2 ຊີຣີຈີນເລື່ອງໃໝ່ຂອງຫຍາງໆ ກັບສອງບົດບາດ

ກຽມລໍຖ້າເບິ່ງເດີ  2 ຊີຣີ ສປ ຈີນ ເລື່ອງໃໝ່ຂອງຫຍາງໆທີ່ເປັນຂັວນໃຈຂອງແຟນຊີຣີເກືອບທົ່ວອາຊີໃນຊີຣີ 2 ເລື່ອງ 2 ຮູບ ແບບພະເອກຈີນສາຍອ່ອນຫວານສູ່ການເປັນຜູ້ຊາຍຕໍ່ສູ້.

ຖ້າຫາກເວົ້າເຖິງໜຶ່ງໃນພະເອກຂອງສາວໆຕ້ອງມີຊື່ຂອງຫຍາງໆພະເອກຊີຣີຈີນໂຣແມນຕິກເວຍເວຍລາວຍີ້ມໂລກລະລາຍ 2016 ທີ່ຮັບບົດເປັນແຟນໜຸ່ມທີ່ແສນດີ,ຮັກດຽວໃຈດຽວຈົນສາວໆໃນຫຼາຍປະ ເທດຕ້ອງຕົກຫຼຸມຮັກໃນຄວາມອ່ອນຫວານຂອງຜູ້ຊາຍຄົນນີ້ຫຼັງຈາກຊີຣີຈີນເລື່ອງເວຍເວຍອອກອາກາດຕອນຈົບຊີຣີເລື່ອງນີ້ກໍກາຍເປັນຊີຣີທີ່ໂດ່ງດັງ.

ຕໍ່ມາປີ  2018 ຫຍາງໆກັບມາພ້ອມລຸກໃໝ່ໃນຊີຣີຈີນຍ້ອນຍຸກແຟນຕາຊີເລື່ອງ Martial Universe (2018) ຊຶ່ງເປັນຊີຣີຈີນທີ່ດັດແປງບົດຈາກນິທານຊື່ດັງໃນຊື່ດຽວກັນແລະຊີຣີທີ່ໄດ້ຮັບລາງວັນຊີຣີຈີນດັດແປງບົດດີເດັ່ນແຫ່ງປີຈາກ Golden Bud The Third Network Film and television Festival.ໃນປີ 2019 ຫຍາງໆຍັງສົ່ງຕໍ່ຊີຣີຈີນຄຸນນະພາບອີກ 2 ເລື່ອງຄື The King’s Avatar  ແລະGlory of the Special Forces ຊຶ່ງເປັນສອງເລື່ອງ 2 ຮູບແບບທີ່ແຟນໆຊີຣີຂອງຫຍາງໆ ຄວນຕິດຕາມ.

ເລື່ອງທຳອິດ The King’s Avatar ເປັນຊີຣີຈີນແນວໄວລຸ້ນໃຫ້ແຮງບັນການໃຈທີ່ດັດແປງບົດບາດຈາກນິທານໃນຊື່ດຽວກັນຂອງຫູເຕີຍຫຼານຫຍາງໆຮັບບົດເປັນເຢ່ຊິວທີ່ມີສີມືໃນການຫຼີ້ນເກມ.ຕໍ່ດ້ວຍຊີຣີເລື່ອງ Glory of theSpecial Forces ຊຶ່ງເປັນອີກໜຶ່ງ ເລື່ອງທີ່ປ່ຽນບົດບາດຄັ້ງສຳຄັນຂອງຫຍາງໆໃນບົດຂອງຢຽນພົວເຢີທີ່ເກີດໃນຄອບຄົວທະຫານເພື່ອພິສູດໃຫ້ພໍ່ໄດ້ເຫັນຄວາມສາມາດ.

ພາບ ແລະຂາ່ວໂດຍ: ໜັງສືພິມເສດຖະກິດ-ສັງຄົມ

แชร์