ຜົນປະກວດນັກຮ້ອງສຽງດີໂຄງການ “ສວນອາຫານລັດຟ້າພາສ້າງຝັນ”

ການປະກວດນັກຮ້ອງສຽງດີພາຍໃຕ້ໂຄງການ“ສວນອາຫານລັດຟ້າພາສ້າງຝັນ” ຄັ້ງທີ 1 ຮອບຊີງຊະນະເລີດໄດ້ຈັດຂຶ້ນວັນທີ 15 ມິຖຸນາ 2019 ທີ່ສວນອາຫານລັດຟ້າ,ບ້ານປາກທ້າງ,ເມືອງສີໂຄດຕະບອງ,ນະຄອນຫຼວງວຽງຈັນສຳລັບປີນີ້ຜູ້ທີ່ຄວ້າລາງວັນຊະນະເລີດຈາກໂຄງການແມ່ນນາງຫຼ້າໄຂ່ມຸກ ແລະທ້າວ ສຸກພະຈັນ ພົມໂວຫານ.

ໂຄງການດັ່ງກ່າວເປັນການຮ່ວມມືກັນລະຫວ່າງທ່ານລັດໃຈດີເຈົ້າຂອງສວນອາຫານລັດຟ້າ,ທ່ານ ທະວີສັກທໍາມະວົງສາປະທານຄ້າຍເພງທີເຄຊາວລາວພ້ອມທັງ ທ່ານ ຄໍາເກັ່ງເພັງປະເສີດຜູ້ຈັດການໂຄງການປະກວດ ແລະທ່ານວັນຄໍາສິດທິວັນຜູ້ຊ່ວຍຜູ້ຈັດການ ໂຄງການເປັນໂຄງການສົ່ງເສີມໄວໜຸ່ມລາວທີ່ພາກັນໄດ້ຈັດການແຂ່ງຂັນເປັນເວລາ 3 ເດືອນແລ້ວໃນນີ້ມີຜູ້ເຂົ້າຮ່ວມສະໝັກທັງໝົດ 200 ກວ່າແລ້ວຄັດເລືອກໃຫ້ 10 ຄົນເພື່ອມາຮ່ວມແຂ່ງໃນຮອບຊີງຊະນະ ເລີດຈຸດປະສົງຂອງການຈັດການປະກວດແມ່ນເພື່ອຢາກສົ່ງເສີມໄວ ໜຸ່ມລາວໃຫ້ມີເວທີໃນການສະແດງຄວາມສາມາດດ້ານການສະແດງຜ່ານການຮ້ອງເພງ ແລະເພື່ອຄັດເລືອກຜູ້ທີ່ມີຄວາມສາມາດຈະເປັນດາວປະດັບໃນວົງການບັນເທີງກໍຄືເປັນສິລະປິນສັງກັດໃນຄ້າຍເພງທີເຄຊາວລາວ.

ຜ່ານການແຂ່ງຂັນຜູ້ທີ່ຊະນະເລີດພ້ອມກັບຄວ້າຂັນ ແລະໄດ້ເປັນນັກຮ້ອງສັງກັດໃນຄ້າຍເພງທີເຄຊາວລາວແມ່ນມີ 2 ຄົນທີ່ມີຄະແນນສະເໝີກັນຄື:ນາງຫຼ້າໄຂ່ມຸກໝາຍ ເລກ A8 ແລະທ້າວສຸກພະຈັນພົມໂວຫານໝາຍເລກ A9 ພ້ອມໄດ້ຮັບເງິນລາງວັນລະ3 ລ້ານກີບ,ຮອງຊະນະເລີດໄດ້ແກ່ທ້າວສີຖຸນາລໍປາຢ່າວໝາຍເລກ A10 ໄດ້ຮັບ ເງິນລາງວັນ 1,5 ລ້ານກີບ,ນອກນັ້ນຜູ້ທີ່ໄດ້ຮັບລາງວັນຊະນະເລີດແລະລາງວັນຊົມເຊີຍທັງໝົດ 10 ຄົນ ຍັງຈະໄດ້ຮັບໃບຢັ້ງຢືນຜ່ານການປະກວດຈາກຄ້າຍເພງທີເຄຊາວລາວ

ພາບ ແລະຂາ່ວ: ໜັງສືພິມເສດຖະກິດ-ສັງຄົມ

แชร์