ກຳປູເຈຍຜ່ານຮ່າງກົດໝາຍນໍ້າມັນປີໂຕຣລຽມ

   ລັດຖະສະພາກຳປູເຈຍຜ່ານຮ່າງກົດໝາຍນໍ້າມັນປີໂຕຣລຽມເພື່ອດຶງດູດນັກລົງທຶນພັດທະນາແຫຼ່ງນໍ້າມັນແລະແກ໊ສທຳມະຊາດ.

ຕາມຂ່າວຕ່າງປະເທດລາຍງານວ່າລັດຖະສະພາກຳປູເຈຍໄດ້ຜ່ານຮ່າງກົດໝາຍວ່າດ້ວຍນ້ຳມັນປີໂຕຣລຽມ,ໂດຍອອກແບບມາເພື່ອຊຸກຍູ້ພັດທະນາອຸດສາຫະກຳປີໂຕຣລຽມພາຍໃນປະເທດ.ໂດຍສະມາຊິກສະພາຜູ້ແທນ108 ຄົນຂອງພັກປະຊາຊົນກຳປູເຈຍ (CPP) ທີ່ເປັນພັກລັດຖະບານມີມະຕິຮັບຮອງຮ່າງກົດໝາຍສະບັບດັ່ງກ່າວຢ່າງເປັນເອກະພາບ.ລັດຖະມົນຕີກະຊວງບໍ່ແຮ່ ແລະພະລັງງານກຳປູເຈຍກ່າວວ່າ:ຮ່າງກົດໝາຍນີ້ໄດ້ລິເລີ່ມຂຶ້ນໃນປີ 1996 ປະກອບດ້ວຍ 9 ໝວດ72 ມາດຕາ.ຮ່າງກົດໝາຍສະບັບນີ້ມີເປົ້າໝາຍເພື່ອຊຸກຍູ້ພັດທະນາແຫຼ່ງປີ ໂຕຣລຽມແບບຍືນຍົງ ແລະມີປະສິດທິພາບແນໃສ່ສະໜັບສະໜູນການ ພັດທະນາເສດຖະກິດ ແລະສັງຄົມໃນໄລຍະຍາວ.ກົດໝາຍສະບັບນີ້ຈະຊ່ວຍດຶງດູດນັກລົງທຶນ ແລະເສີມສ້າງຄວາມໝັ້ນໃຈໃຫ້ແກ່ນັກລົງທຶນເຂົ້າໃນພາກສ່ວນປີໂຕຣລຽມຂອງປະເທດ.ຂະນະທີ່ກຳປູເຈຍບໍລິໂພກປີໂຕຣລຽມປະມານ 2,5 ລ້ານໂຕນຕໍ່ປີຊຶ່ງສ່ວນໃຫຍ່ນຳເຂົ້າຈາກປະເທດສິງ ກະໂປ, ໄທ, ສສ ຫວຽດນາມ ແລະອື່ນໆ.

ສະມາຊິກລັດຖະສະພາກ່າວວ່າຈາກຮ່າງກົດໝາຍສະບັບນີ້ນັກພັດ ທະນານໍ້າມັນຈະໄດ້ຮັບອະນຸຍາດສຳປະທານການສຳຫຼວດ ແລະໃຊ້ປະໂຫຍດຈາກນໍ້າມັນເປັນໄລຍະເວລາສູງສຸດເຖິງ 30 ປີ.

ພາບ ແລະຂາ່ວໂດຍ: ໜັງສືພິມເສດຖະກິດ-ສັງຄົມ

แชร์