ສ ເກົາຫຼີ ໂຈະນໍາເຂົ້ານໍ້າມັນຈາກອີຣານ

ສ ເກົາຫຼີໂຈະນໍາເຂົ້ານໍ້າມັນຈາກອີຣານທັງໝົດເນື່ອງຈາກມາດຕະການຍົກເວັ້ນຂອງອາເມລິກາທີ່ໃຫ້ກັບກຸ່ມປະເທດຜູ້ນໍາເຂົ້ານໍ້າມັນຈາກອີຣານສິ້ນສຸດລົງ.

ຕາມຂ່າວຕ່າງປະເທດລາຍງານວ່າ ສ ເກົາຫຼີ ຊຶ່ງເປັນປະເທດຜູ້ນໍາເຂົ້ານໍ້າມັນດິບຫຼາຍເປັນອັນດັບ 5 ຂອງໂລກເປັນໜຶ່ງໃນຫຼາຍປະເທດທີ່ໄດ້ຮັບຍົກເວັ້ນຈາກອາເມລິກາໃຫ້ນໍາເຂົ້ານໍ້າມັນຈາກອີຣານໄດ້ຕໍ່ໄປເປັນເວລາ 6 ເດືອນ ນັບຕັ້ງແຕ່ເດືອນພຶດສະພາປີທີ່ຜ່ານມາແລະໄດ້ກັບມານໍາເຂົ້ານໍ້າມັນອີກເທື່ອໜຶ່ງໃນເດືອນມັງກອນ ປີນີ້, ໂດຍ ສ ເກົາຫຼີ ນໍາເຂົ້ານໍ້າ ມັນຈາກອີຣານໃນໄລຍະເດືອນ ມັງກອນ-ພຶດສະພາປີນີ້ຢູ່ທີ່ 3,87 ລ້ານໂຕນ(187.179 )ຖັງຕໍ່ວັນ ຊຶ່ງໃນເດືອນພືດສະພາທີ່ຜ່ານມາ ສ ເກົາຫຼີໂຈະນໍ້າເຂົ້ານໍ້າມັນຈາກອີຣານແລະຫາແຫຼ່ງນໍ້າມັນດິບຈາກກາຕາ ແລະຣັດເຊຍແທນຂະນະທີ່ປະລິມານການນໍາເຂົ້ານໍ້າ ມັນດິບຈາກກາຕາເຕີບໂຕ 10,1% ເມື່ອທຽບກັບປີກ່ອນເປັນ 660.752 ໂຕນ (155.596) ຖັງຕໍ່ວັນ.

ນອກຈາກນີ້ຂໍ້ມູນຍັງລະບຸ ຕື່ມວ່າໃນເດືອນພຶດສະພາທີ່ຜ່ານມາ ສ ເກົາຫຼີຍັງໄດ້ນໍາເຂົ້ານໍ້າມັນ ດິບ 1,43 ລ້ານໂຕນ (337.014) ຖັງຕໍ່ວັນຈາກອາເມລິກາເພີ່ມຂຶ້ນ ເປັນ 3 ເທົ່າ ຈາກ 405.158 ໂຕນ ໃນປີທີ່ຜ່ານມາ.

ພາບ ແລະຂາ່ວໂດຍ: ໜັງສືພິມເສດຖະກິດ-ສັງຄົມ

แชร์