ສຕລ ຮ່ວມກັບ ສກຂ ໄຊຍະ ຍົກລະດັບຄູຝຶກ

 ສະຫະພັນບານເຕະແຫ່ງຊາດລາວ (ສຕລ) ຮ່ວມກັບພະແນກສຶກສາທິການແລະກີລາແຂວງໄຊຍະບູລີ (ສກຂ ໄຊຍະບູລີ)ຈັດຝຶກອົບຮົມຄູຝຶກກີລາບານເຕະຂັ້ນພື້ນຖານແລະກຳມະການຕັດສິນກີລາບານເຕະຂັ້ນພື້ນຖານ ໂດຍມີສຳມະນາກອນເຂົ້າຮ່ວມ ທັງໝົດ 50  ຄົນ, ຍິງ 11 ຄົນເພື່ອແນໃສ່ເສີມສ້າງພັດທະນາຄູຝຶກແລະກຳມະການຕັດສິນຮຸ່ນສືບທອດໃຫ້ໄດ້ທົ່ວທຸກແຂວງໃນຂອບເຂດທົ່ວປະເທດ.

ພິທີເປີດຊຸດຝຶກອົບຮົມຄັ້ງນີ້ໄດ້ຈັດຂຶ້ນໃນຕອນເຊົ້າວັນທີ 17 ມິຖຸນາຜ່ານມາທີ່ຫ້ອງປະຊຸມພະ ແນກສຶກສາທິການແລະກີລາ ແຂວງໄຊຍະບູລີ,ໂດຍມີທ່ານພັນດວງຕາຮອງຫົວໜ້າພະແນກສຶກສາທິການແລະກີລາແຂວງໄຊຍະບູລີ,ຜູ້ຊີ້ນຳວຽກງານກີລາກາຍຍະກຳ,ທ່ານອະກິລະໂອະໂນະຫົວໜ້າພະແນກເຕັກນີກ-ວິທະຍາສຕລ, ທ່ານ ສີປະເສີດ ສິນ ບັນດິດຫົວໜ້າພະແນກຄູຝຶກສອນ ກຳມະການຕັດສິນສຕລແລະທ່ານສົມສັກແກ້ວດາລາຮອງຫົວໜ້າພະແນກເຕັກນິກ-ວິທະຍາສຕລ,ພ້ອມດ້ວຍແຂກທີ່ຖືກເຊີນ ແລະສຳມະນາກອນເຂົ້າຮ່ວມທັງ ໝົດຫຼາຍກວ່າ 50 ຄົນ.

ການຝຶກອົບຮົມຄັ້ງນີ້ມີສຳມະນາກອນເຂົ້າຮ່ວມທັງໝົດ 50 ຄົນ,ຍິງ 11 ຄົນໃນນັ້ນແບ່ງເປັນສຳມະນາກອນທີ່ມາຮຽນຄູຝຶກກີລາບານເຕະຂັ້ນພື້ນຖານ 25 ຄົນ,ຍິງ2ຄົນ ແລະສຳມະນາກອນທີ່ມາຮຽນກຳມະການຕັດສິນກີລາບານເຕະຂັ້ນພື້ນຖານ 25 ຄົນ, ຍິງ 9 ຄົນທີ່ມາຈາກບັນດາເມືອງອ້ອມຂ້າງແຂວງ ໂດຍການຝຶກອົບຮົມດັ່ງ ກ່າວຈະດຳເນີນໄປເປັນເວລາ 4 ວັນລະຫວ່າງວັນທີ 17-20 ກໍລະກົດ 2019 ຊຶ່ງມີຈຸດປະສົງເພື່ອເສີມສ້າງພັດທະນາຄູຝຶກແລະກຳມະການຕັດສິນຮຸ່ນສືບທອດໃຫ້ ໄດ້ທົ່ວທຸກແຂວງໃນຂອບເຂດທົ່ວ ປະເທດ,ເພື່ອນຳໃຊ້ການຝຶກສອນທັກສະກີລາບານເຕະຂັ້ນພື້ນຖານໃຫ້ຖືກຕ້ອງຕາມຂັ້ນຕອນແລະ ມີຄວາມຄ່ອງແຄ້ວ,ເພື່ອປັບປຸງແລະພັດທະນາຄູຝຶກໃຫ້ມີຄວາມຮູ້ຄວາມສາມາດດີຂຶ້ນເທື່ອລະກ້າວ.

ພາບ ແລະຂາ່ວໂດຍ: ໜັງສືພິມເສດຖະກິດ-ສັງຄົມ

แชร์