ນິຣະດາ ເນັ້ນໃສ່ໃຈນັກຮຽນຮັບປະກັນຄຸນນະພາບ

ໂຮງຮຽນນິຣະດາຈອມເພັດອະນຸບານ-ປະຖົມມັດຖະຍົມສົມບູນໜຶ່ງໂຮງຮຽນເອກະຊົນທີ່ທຸ່ມເທທຸກດ້ານການສຶກສາຖືວ່າຢູ່ລະດັບແຖວໜ້ານະຄອນຫຼວງວຽງຈັນທີ່ເພິ່ນເນັ້ນໃສ່ໃຈນັກຮຽນໃຫ້ຮັບປະກັນຄຸນນະພາບການຮຽນອອກມາດີຕະຫຼອດໄລຍະຜ່ານມາຂະນະສົກຮຽນນີ້ເພື່ອຮຽກຮ້ອງຕ້ອງການນັກຮຽນທາງໂຮງຮຽນແມ່ນຈະ ເປີດສອນຊັ້ນ ມ7.

ທ່ານນາງນີລາວັນວິຣະຖາວອນຜູ້ອຳນວຍການໂຮງຮຽນນິຣະດາຈອມເພັດໃຫ້ສຳພາດນັກຂ່າວໜັງສືພີມເສດຖະກິດ-ສັງຄົມຮູ້ວ່າ:ໂຮງຮຽນນິຣະດາອະນຸບານ-ປະຖົມມັດຖະຍົມສົມບູນສ້າງຂຶ້ນເປີດການຮຽນການສອນມາວັນ ທີ 1 ກັນຍາ 2005 ແຮງບັນດານໃຈສ້າງຂຶ້ນສ້າງເດັກນ້ອຍໃຫ້ມີຄວາມຮູ້ຄວາມສາມາດເພື່ອໄດ້ປະກອບຊ່ວຍພັດທະນາປະເທດຊາດຊຶ່ງຕົນເອງຮູ້ສຶກວ່າເວລາຮຽນຍັງບໍ່ມີໂອກາດເຂົ້າເຖິງສະພາບແວດລ້ອມທີ່ສາມາດດຶງຂີດຄວາມສາມາດໄດ້ສູງສຸດບໍ່ວ່າຈະເປັນພາສາເຕັກໂນໂລຊີຕ່າງໆແລະກິດຈະກຳຫຼາຍຢ່າງ.

ການຮຽນ-ການສອນແມ່ນອີງຕາມຫຼັກສູດກະຊວງສຶກສາທິການ ແລະກີລາແລະໂຮງຮຽນແມ່ນເນັ້ນສ້າງນັກຮຽນລາວທີ່ມີຄວາມເປັນລາວໂດຍສະເພາະດີລິຍາມາລະຍາດແລະມີຄວາມຮູ້ຄວາມສາມາດມີວິໄສທັດ ໂດຍສະເພາະພາສາ,ວິຊາການ,ທັກສະຮູ້ນຳໃຊ້ຄອມພີວເຕີ,ການເຮັດວຽກຮຽນເປັນທີມ,ຄວາມຄິດສ້າງສັນເພື່ອ ໄປແຂ່ງຂັນກັບເວທີສາກົນ.

ສຳລັບຜົນງານຜ່ານມາຄູ-ອາຈານປຸກລະດົມແນວຄິດວາງເປົ້າໝາຍຈັດຕັ້ງປະຕິບັດໂດຍຕິດຕາມສະພາບການເຄື່ອນໄຫວນັກຮຽນໂດຍສະເພາະການຮຽນຊຶ່ງແຕ່ລະປີຜ່ານມາການຮຽນການ-ສອນຖືກວ່າພົ້ນໄດ້ທຸກຊັ້ນ 100% ນອກຈາກສອບເສັງຈົບຊັ້ນແຕ່ລະປີຄັດຜູ້ທີ່ມີພອນສະຫວັນຈັດມາຄັດເລືອກບຳລຸງສອບເສັງຂັ້ນເມືອງ,ນະຄອນຫຼວງຈົນຮອດລະດັບຊາດກໍ່ໄດ້ປະສົບຜົນສຳເລັດແຕ່ລະສົກຮຽນສາມາດຍາດໄດ້ຜົນງານຫຼ້າສຸດສົກຮຽນ 2018-2019 ມີ 2 ນ້ອງຍາດຜົນງານເກັ່ງລະດັບຊາດ,ວິຊາຄະນິດສາດໄດ້ອັນດັບທີ1ທ້າວມັກມີພົນໄຊຊະນະແລະນາງພອນໄພລັກໄຊຊະນະອັນດັບ1ວິຊາພາສາລາວວັນນະຄະດີ.

ປະຈຸບັນໂຮງຮຽນນິຣະດາຈອມເພັດມີນັກຮຽນອະນຸບານ312 ຄົນ, ປະຖົມມີ389 ຄົນ,ນັກຮຽນມັດຖະຍົມຕົ້ນ177 ຄົນ,ມັດຖະຍົມປາຍ 44 ຄົນ ແລະມີຄູສິດສອນທັງໝົດ 60 ກວ່າຄົນ,ຄູ່ສອນຊັ້ນອະນຸບານ 26 ຄົນ, ປະ ຖົມ 24 ຄົນ,ມັດທະຍົມຕົ້ນ 12 ຄົນແລະປາຍ 7ຄົນ. ຜູ້ອຳນວຍການໃຫ້ຮູ້ຕື່ມວ່າສຳລັບແຜນການຕໍ່ໜ້າຄືແຕ່ລະສົກຮຽນແມ່ນຈະສູ້ຊົນຍາດຜົນງານມາໄດ້ຕາມເປົ້າໝາຍຄາດ100%ແລະສົກຮຽນ2018-2019 ເພື່ອຄວາມຮຽກຮ້ອງຕ້ອງການນັກຮຽນມີການເພີ່ມຂຶ້ນແລະຄວາມຕ້ອງການຂອງຜູ້ປົກຄອງທາງໂຮງຮຽນແມ່ນຂະຫຍາຍເປີດການຮຽນການສອນຊັ້ນມ7ສະນັ້ນຫາກທ່ານໃດສົນໃຈຝາກລູກຮຽນສາມາດຕິດຕໍ່ພົວພັນໄດ້ຕາມໂມງລັດຖະການຫຼື ຕິດຕໍ່ເບີ 02135 334.

ພາບ ແລະຂາ່ວໂດຍ: ໜັງສືພິມເສດຖະກິດ-ສັງຄົມ

 

แชร์