ອາລະບໍ້າຫຼ້າສຸດຂອງວົງ BTS ຂາຍດີສຸດໃນອາເມລິກາ

ສີລະປິນບອຍແບນຊື່ດັງຂອງວົງ BTS ຍັງດັງບໍ່ຢຸດຫຼັງຈາກສ້າງປະກົດການຄວາມນິຍົມໃນລະດັບໂລກເພາະຜົນງານໃນອາລະບໍ້າຫຼ້າສຸດຂອງພວກເຂົາຍັງ ສາມາດສ້າງສະຖິຕິຍອດຂາຍອາລະບໍ້າສູງທີ່ສຸດໃນອາເມລິກາແຊງໜ້າສີລະປິນລະດັບໂລກຄືເອເຣຍນ່າແກຣນເດ ແລະບິລລີເອລລິດໄປໄດ້ເໜືອຄວາມຄາດໝາຍ.

ອ້າງອິງຈາກ Chart Data ໃນທ້າຍອາທິດທີ່ຜ່ານມາມີການປະກາດການຈັດອັນດັບລາຍຊື່ອາລະບໍ້າທີ່ຂາຍດີທີ່ສຸດໃນປະເທດອາເມລິກາປະຈຳປີ 2019 ແລະດ້ວຍກະແສຄວາມນິຍົມຂອງສີລະປິນວົງ BTS ທີ່ແຜ່ຂະຫຍາຍໄປທົ່ວໂລກຢູ່ໃນຂະນະນີ້ສົ່ງຜົນເຮັດໃຫ້ອາລະບໍ້າຫຼ້າສຸດຂອງພວກເຂົາ Map of the Soul :Personaຂຶ້ນແທ່ນອັນດັບ1ຢ່າງບໍ່ໜ້າສົງໄສ,ຊຶ່ງອັນດັບ 2 ນັ້ນໄດ້ແກ່ຜົນງານເພງຂອງບິລລີ່ເອລລິດໃນຊື່ ອາລະບໍ້າວ່າ “WHEN WE FALL ASLEEP WHERE DO WE GO.” ຕໍ່ມາອັນດັບ 3 ເປັນອາລະບໍ້າDNA ຈາກວົງ Backstreet boys ແລະອັນດັບ 4 ຜົນງານຈາກເອເຣີຍນ່າ ແກຣນເດຊື່ອາລະບໍ້າ thank u, next .

BTS ວົງບອຍແບນຊື່ດັງສ້າງປະຫວັດສາດໃນວົງການເພງທົ່ວໂລກຢ່າງຕໍ່ເນື່ອງດ້ວຍການອອກ ອາລະບໍ້າພາສາ ສ ເກົາຫຼີ ແຕ່ສາມາດສ້າງຊື່ສຽງໂດ່ງດັງຈົນເຮັດ ໃຫ້ທົ່ວໂລກຕ່າງພາກັນຫັນມາເບິ່ງວົງບອຍແບນ K-POP ວົງນີ້ຫຼັງຈາກທີ່ປ່ອຍຜົນງານເພງຫຼ້າສຸດຂອງພວກເຂົາ Boy with Luv ທີ່ໄດ້ມີໂອກາດຮ່ວມກັບນັກຮ້ອງສາວຮານຊີອອກມາພຽງເດືອນດຽວພວກເຂົ້າກໍສາມາດສ້າງຍອດເຂົ້າຊົມໃນຢູທູບໄດ້ຫຼາຍກວ່າ 370 ລ້ານວີວເປັນທີ່ຮຽບຮ້ອຍແລ້ວ.

ຂ່າວໂດຍ: ໜັງສືພີມເສດຖະກິດ-ສັງຄົມ 

แชร์