ເລັ່ງສຳຫຼວດພູເບ້ຍພູສູງທີ່ສຸດໃນລາວເພື່ອພັດທະນາໃຫ້ກາຍເປັນແຫຼ່ງທ່ອງທ່ຽວລະດັບຊາດ

   ແຂວງໄຊສົມບູນ ແລະກຸ່ມບໍລິສັດຄຳໄພຊະນະ ຈຳກັດຜູ້ດຽວ ກຳລັງເລັ່ງສຶກສາສຳຫຼວດຄວາມເປັນໄປໄດ້ພູເບ້ຍພູທີ່ສຸດໃນລາວເພື່ອເກັບກຳຂໍ້ມູນລະ ອຽດກ່ອນຂຶ້ນແຜນແມ່ບົດສະເໜີຂໍອະນຸມັດຈາກລັດໃຫ້ສຳເລັດພາຍໃນເດືອນສິງຫາ 2019 ນີ້ກ່ອນຈະກັບໄປສູ່ການພັດທະນາໃຫ້ກາຍເປັນພູເງິນພູຄຳພູແຫຼ່ງທ່ອງທ່ຽວລະດັບຊາດໃນຮູບແບບອະນຸລັກໂດຍປະຊາຊົນມີສ່ວນຮ່ວມໃນການພັດທະນາ ແລະປະກອບອາຊີບ.

  ການສຳຫຼວດຄັ້ງຫຼ້າສຸດດຳເນີນຂຶ້ນໃນອາທິດແລ້ວນີ້ຊຶ່ງນັບເປັນຄັ້ງທີ 3 ທ່ານ ເຫວດປານີ ສີວົງໄຊ ຫົວໜ້າທີມສຳຫຼວດ ແລະສ້າງແຜນແມ່ບົດວິພາກເສດ ຖະກິດໂຄງການພັດທະນາດັ່ງກ່າວເປີດເຜີຍວ່າ: ພູເບ້ຍແມ່ນພູທີ່ສຸດໃນລາວມີຄວາມສູງ 2.820 ແມັດ ທີ່ເມືອງອະນຸວົງ ແຂວງ ໄຊສົມບູນ ແລະ

 ຍັງຄົງຄວ າມອຸດົມສົມບູນທີ່ສຸດຂອງທຳມະຊາດຊີວະນາພັນອາກາດເຢັນສະບາຍເໝາະສົມຢ່າງຍິ່ງສຳລັບການທ່ຽວພັກຜ່ອນໂດຍຜ່ານການສຳຫຼວດໃນຜ່ານມາລຽບແຄ ມຕີນພູຄາດວ່າຈະສ້າງເປັນບ່ອນຕ້ອນຮັບ, ເຮືອນພັກຊົງພື້ນເມືອງຕາກອາກາດແຄມນ້ຳຈັ້ງ, ເຮືອນຕົ້ນໄມ້, ສ້າງບ້ານຊົນເຜົ່າ, ໂຮມສະເຕ, ສວນຜັກປອດສານພິດ, ສວນພຶກສາສາດ, ຫໍວາງສະແດງມູນເຊື້ອ ແລະຮ້ານຂາຍຜະລິດຕະພັນຊົນເຜົ່າພື້ນເມືອງ.

   ສ່ວນກາງພູຈະສ້າງຈຸດຊົມວິນ ແລະ ພະພຸດທະຮູບໃຫຍ່ເພື່ອໃຫ້ນັກທ່ອງທ່ຽວສັກກະລະບູຊາເປັນຈຸດເດັ່ນທີ່ສາມາດເບິ່ງເຫັນເທສະບານເມືອງອະນຸວົງ ແລະ ຫຍັບອອກຈາກກາງພູເດີນຕາມສາຍພູພຽງ 5 ກິໂລແມັດກໍຮອດຍອດພູເບ້ຍທີ່ໜ້າງຶດງໍ້ອັດສະຈັນຍ້ອນຕົ້ນໄມ້ມີຂົນ,ຫີນແກ້ວຫຸ້ມເສື້ອໄຄ,ຜັກກູດ

  ຍັກ 100 ປີ ຈະກຳນົດໃຫ້ມີອາສາພັກຜ່ອນບ່ອນຖ່າຍຮູບຊົມວິວພູເບ້ຍຕາມແຕ່ລະຈຸດທາງຂຶ້ນ, ສຳຫຼວດແລວທາງຂົວອູ່, ຂີ່ສະລິງ ແລະໄຕ່ພູຫີນສາຍນ້ຳຕົກທີ່ສຳຄັນກວ່ານັ້ນສາມາດຕັ້ງແຄ້ມນອນຊົມຕາເວັນຕົກດິນຊົມທະເລໝອກທີ່ສູງທີ່ສຸດໃນປະເທດລາວເມື່ອຂຶ້ນຮອດຍອດພູຄວາມຮູ້ສຶກກໍຈະເໝືອ ນໄດ້ຂຶ້ນສະຫວັນ ທ່ານ ເຫວດປານີ ສີວົງໄຊ ກ່າວ.

 

 ແນວໃດກໍດີ ທ່ານ ເຫວດປານີ ສີວົງ ໄຊ ກ່າວຕື່ມວ່າ: ໃນຕໍ່ໜ້າອັນໃກ້ໂຄງການຍັງມີີແຜນຮ່ວມມືກັບຄູອາຈານຈາກວິທະຍາສາດທຳມະຊາດຄະນະວິທະ ຍາສາດສັງຄົມ (ພາກວິຊາທ່ອງທ່ຽວ) ຂອງມະຫາວິທະຍາໄລແຫ່ງຊາດ;ກະຊວງຖະແຫຼງຂ່າວ,ວັດທະນະທຳ ແລະທ່ອງທ່ຽວ ແລະແຂວງໄຊສົມບູນສຳຫຼວດ

ຕື່ມນ້ຳຕົກຕາກຜາຫີນ,ປ່າໄມ້,ພືດພັນທັນຍາຫານຕ່າງໆຄາດວ່າເດືອນສິງຫາ 2019 ຈະໃຫ້ສຳເລັດການສຶກສາສຳຫຼວດຂັ້ນພື້ນຖານເພື່ອປະກອບເຂົ້າໃນແຜນແມ່ບົດພັດທະນາການທ່ອງທ່ຽວແບບອະນຸລັກທະມະຊາດປະຊາຊົນມີສ່ວນຮ່ວມໃນການພັດທະນາ ແລະປະກອບອາຊີບກ່ອນຈະກ້າວໄປສູ່ການການຜ່ານແຜນແມ່ບົດຂໍອະນຸມັດການພັດທະນາຈາກພາກສວ່ນລັດໃນເດືອນຖັດໄປ.

 ທ່ານ ຄຳໄພ ສົມຊະນະ ປະທານກຸ່ມບໍລິສັດຄຳໄພຊະນະ ຈຳກັດຜູ້ດຽວ ກ່າວວ່າ: ໂຄງການ GPG ສະຫວັນທະເລໝອກພູເບ້ຍບໍລິສັດພວກເຮົາໄດ້ຮັບອະນຸ ຍາດຈາກອຳນາດການປົກຄອງແຂວງໃນການເຂົ້າສຶກສາສຳຫຼວດຄວາມເປັນໄປໄດ້ນັບແຕ່ກາງເດືອນກຸມພາ 2019 ເປັນຕົ້ນມານອກຈາກຈະພັດທະນາໃຫ້ມີຫຼາກຫຼາຍກິດຈະກໍາທີ່ໜ້າສົນໃຈແລ້ວຍັງຈະສ້າງເສັ້ນທາງລັດຈາກບໍລິຄໍາໄຊໄປຫາວັງວຽງ ແຂວງວຽງຈັນ ກໍຄືບັນດາແຂວງພາກພາກເໜືອລວມໄລ

ຍະທາງ 200 ກວ່າກີໂລແມັດໂດຍຜ່ານສະຖານທີ່ດັ່ງກ່າວທັງນີ້ຄາດວ່າຖ້າຫາກພູເບ້ຍແຫ່ງນີ້ໄດ້ຖືກພັດທະນາເປັນແຫຼ່ງທ່ອງທ່ຽວຈະກາຍເປັນທ່າແຮງສຳຄັນປະກອ ບສ່ວນພັດທະນາເສດຖະກິດ-ສັງຄົມຂອງແຂວງຊ່ວຍສ້າງອາຊີບສ້າງລາຍຮັບໃຫ້ປະຊາຊົນໄດ້ຫຼຸດພົ້ນອອກຈາກຄວາມທຸກຍາກທັງຈະດຶງດູດເອົານັກທ່ອງທ່ຽວທັງພາຍໃນ ແລະຕ່າງປະເທດເຂົ້າມາທ່ຽວຊົມແຂວງນັບມື້ຫຼາຍຂຶ້ນ ແລະພູເບ້ຍແຫ່ງນີ້ກໍຈະກາຍເປັນຈຸດເດັ່ນຂອງ ສປປ ລາວ ກໍຄືແຂວງໄຊສົມບູນພ້ອມນີ້ນັກທ່ອງທ່ຽວໃນທົ່ວໂລກກໍຈະໄດ້ຮັບຮູ້ສະຖານທີ່ທ່ອງທ່ຽວພູເບ້ຍຫຼາຍເພີ່ມຂຶ້ນໃນອະນາຄົດ.

ຂຽນໂດຍ: ນັກຂ່າວແຂວງໄຊສົມບູນ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์