ຫຼວງນ້ຳທາມອບຊັບຄືນເຈົ້າຂອງເດີມ

  ວັນທີ 13 ມິຖຸນາ 2019 ເຈົ້າໜ້າທີພະແນກສືບສວນ-ສອບສວນ ປກສ ແຂວງຫຼວງນໍ້າທາໄດ້ມອບຊັບທີ່ຖືກຄົນຮ້າຍລັກໄປປະເພດລົດຈັກຮອນດ້າເວັບ 100 ສີໝາກຂໍ້ບໍ່ມີປ້າຍທະບຽນໃຫ້ເຈົ້າຂອງເດີມ ໂດຍກ່າວມອບຂອງ ຮອ ຫຼ້າຄຳມີພົນ ຫົວໜ້າໜ່ວຍງານສືບສວນ-ສອບສວນ ປກສ ແຂວງກ່າວຮັບໂດຍ ນາງ ພີມໃຈ ປະຊາຊົນບ້ານຫົວນາເມືອງ ແລະແຂວງຫຼວງນໍ້າທາ.

 ທ່ານ ພັທ ແສງທອງ ເອື່ອຍມະນີຮັກ ຫົວໜ້າພະແນກຕຳຫຼວດສືບສວນ-ສອບສວນ ປກສ ແຂວງຫຼວງນໍ້າທາໃຫ້ຮູ້ຕື່ມອີກວ່າ: ລົດຈັກຄັນດັ່ງກ່າວນັ້ນທາງເຈົ້າໜ້າທີ່ພວກເຮົາໄດ້ເກັບກູ້ຄືນຈາກຄົນຮ້າຍຈຳນວນ 2 ຄົນ ຊື່ທ້າວ ສີລາ ນັກສືກສາອາຍຸ 23 ປີ ຢູ່ບ້ານປາກເກງ ເມືອງປາກແຊງ ແຂວງຫຼວງພະບາງ  ແລະ ທ້າວ ແສງເດືອນ ນັກສືກສາ ອາຍຸ 23 ປີ ຢູ່ບ້ານໂພນສະຫວ່າງ ເມືອງຮຸນ ແຂວງອຸດົມໄຊເຊີງພວກເຂົາໄດ້ຮ່ວມສົມທົບກັນລັກຊີງຊັບໃນຄັ້ງວັນທີ 16 ພະຈິກ2018 ຢູ່ເຂດບ້ານ ໂພນໄຊ ເມືອງ ແລະແຂວງຫຼວງນໍ້າທາແຕ່ຖືກເຈົ້າໜ້າທ່ີພວກເຮົາເກັບກູ້ຄືນໄດ້.

  ໂດຍສະເພາະແມ່ນລົດຈັກບໍ່ຄວນຈອດປະຊະຊາຍ, ຕ້ອງໃສ່ກຸນແຈລັອກຄໍ, ລັອກຕີນລົດ ແລະຕິດຕັ້ງກັນຂະໂມຍເພື່ອເປັນການປ້ອງກັນບໍ່ໃຫ້ກຸ່ມຄົນບໍ່ດີ ສວຍໂອກາດລັກໄປໄດ້ງາຍ.

ຂຽນໂດຍ: ກິ່ນນາລົມ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์