ຕາດຊອນ ເມືອງນາຊາຍທອງ ນະຄອນຫຼວງວຽງຈັນ

ສະຖານທີ່ທ່ອງທ່ຽວທີ່ເໝາະແກ່ການພາຄອບຄົວໄປພັກຜ່ອນເພື່ອຜ່ອນຄາຍໃນຍາມນີ້ ແລະສະຖານທີ່ທ່ອງທ່ຽວຍອດນິຍົມກໍໜີບໍ່ພົ້ນການຫຼິ້ນນໍ້າ, ແກ້ງຕາດຕ່າງໆຊຶ່ງມີຢ່າງຫຼວງຫຼາຍຢູ່ປະເທດເຮົາ.

ແຕ່ມື້ນີ້ພວກເຮົາຂໍແນະນຳແຫຼ່ງທ່ອງທ່ຽວທີ່ສວຍງາມທີ່ພວມໄດ້ຮັບຄວາມນິຍົມຈາກປະຊາຊົນກໍຄືບັນດາແຂວງໃກ້ຄຽງນັ້ນກໍຄື:“ຕາດຊອນເມືອງນາຊາຍທອງນະຄອນຫຼວງວຽງຈັນຊຶ່ງມີທຳມະຊາດທີ່ສວຍສົດງົດງາມ ແລະນໍ້າໃສໄຫຼເຢັນເໝາະແກ່ການເຮັດກິດຈະກຳຕ່າງໆທາງນໍ້າຄາຍຄວາມຮ້ອນໄດ້ເປັນຢ່າງດີ. ເນື່ອງຈາກວ່າເປັນນໍ້າຕົກຕາດທີ່ຕັ້ງຢູ່ທ່າມກາງທໍາມະຊາດ,ອ້ອມຮອບໄປດ້ວຍປ່າໄມ້ນາໆພັນຈຶ່ງເຮັດໃຫ້ມີຄວາມຊຸ່ມເຢັນພ້ອມທັງມີນໍ້າໄຫຼຕະຫຼອດປີແບບບໍ່ ເຫືອດແຫ້ງ,ສິ່ງດັ່ງກ່າວຖືໄດ້ວ່າເປັນຄວາມມະຫັດສະຈັນທາງທຳມະຊາດອີກຢ່າງໜຶ່ງທີ່ດຶງດູດນັກທ່ອງທ່ຽວທັງພາຍໃນ ແລະຕ່າງປະເທດໃຫ້ໄປທ່ຽວຊົມ.

ຖ້າຫາກນັກທ່ອງທ່ຽວທ່ານໃດກຳລັງຊອກຫາສະຖານທີ່ພັກຜ່ອນທ່າມກາງທຳມະຊາດ,ອາກາດບໍລິສຸດທີ່ຢູ່ບໍ່ໄກຈາກເມືອງໃຫຍ່ກໍຢ່າລືມໄປພັກຜ່ອນຢູ່ທີ່ນໍ້າຕົກຕາດຊອນແຫ່ງນີ້,ຊຶ່ງເໝາະສຳລັບນັກທ່ອງທ່ຽວທຸກເພດ,ທຸກໄວສາມາດໄປ ທ່ຽວໄດ້,ສຳລັບການເດີນທາງໄປມາກໍສະດວກສະບາຍທັງລົດ ໂດຍສານ ຫຼື ລົດສ່ວນຕົວກໍສາມາດເດີນທາງໄປໄດ້.ຕາດຊອນຕັ້ງຢູ່ບ້ານນາຊອນຫ່າງຈາກເສັ້ນທາງເລກ ທີ 13 ເໜືອລ້ຽວຊ້າຍຜ່ານບ້ານຫ້ວຍນໍ້າເຢັນເຂົ້າໄປປະມານ30  ນາທີ ດ້ວຍຫົນທາງທີ່ສະດວກສະບາຍຈົນເຖິງສະຖານທີ່ທ່ອງທ່ຽວ.

ພາບ ແລະຂາ່ວໂດຍ: ໜັງສືພີມເສດຖະກິດ-ສັຄົມ

• 21/06/2019