ເດັກນ້ອຍຜູ້ຊາຍອາຍຸ 13 ປີ ເຜີຍວິທີແຮກໂດຣນແບບງ່າຍໆ

ຣູເບນພອລ (Reuben Paul) ເດັກນ້ອຍຜູ້ຊາຍອາຍຸ 13 ປີໄດ້ສາທິດການແຮກໂດຣນທີ່ກອງປະຊຸມຄວາມໝັ້ນຄົງທາງໄຊເບີລະດັບໂລກໃນເມືອງເຄບທາວປະເທດອາຟຣິກາໃຕ້ເມື່ອບໍ່ດົນມານີ້ເພື່ອສະແດງໃຫ້ເຫັນວ່າອຸປະກອນທີ່ ເຊື່ອມຕໍ່ກັບອິນເຕີເນັດສາມາດຖືກ ແຮກຢ່າງງ່າຍດາຍ.

ເດັກນ້ອຍຜູ້ນີ້ມີຄວາມສົນໃຈໃນເລື່ອງການແຮກຂໍ້ມູນຕ່າງໆ ໂດຍຕັ້ງສາຍາໃຫ້ຕົວເອງວ່າ “ນິນຈາໄຊເບີ” ຣູເບນເລົ່າວ່າເຂົາເລີ່ມຝຶກແຮກຄອມພິວເຕີມາຕັ້ງແຕ່ອາຍຸ 6-7 ປີ ຊຶ່ງເປັນຕອນທີ່ເຂົາເລີ່ມໃຫ້ຄວາມສົນໃຈໃນເລື່ອງເຕັກໂນໂລຊີແລະເລີ່ມຕົ້ນຄົ້ນຄວ້າແລະຮຽນຮູ້ ກ່ຽວກັບການແຮກເປັນຄັ້ງທຳອິດ ການສາທິດວິທີແຮກໂດຣນໃນຄັ້ງນີ້ຈັດຂຶ້ນໂດຍ Kaspersky Lab ຜູ້ໃຫ້ບໍລິການຮັກສາຄວາມປອດໄພໃນໂລກໄຊເບີ ຊຶ່ງຣູເບນສະແດງໃຫ້ຜູ້ຮ່ວມງານເຫັນວ່າການແຮກ ໂດຣນທີ່ຢູ່ໃນໄລຍະໄກນັ້ນເປັນໄປຢ່າງງ່າຍດາຍຈົນໜ້າປະຫຼາດໃຈ ເດັກຊາຍອາຍຸ 13 ປີ ຄົນນີ້ກ່າວຕໍ່ໄປ ວ່າການແຮກໂດຣນທີ່ນີ້ເຮັດໂດຍ  ການສະແກນຫາເຄືອຂ່າຍອິນເຕີເນັດໃນບໍລິເວນນັ້ນຈາກນັ້ນສະແກນຫາອຸປະກອນທີ່ເຊື່ອມຕໍ່ກັບເຄືອຂ່າຍຂອງໂດຣນແລ້ວຕັດການເຊື່ອມຕໍ່ລະຫວ່າງໂດຣນກັບອຸປະກອນດັ່ງກ່າວ ໂດຍການສົ່ງແພກເກຈທີ່ເອີ້ນວ່າ DIOS(dump-in-One-Shot) ຫຼັງຈາກນັ້ນເຂົາ ກໍເຮັດການເຊື່ອມຕໍ່ກັບໂດຣນຈົນສາມາດເຂົ້າຄວບຄຸມໂດຣນໄດ້ຢ່າງສົມບູນສາມາດບັງຄັບໃຫ້ບິນໃນທິດທາງທີ່ຕ້ອງການບັນທຶກວິດີໂອໄດ້ ແລະຍັງສາມາດນຳຂໍ້ມູນທຸກຊະນິດກັບມາໄດ້ອີກດ້ວຍເລື່ອງນີ້ຖືເປັນສິ່ງອັນຕະລາຍຕໍ່ການເຊື່ອມຕໍ່ອິນເຕີເນັດໃນອະນາຄົດບໍ່ວ່າຈະ ເປັນອຸປະກອນອັດສະລິຍະພາຍໃນເຮືອນລົດໄຮ້ຄົນຂັບອຸປະກອນການສື່ສານໄຮ້ສາຍລວມທັງໂດຣນຕ່າງໆດ້ວຍເມເຮີຍາມູທ (MaherYamout) ນັກວິໄຈຄວາມໝັ້ນຄົງປອດໄພຂອງ Kaspersky ກ່າວວ່າຜູ້ບໍລິໂພກມັກບໍ່ຄ່ອຍໃສ່ໃຈຕໍ່ຄວາມປອດໄພໃນອຸປະກອນ ຫຼື ເຕັກໂນໂລຊີຂອງພວກເຂົາ ໂດຍ 93% ຂອງການໂຈມຕີທີ່ເຮົາພົບເຫັນນັ້ນລ້ວນກ່ຽວຂ້ອງກັບເລື່ອງຂອງລະຫັດຜ່ານເຊັ່ນການຕັ້ງລະຫັດຜ່ານທີ່ອ່ອນແອເກີນໄປຣູເບນພອລ ແລະພໍ່ແມ່ຂອງເຂົາໄດ້ກໍ່ຕັ້ງອົງກອນ” ເສົ້າຫຼິນໄຊເບີ” (CyberShaolin) ຂຶ້ນມາເພື່ອສ້າງຄວາມ ເຂົ້າໃຈ ແລະໃຫ້ຄວາມຮູ້ໃນເລື່ອງຄວາມປອດໄພໃນໂລກໄຊເບີໃຫ້ແກ່ໄວໜຸ່ມ.ເຂົາຍັງໄດ້ກ່າວໃນທີ່ປະຊຸມທົ່ວໂລກດ້ວຍຂໍ້ຄວາມງ່າຍໆວ່າ “ນັບວັນເຕັກໂນໂລຊີມີແຕ່ຈະຂະຫຍາຍຕົວໄປເລື້ອຍໆ”ດັ່ງນັ້ນຈຶ່ງຄວນສ້າງຄວາມປອດໄພໃນຕອນນີ້ເພື່ອທີ່ຈະບໍ່ຕ້ອງມາເສຍໃຈຕາມພາຍຫຼັງ.

ຂ່າວໂດຍ: ໜັງສືພີມເສດຖະກິດ-ສັງຄົມ 

แชร์