນການສອນໄປຕາມ 3 ລັກສະນະ 5 ຫຼັກມູນການສຶກສາ ແລະຂໍ້ແຂ່ງຂັນຂອງການສຶກສາແຫ່ງຊາດຢ່າງຕັ້ງໜ້າ ພ້ອມທັງເລັ່ງປັບປຸງວຽກງານການຮຽນການສອນ ແລະການບໍລິຫານພາຍໃນໂຮງຮຽນໃຫ້ມີຄຸນນະພາບ ເປັນຫຼັກແລະສຸມໃສ່ນຳພາກໍ່ສ້າງ ໂຮງຮຽນໃຫ້ເປັນໂຮງຮຽນຂຽວສະອາດສະພາບແວດລ້ອມດີປອດ ສິ່ງເສບຕິດ ແລະໃຫ້ໄດ້ເປັນໂຮງ ຮຽນຕົວແບບພ້ອມດຽວກັນໃນໃນສົກຮຽນ 2018-2019ກໍ່ໄດ້ຖືກປະກາດເປັນໂຮງຮຽນປອດສິ່ງເສບ ຕິດຢ່າງເປັນທາງການ.

ສຳລັບສົກຮຽນ 2018-2019 ມີພະນັກງານ ແລະຄູສອນທັງໝົດ 35 ຄົນຍິງ28 ຄົນ ໃນນັ້ນມີຄູຕ່າງປະເທດ 5 ຄົນ ຍິງ 4 ຄົນ ມີນັກຮຽນທັງໝົດ 192  ຄົນ  ໃນນີ້ຊັ້ນ ລ້ຽງເດັກອ່ອນມີຈຳນວນ 9 ຄົນຍິງ 6 ຄົນ ຊັ້ນລ້ຽງເດັກໃຫຍ່ມີ 20 ຄົນ ຍິງ 12 ຄົນ ຊັ້ນອະນຸບານ ຈຳນວນ 84  ຄົນ ຍິງ 40 ຄົນ ຊັ້ນປະຖົມມີ 71 ຄົນ ຍິງ  34  ຄົນ ແລະຊັ້ນມັດທະຍົມຕອນຕົ້ນມີຈຳນວນ 8 ຄົນຍິງ 4 ຄົນ ຜົນສຳເລັດດ້ານວິຊາສະເພາະນັກຮຽນລະດັບຊັ້ນປະຖົມສຶກສາໄດ້ຮັບການຍ້ອງຍໍຈາກຫ້ອງການສຶກສາທິກາ ແລະກີລາເມືອງສີໂຄດຕະບອງ 32 ຄົນ ເຂົ້າຮ່ວມການສອບເສັງນັກຮຽນເກັ່ງຂັ້ນເມືອງວິຊາໂລກອອ້ອມຕົວ 1 ນ້ອງ ສ່ວນການແຂ່ງຂັນລະດັບນາໆຊາດໄດ້ເຂົ້າຮ່ວມການແຂ່ງຂັນອາເມລິກັນຄະນິດສາດໂອແລມປິກ 2018 ໄດ້ຮັບຫຼຽນທອງເຂົ້າຮ່ວມການແຂ່ງຂັນສະມາດແບຣນ ຈິດຕະຄະນິດນາໆຊາດຄັ້ງທີ 18 ທີ່ປະເທດໄທໄດ້ຮັບຫຼຽນເງິນໃນຮຸ່ນ ອາຍຸ 7 ປີ ດ້ານການຮຽນການສອນພາສາຕ່າງປະເທດໂຮງຮຽນ ໄດ້ນຳຫຼັກສູດພາສາອັງກິດລະດັບພື້ນຖານຂອງໂຄງການຫຼັກ ສູດແຄຣມບິດຂອງປະເທດອັງກິດ (CambridgeAssessment English) ເຂົ້າເປັນການວັດແທກລະດັບພາສາອັງກິດຂອງການສິດສອນພາຍໃນໂຮງຮຽນ ແລະເປີດກວ້າງໃຫ້ນັກຮຽນທົ່ວໄປສອບເສັງເຂົ້າສູນສອບເສັງພາສາອັງກິດ ໂດຍໄດ້ຮັບອະນຸຍາດການແຕ່ງຕັ້ງເປັນສູນສອບເສັງໜຶ່ງຂອງສະປິງບອດກຳປູເຈຍ (Springboard Cam bodia)ວຽກງານດ້ານກີລາໄດ້ເຂົ້າຮ່ວມການແຂ່ງຂັນກີລາປະຈຳປີຂອງຫ້ອງການສຶກສາທິການ ແລະ ກີລາເມືອງສີໂຄດຕະບອງຈັດຂຶ້ນຊຶ່ງສາມາດຍາດໄດ້ອັນດັບ 1 ໂຍນໝາກບານເຂົ້າກະຕ່າຊັ້ນອະນຸບານອັນດັບ 2 ບານເຕະເຂົ້າໂກນນ້ອຍຊັ້ນອະນຸບານນອກນັ້ນຍັງໄດ້ນຳພານັກຮຽນເຂົ້າຝຶກພື້ນຖານການຕີດອກປີກໄກ່ຈັດໂດຍສະຫະພັນດອກປີກໄກ່ແຫ່ງຊາດລາວ ຊື່ໂຄງ ການ Shuttle Time Laos ທີ່ໄດ້ຮັບການສະໜັບສະໜູນຈາກສະຫະພັນດອກປີກໄກ່ເອເຊຍ.

ພາບ ແລະຂາ່ວໂດຍ: ໜັງສືພີມເສດຖະກິດ-ສັຄົມ

ສ່ວນແຜນພັດທະນາການຮຽນການສອນສົກຮຽນ 2019-2020 ແມ່ນຈະສືບຕໍ່ເອົາໃຈໃສ່ຕັ້ງໜ້າປະຕິບັດການຮຽນການສອນ ໂດຍປະ ຕິບັດການຮຽນ-ການສອນໄປຕາມ 3 ລັກສະນະ 5 ຫຼັກມູນການສຶກສາ ແລະຂໍ້ແຂ່ງຂັນຂອງກະຊວງສຶກສາທິການ ແລະກີລາວາງຄາດໝາຍຕີລາຄາຜົນການຮຽນການສອນປະ ຈຳເດືອນໃຫ້ໄດ້ 65 ສ່ວນຮ້ອຍຂຶ້ນໄປ ແລະເສັງຈົບຊັ້ນປະຖົມສຶກສາ ແລະມັດທະຍົມສຶກສາຕອນຕົ້ນໃຫ້ໄດ້ 100 ສ່ວນຮ້ອຍສືບຕໍ່ຮັກສາມູນເຊື້ອໂຮງຮຽນປອດສິ່ງເສບຕິດແລະພະຍາຍາມສືບຕໍ່ປະຕິບັດໂຄງການໂຮງຮຽນຂຽວສະອາດສິ່ງແວດລ້ອມດີ ແລະມີຄຸນນະພາບໃຫ້ໄດ້ຮັບໃບຢັ້ງຢືນພ້ອມທັງປະກາດຢ່າງ ເປັນທາງການໃນສົກຮຽນ20192020 ໃຫ້ສຳເລັດແນວໃດກໍ່ຕາມຜູ້ອຳນວຍການໂຮງຮຽນຍັງກ່າວຕື່ມວ່າຜົນສຳເລັດທັງໝົດທີ່ຍາດມາໄດ້ນັ້ນກໍ່ຢ້ອນໄດ້ຮັບຄວາມເອົາໃຈໃສ່ຊີ້ນຳໆພາຈາກຄະນະພັດທະນາການສຶກສາທຸກຂັ້ນລວມເຖິງພະນັກງານຄູ-ອາຈານ ແລະການສະໜັບສະໜູນຈາກຜູ້ປົກຄອງນັກຮຽນ.

แชร์