ຫົວເຫວີຍ-ຊຳຊຸງຍຸຕິສົງຄາມຍອມໃຊ້ສິດທິບັດຮ່ວມກັນແລ້ວ

 ຊຳຊຸງແລະຫົວເຫວີຍສອງບໍລິສັດຕ່າງກໍຟ້ອງຮ້ອງກັນເລື່ອງສິດທິບັດຫຼາຍກວ່າ 40 ລາຍການແຕ່ການຕໍ່ສູ້ນັ້ນຈົບລົງເປັນທີ່ຮຽບຮ້ອຍ ໂດຍທັງສອງບໍລິສັດເລືອກທີ່ຈະຈັບມືໃຊ້ສິດທິບັດພື້ນຖານຮ່ວມກັນ.

Nikkei ລາຍງານຈາກສື່ທ້ອງ ຖິ່ນໃນ ສປ ຈີນວ່າຍັງບໍ່ມີການລາຍງານຂໍ້ມູນທີ່ແນ່ຊັດຕັ້ງແຕ່ສອງບໍລິສັດເລືອກສະງົບເສິກແລະໃຊ້ງານສິດທິບັດຮ່ວມກັນແລ້ວ ແລະອາດເກີດການພັດທະນາຫຼາຍຂຶ້ນໃນອະນາຄົດດ້ວຍ ໂດຍຊຳຊຸງແລະຫົວເຫວີຍເລີ່ມຕົ້ນຟ້ອງຮ້ອງ ເລື່ອງສິດທິບັດຕ່າງໆມາຕັ້ງແຕ່ປີ 2016 ແລ້ວໂດຍເລີ່ມຕົ້ນຈາກສິດທິບັດ LTE ເປັນອັນທຳອິດ.

ທັງສອງບໍລິສັດເລືອກຍຸຕິຄະດີຄວາມກັນເນື່ອງຈາກປັດຈຸບັນມີການປ່ຽນແປງທີ່ຍິ່ງໃຫຍ່ເກີດຂຶ້ນ ໃນອຸດສາຫະກຳ ແລະວົງການສະມາດໂຟນແລະປີໜ້າ 5 ຈີຈະເຂົ້າມາມີບົດບາດຫຼາຍຂຶ້ນຜູ້ຜະລິດສະມາດໂຟນບາງລາຍມີຍອດຈຳໜ່າຍທີ່ຕົກລົງຈາກການພະຍາຍາມຂາຍສະມາດໂຟນໃນຕະຫຼາດທີ່ມີຄວາມອີ່ມຕົວຢູ່ແລ້ວເປັນຕົ້ນ ແຕ່ເບິ່ງຄືວ່າຫົວເຫວີຍຈະເປັນບໍລິ ສັດທີ່ແຕກຕ່າງໄປ ໂດຍສາມາດມີຍອດຂາຍໄດ້ຫຼາຍຂຶ້ນກວ່າເກົ່າ ເຖິງ 50% ເມື່ອທຽບກັບໄຕມາດດຽວກັນຂອງປີທີ່ຜ່ານມາໃນຂະນະທີ່ຊຳຊຸງແລະແອັບເປີ້ນບໍ່ສາມາດເຮັດໄດ້ເມື່ອເດືອນທີ່ຜ່ານມາ Apple ແລະQualcommຫາກໍຍຸຕິຄະດີຄວາມກັນເລື່ອງສິດທິບັດຊິບໂມເມໂດຍ Apple ເປັນຝ່າຍແພ້ Qualcomm ໄປ.

ພາບ ແລະຂາ່ວໂດຍ: ໜັງສືພິມເສດຖະກິດ-ສັງຄົມ

แชร์