ກອງປະຊຸມວຽກງານ ອພສ 4 ແຂວງພາກໃຕ້ ຢູ່ແຂວງ ອັດຕະປື

 ວັນທີ 18-19 ມິຖຸນາ 2019 ອົງການພຸດທະສາສະໜາສຳພັນລາວ (ອພສ) ແຂວງອັດຕະປືຈັດກອງປະຊຸມຕິດຕາມຊຸກຍູ້ວຽກງານອພສ 4 ແຂວງພາກໃຕ້ ແລະເຜີຍແຜ່ທຳມະນູນສົງລາວສະບັບປັບປຸງປີ ພສ 2561 ທີ່ຫ້ອງປະຊຸມສະພາປະຊາຊົນແຂວງອັດຕະປື ໂດຍມີພະອາຈານໃຫຍ່ມະຫາເຫວດມະເສໄນຮອງປະທານສູນກາງອົງການ ພຸດທະສາສະໜາສຳພັນແຫ່ງ ສປປ ລາວ, ມີບັນດາທ່ານຈາກກົມຊົນເຜົ່າແລະສາສະໜາກະຊວງພາຍໃນ,ອົງການພຸດທະສາສະໜາສຳພັນແຫ່ງ ສປປ ລາວ, ຄະນະອພສ ແຂວງ ແລະພາກສ່ວນກ່ຽວຂ້ອງໃນ 4 ພາກໃຕ້ເຂົ້າຮ່ວມ.ອົງການ ອພສ ເປັນອົງການໜຶ່ງ ດຽວທີ່ສ້າງຕັ້ງຂຶ້ນຖືກຕ້ອງຕາມກົດໝາຍຂອງສາທາລະນະລັດປະຊາທິປະໄຕປະຊາຊົນລາວ ເປັນອົງການທີ່ຄຸ້ມຄອງພະພຸດທະສາສະໜາໃນ ສປປ ລາວ ແລະເຜີຍແຜ່ຫຼັກທຳຄຳສອນໃນທາງພະພຸດທະສາສະໜາໃຫ້ປະຊາຊົນລາວ ໃຫ້ຮູ້ ຈັກຫຼັກຂອງສີຈະທັມ ແລະຈະຣິຍະ ທັມທັງຫຼາຍ.

ດັ່ງນັ້ນ,ຜົນສຳເລັດໃນການຈັດຕັ້ງປະຕິບັດວຽກງານປະຈຳປີ 2018 ແລະທິດທາງແຜນການ ປະຈຳປີ 2019 ວຽກງານອົງການພະພຸດທະສາສະໜາສຳພັນຂອງ 4 ແຂວງພາກໃຕ້ຊຶ່ງໄດ້ປະກອບສ່ວນສັ່ງສອນສຶກສາອົບຮົມລູກຫຼານແລະປະຊາຊົນລາວບັນດາເຜົ່າໃຫ້ຮັບຮູ້ບຸນຄຸນໂທດ,ສິ່ງຖືກຕ້ອງ,ຮູ້ຜົນຮ້າຍຂອງການປະພຶດສິ່ງທີ່ບໍ່ດີ ກົນອຸບາຍຕ່າງໆ,ທັງປະກອບສ່ວນເສີມຂະຫຍາຍໃຫ້ມວນມະນຸດມີຄວາມຈົ່ງຮັກພັກດີ,ມີຄວາມເມດ ຕາກັນ,ບໍ່ໃຫ້ຈຳແນກຊົນຊັ້ນວັນນະ ແລະສອນໃຫ້ທຸກຄົນມີສິດສະເໜີພາບເທົ່າທຽບກັນ. ພ້ອມນີ້ກອງປະຊຸມໄດ້ມີການເຜີຍແຜ່ທຳມະນູນສົງ ລາວອົງການພຸດທະສາສະໜາສຳພັນລາວແຫ່ງ ສປປ ລາວ ພະພຸດ ສັງກາດ 2561 ຕື່ມອີກ.

ພາບ ແລະຂາ່ວໂດຍ: ໜັງສືພິມເສດຖະກິດ-ສັງຄົມ

• 20/06/2019