ຍົກລະດັບກ່ຽວກັບສ້າງຜົນຮັບ ທາງທຸລະກິດ ໂອເຄອາ

 ສູນພັດທະນາຜູ້ປະກອບກິດຈະການລາວ-ອິນເດຍຮ່ວມກັບສູນ Lao SME Center ໄດ້ຈັດຝຶກອົບຮົມຫົວຂໍ້ “ສ້າງຜົນຮັບທາງທຸລະກິດດ້ວຍ OKR” ໃຫ້ນັກສຳມະນາກອນ 19 ທ່ານຈາກລັດວິສາຫະກິດຂາເຂົ້າ-ຂາອອກກອງທັບ, ລັດວິສາຫະກິດໄຟຟ້າລາວ, ໂຮງງານນໍ້າກ້ອນເຮືອງອານົງ LAO TSUINUR ACOCTD, ໂຮງຮຽນເຈນີດາ ແລະເຈົ້າຂອງທຸລະກິດສ່ວນຕົວພິທີຈັດຂຶ້ນໃນວັນທີ 15-16 ມິຖຸນາ 2019 ທີ່ສູນພັດທະນາຜູ້ປະກອບກິດຈະການລາວ-ອິນ ເດຍໂດຍມີທ່ານນາງ ທຸມມະລີ ບຸນຈະເລີນ ຮອງຜູ້ອໍານວຍການສູນພັດທະນາຜູ້ປະກອບກິດຈະການລາວ-ອິນເດຍ, ທ່ານນາງ ມະລີວັນ ວໍລະເດດ ຜູ້ອໍານວຍການສູນ Lao SME Center ພ້ອມດ້ວຍວິທະຍາກອນ, ນັກສໍາມະນາກອນ ແລະ ພະນັກງານວິຊາການກ່ຽວຂ້ອງເຂົ້າຮ່ວມ.

  OKRs ເປັນການວາງຍຸດທະສາດທາງທຸລະກິດຮູບແບບໃໝ່ດ້ວຍການໃຊ້ເຄື່ອງມືລະດັບໂລກທີ່ໃຊ້ໄດ້ຜົນຢ່າງແທ້ຈິງຈາກ GOOGLE ບໍລິສັດໃຫຍ່ໆ ແລະ ບໍລິສັດ Start Up ທີ່ໃຊ້ໄດ້ຜົນມາແລ້ວທົ່ວໂລກເຊິ່ງການຝຶກອົບຮົມໃນຄັ້ງນີ້ນອກຈາກການສຶກສາແນວຄິດຈາກທິດສະດີນັກສຳມະນາກອນຍັງມີໂອກາດໄດ້ຝຶກປະຕິບັດໂດຍຜ່ານເຄື່ອງມືໃນການສ້າງ OKRs ທີ່ອອກແບບພິເສດທີ່ຜູ້ເຂົ້າຮ່ວມສາມາດນຳໄປໃຊ້ໃນອົງກອນໄດ້.

  ທ່ານ ນາງ ແກ້ວ ວົງພອນໄຊ ພະນັກງານຄູສອນໂຮງຮຽນປະຖົມເຈນນິດາ ແຂວງຊຽງຂວາງ ໃຫ້ສໍາພາດວ່າ: ເປັນໂອກາດດີທີ່ໄດ້ເຂົ້າມາຝຶກອົບຮົມຄັ້ງນີ້ໃນຫົວຂໍ້ OKR ຫຼືການຊອກຫາວິທີການຕ່າງໆຜົນໄດ້ຮັບຈາກການອົບຮົມທັງສອງວັນນີ້ຕົນເອງໄດ້ຮູ້ແມ່ນການວາງເປົ້າໝາຍຊອກຫາສາເຫດ,ຊອກຫາວິທີແກ້ພ້ອມນີ້ກໍ່ໄດ້ປະເມີນໄປນໍາກັນເພື່ອໃຫ້ບັນຫາທີ່ເຮົາມີ ຫຼືເຮົາຕ້ອງການຢາກໄດ້ໃນອົງກອນນັ້ນທີ່ປະສົງຜົນສໍາເລັດນໍາມາສ້າງສາພັດທະນາເຂົ້າໃນອົງກອນໃຫ້ດີຂຶ້ນໃນຕອນທ້າຍພິທີແມ່ນໄດ້ມີການມອບ-ຮັບໃບຢັ້ງຢືນໃຫ້ນັກສໍາມະນາກອນ 19 ທ່ານ ເປັນກຽດມອບຂອງທ່ານຮອງຜູ້ອໍານວຍການສູນພັດທະນາຜູ້ປະ ກອບກິດຈະການລາວ-ອິນເດຍ.

ຂຽນໂດຍ: ແພງຕາ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์