ເຜີຍແຜ່ການຄຸ້ມຄອງ ແລະພັດທະນາສວນພຶກສາສາດ ຜາຊ້າງ-ຜາຂີ້ໝິ້ນ

ກອງປະຊຸມເຜີຍແຜ່ຂໍ້ຕົກລົງຂອງທ່ານເຈົ້າແຂວງສະບັບເລກທີ 285/ຈຂ.ຊຍລົງວັນທີ 21 ມີນາ 2019 ວ່າດ້ວຍການຄຸ້ມຄອງແລະພັດທະນາສວນພຶກສາສາດຜາຊ້າງ-ຜາຂີ້ໝິ້ນແຂວງໄຊຍະບູລີ,ໄດ້ຈັດຂຶ້ນໃນວັນທີ 19 ມິຖຸນາ 2019 ທີ່ຫ້ອງປະຊຸມຫ້ອງວ່າການປົກຄອງ ເມືອງໄຊຍະບູລີ,ໂດຍການເປັນປະທານຂອງທ່ານສົມສະໜຸກໄຊຄຳມູນຫົວໜ້າພະແນກວິທະຍາສາດ ແລະເຕັກໂນໂລຊີແຂວງ,ມີທ່ານຄຳຜາຍແກ້ວບົວຮອງເລຂາພັກເມືອງໄຊຍະບູລີ,ມີບັນດາທ່ານຄະນະກຳມະການສວນອຸທິຍານພຶກສາສາດຜາຊ້າງ-ຜາຂີ້ໝິ້ນ,ຕາງໜ້າຈາກພະແນກການ,ກົມກອງ,ຫົວໜ້າຫ້ອງການ,ອົງການອ້ອມຂ້າງເມືອງ,ແຂກຖືກເຊີນພ້ອມດ້ວຍນາຍບ້ານເທສະບານ 24 ບ້ານ, ຕະຫຼອດຮອດພະນັກງານ-ວິຊາການຂອງວິທະຍາສາດ ແລະເຕັກໂນໂລຊີແຂວງ,ເມືອງເຂົ້າຮ່ວມ.

ທ່ານສົມສະໜຸກໄຊຄຳມູນຫົວໜ້າພະແນກວິທະຍາສາດແລະເຕັກໂນໂລຊີແຂວງໄຊຍະບູລີ, ໄດ້ໃຫ້ທັດສະນະກ່ຽວກັບສວນພຶກສາສາດໂດຍລວມ ແລະພ້ອມທັງເຜີຍ ແຜ່ຂໍ້ຕົກລົງຂອງທ່ານເຈົ້າແຂວງ ສະບັບເລກທີ 285/ຈຂ.ຊຍ ລົງວັນທີ 21 ມີນາ 2019 ວ່າດ້ວຍ ການຄຸ້ມຄອງແລະພັດທະນາສວນພຶກສາສາດຜາຊ້າງ-ຜາຂີ້ໝິ້ນແຂວງໄຊຍະບູລີ, ຊຶ່ງປະກອບມີ 7 ໝວດ,32 ມາດຕາ, ຂໍ້ຕົກລົງ ສະບັບນີ້ແມ່ນກຳນົດຫຼັກການ, ລະ ບຽບການ, ມາດຕະການ, ຂອບເຂດຄວາມຮັບຜິດຊອບກ່ຽວກັບການຄຸ້ມຄອງ,ການພັດທະນາ, ການອານຸລັກ, ການປົກປັກຮັກສາ ແລະການນຳໃຊ້ເນື້ອທີ່ສວນອຸທິ ຍານພຶດສາສາດຜາຊ້າງ-ຜາຂີ້ໝິ້ນ, ເພື່ອແນໃສ່ແຜນພັດທະນາເສດຖະກິດ-ສັງຄົມໃນໄລຍະຍາວ, ໂດຍ ສະເພາະແມ່ນການພັດທະນາວຽກ ງານການຄົ້ນຄ້ວາວິທະຍາສາດ ແລະເຕັກໂນໂລຊີຂອງແຂວງໃຫ້ ປະກົດຜົນເປັນຈິງໃນການປົກປັກຮັກສາປ່າໄມ້,ແຫຼ່ງນໍ້າ,ສັດນໍ້າ- ສັດປ່າ ແລະພຶດພັນນາໆຊະນິດໃຫ້ຍຶນຍົງ,ສ້າງເປັນແຫຼ່ງທ່ອງທ່ຽວຂອງ ເມືອງ, ຂອງແຂວງ,ເປັນສູນລວມສະຖານທີ່ຄົ້ນຄວ້າວິໄຈຂອງນັກຄົ້ນ ຄວ້າ, ນັກວິໄຈ, ນັກຮຽນ, ນັກສຶກສາໃນການຊອກຮູ້ຮໍ່າຮຽນ,ເພືປົກປັກຮັກສາສວນອຸທິຍານພຶກສາສາດທີ່ເປັນພຶ້ນທີ່ສະຫງວນໄວ້ໃຫ້ຢູ່ຄົງເດີມ, ຄົງທີ່,ປາສະຈາກການທຳລາຍຫຼື ຖືກໃຊ້ໄປໃນທາງທີ່ບໍ່ຖືກ ຕ້ອງ, ເພື່ອຮັກສາຊັບສົມບັດຂອງ ທຳມະຊາດໄວ້ໃຫ້ຄົນຮຸ່ນຫຼັງໄດ້ເຫັນ, ໄດ້ປົກປັກຮັກສາທຳມະຊາດທີ່ສວຍສົດງົດງາມນີ້ຕະຫຼອດໄປ.

ພາບ ແລະຂາ່ວໂດຍ: ໜສືພິມເສດຖະກິດ-ສັງຄົມ

แชร์