ໂຮງຮຽນ ມສ ໄຊຍະບູລີ ສະຫຼຸບການຮຽນ-ການສອນ

ໂຮງຮຽນມັດທະຍົມສຶກສາ ສົມບູນໄຊຍະບູລີຈັດພິທີສະຫຼຸບຜົນການຈັດຕັ້ງປະຕິບັດການຮຽນ-ການສອນປະຈຳປີ 2018-2019 ແລະທິດທາງແຜນການພັດທະນາໂຮງຮຽນ2019-2020 ໃນວັນທີ 13 ມິຖຸນາທີ່ຫ້ອງປະຊຸມສູນໄອຊີທີພະແນກສຶກສາທິການ ແລະກີລາແຂວງໄຊຍະບູລີ ໂດຍການໃຫ້ກຽດເຂົ້າ ຮ່ວມທ່ານສະນີຈັນສຸກຜາລີອຳນວຍການໂຮງຮຽນ ມສ ໄຊຍະບູ ລີ, ທ່ານບຸນຍົງວົງອາສາຮອງຫົວໜ້າຫ້ອງການສຶກສາທິການ ແລະກີລາເມືອງໄຊຍະບູລີ, ມີແຂກຖືກເຊີນ, ຫົວໜ້າ-ຮອງຫົວໜ້າຂັ້ນ ຮຽນ, ພະນັກງານຄູ-ອາຈານພ້ອມດ້ວຍນ້ອງນັກຮຽນເຂົ້າຮ່ວມ.

ທ່ານ ນາງ ກອງສາຍສີວັນຮອງອຳນວຍການໂຮງຮຽນ ມສ ໄຊຍະບູລີ ໄດ້ຂຶ້ນຜ່ານບົດສະຫຼຸບຜົນການຈັດຕັ້ງປະຕິບັດການຮຽນ-ການສອນປະຈຳປີ 2018-2019 ແລະທິດທາງແຜນການພັດທະນາ ໂຮງຮຽນ 2019-2020 ໃຫ້ຮູ້ວ່າ:ໂຮງຮຽນ ມສ ໄຊຍະບູລີ ຕັ້ງຢູ່ ບ້ານດອນໃໝ່ໃນເທສະບານເມືອງໄຊຍະບູລີ, ແຂວງໄຊຍະບູລີ, ມີ ສາຍຕັ້ງຂຶ້ນກັບພະແນກສຶກສາທິການ ແລະກີລາແຂວງ ໂດຍກົງ, ພາຍໃນໂຮງຮຽນປະກອບມີອາຄານທັງໝົດ 9 ຫຼັງ, ໃຊ້ເປັນອາ ຄານຮຽນ 5 ຫຼັງ, ຫ້ອງການ-ຫໍພັກ 4 ຫຼັງ ໃນສົກຮຽນ 2018-2019 ມີ: ຄູ-ອາຈານສອນທັງໝົດ144 ຄົນ, ຍິງ 69 ຄົນ, ມີນ້ອງນັກຮຽນທັງໝົດ 1,260 ນ້ອງ, ຍິງ 618 ນ້ອງໂຮງຮຽນມັດທະຍົມສຶກສາສົມບູນໄຊຍະບູລີໄດ້ພ້ອມກັນຕັ້ງໜ້າປະຕິບັດຕາມຫຼັກການຄຸ້ມຄອງ ແລະແຜນພັດທະນາການສຶກສາຂອງພະ ແນກສຶກສາທິການ ແລະກີລາວາງ ອອກຜ່ານການຈັດຕັ້ງປະຕິບັດເຫັນວ່າມີຫຼາຍດ້ານທີ່ພົ້ນເດັ່ນ ແລະສຳເລັດຕາມຄາດໝາຍຊຶ່ງສະແດງອອກໃນວຽກງານວິຊາສະເພາະໃນການຈັດຕັ້ງປະຕິບັດໄດ້ເອົາໃຈໃສ່ ປະຕິບັດໜ້າທີ່ຕາມການມອບໝາຍຂອງໂຮງຮຽນວາງອອກການຈັດຕັ້ງການຮຽນ-ການສອນມີຜົນສຳເລັດຫຼາຍດ້ານ,ຄູ-ອາຈານທຸກຄົນໄດ້ເປັນເຈົ້າການໃນການສ້າງແຜນການຮຽນ-ການສອນ,ຂຶ້ນໂຄງການສອນສິດ, ແຕ່ງບົດສອນກ່ອນຂຶ້ນຫ້ອງທຸກຄັ້ງ,ນັກຮຽນກໍ່ໄດ້ເປັນເຈົ້າການໃນການສະແດງອອກຄື: ສົ່ງນັກຮຽນເຂົ້າຮ່ວມສອບເສັ່ງລະດັບຊາດຈຳນວນ 3 ນ້ອງ, ຍິງ 1 ນ້ອງສາມາດຍາດໄດ້ຜົນສຳເລັດການສອບເສັງວິຊາເຄມີສາດ ທ້າວໄກຢ່າງຂັ້ນ ມ7 ໄດ້ອັນດັບທີ 2 ຂອງທົ່ວປະເທດ,ວິຊາຄະນິດສາດທ້າວວໍລະສິດ  ພົມຮັກສາ  ຂັ້ນ  ມ7 ໄດ້ອັນ ດັບ 2 ຂອງທົ່ວປະເທດ ແລະຖາມຕອບວິທະຍາສາດໄດ້ອັນດັບ 3 ຂອງທົ່ວປະເທດ ແລະສໍາລັບການຈັດຕັ້ງ ການຮຽນການສອນພາກຮຽນທີ 2 ປະຈໍາສົກຮຽນ 2018-2019 ຈໍານວນນັກຮຽນມີສິດສອບເສັ່ງທັງ 866 ນ້ອງ, ຍິງ 433 ນ້ອງຂັ້ນ ຮຽນ ມ1, ມ2, ມ3, ມ5, ມ6 ໃນນັ້ນຈຳນວນນັກຮຽນເສັງໄດ້ 93,89%,ນັກຮຽນເສັງຕົກ 4,07%, ນັກຮຽນປະລະ 2,04%,ຫຼັງຈາກນັ້ນກໍ່ໄດ້ມອບລາງວັນໃຫ້ ກັບນັກຮຽນທີ່ສາມາດຍາດໄດ້ຄະແນນການຮໍ່າຮຽນດີເດັ່ນຮອບດ້ານ ຂັ້ນຮຽນ ມ1-ມ7.

ທ່ານ ສະນີຈັນສຸກຜາລີອຳນວຍການໂຮງຮຽນ ມສ ໄຊຍະ ບູລີ ໃຫ້ກຽດໂອ້ລົມຕໍ່່ພິທີກ່ອນອື່ນໝົດເພິ່ນກໍ່ໄດ້ຍ້ອງຍໍຊົມເຊີຍມາຍັງພະນັກງານຄູ-ອານຈານທີ່ສາມາດ ຍາດໄດ້ຜົນງານທີພົ້ນເດັ່ນຫຼາຍດ້ານ ແລະສຳເລັດຕາມຄາດໝາຍທີ່ວາງໄວ້ພ້ອມດຽວກັນນີ້ຍັງໄດ້ເໜັ້ນໜັກໃຫ້ຄູ-ອາຈານຈົ່ງພ້ອມກັນສືບຕໍ່ແກ້ ໄຂບັນຫາຂໍ້ຄົງຄ້າງເພື່ອເຮັດໃຫ້ ແຜນພັດທະນາການສຶກສາພາຍໃນໂຮງຮຽນມັດທະຍົມສຶກສາໄຊຍະບູລີປະຈຳປີ 2019-2020 ໄດ້ຮັບຜົນສຳເລັດຕາມຄາດໝາຍທີ່ວາງ ໄວ້. 

ພາບ ແລະຂາ່ວໂດຍ: ໜສືພິມເສດຖະກິດ-ສັງຄົມ

แชร์