ນໍ້າຫ້ວຍຊາຍ ສະຖານທີ່ທ່ອງທ່ຽວແຫ່ງໃໝ່ເມືອງຄູນຄຳ

ປະເທດລາວມີນໍ້າຕົກຕາດຫຼາຍແຫ່ງທີ່ໄດ້ຮັບການພັດທະນາໃຫ້ກາຍເປັນແຫຼ່ງທ່ອງທ່ຽວຈົນໄດ້ຮັບຄວາມນິຍົມຈາກແຂກທັງພາຍໃນ ແລະຕ່າງປະເທດ.  ໜຶ່ງໃນນັ້ນກໍມີ “ນໍ້າຫ້ວຍຊາຍ”. ເປັນສະຖານທີ່ທ່ອງທ່ຽວທຳມະຊາດທີ່ງົດງາມ ແລະຈັບອົກຈັບໃຈພ້ອມຍັງສາມາດ ໄປທ່ຽວຖໍ້າກອງລໍໄດ້ເພາະຫ່າງກັນພຽງ 3 ກິໂລແມັດເທົ່ານັ້ນ, ເມື່ອນັກທ່ອງທ່ຽວມາທ່ຽວນໍ້າຫ້ວຍຊາຍດ້ວຍທາງເຮືອເອງໄດ້.ແບບປະຊາຊົນມີສ່ວນຮ່ວມນຳໃຊ້ເຮືອພາທ່ຽວ,ສົ່ງເສີມການຮັກສາສິ່ງ ແວດລ້ອມນໍ້າຫ້ວຍຊາຍເປັນສາຍນໍ້າທີ່ກຳເນີດມາຈາກໜ່ວຍພູແຫ່ງໜຶ່ງຢ່າງປິດສະໜາ ແລະບໍ່ສາມາດຢັ້ງຢືນໄດ້ເພາະບ່ອນນໍ້າທີ່ໄຫຼອອກມາຄ້າຍຄືນໍ້າອອກບໍ່ມີຄວາມໃສສາມາດ ແນມເຫັນທຸກຢ່າງໃນນໍ້າແລະເຢັນດີໄຫຼລົງສູ່ນໍ້າຫີນບູນອ້ອມຮອບໄປ ດ້ວຍປ່າໄມ້ນາໆພັນຈຶ່ງເຮັດໃຫ້ມີຄວາມຊຸ່ມເຢັນພ້ອມທັງມີນໍ້າໄຫຼຕະຫຼອດແບບບໍ່ເຫືອດແຫ້ງ,ສິ່ງດັ່ງກ່າວຖືໄດ້ວ່າເປັນຄວາມມະຫັດສະຈັນທາງທຳມະຊາດອີກຢ່າງໜຶ່ງທີ່ດຶງດູດນັກທ່ອງທ່ຽວທັງພາຍໃນ ແລະຕ່າງປະເທດໃຫ້ໄປທ່ຽວຊົມ.ຫ້ວຍດັ່ງກ່າວມີຄວາມກວ້າງປະມານ10-15 ແມັດ ເລິກປະມານ 2-5 ແມັດ.ນອກຈາກທ່ຽວຫ້ວຍຊາຍ ແລ້ວຍັງມີບໍລິການຂີ່ເຮືອຈາກສະປິງລີເວີໄປຫາຖໍ້າກອງລໍຊົມທຳມະຊາດ, ທີ່ພັກບັງກາໂລ,ຮ້ານອາຫານແລະອື່ນໆ. ປະຈຸບັນສະປິງລີເວີລີສອດຮ່ວມກັບຫ້ອງການຖະແຫຼງຂ່າວ,ວັດທະນະທຳແລະທ່ອງທ່ຽວເມືອງຄູນຄຳ ແລະປະຊາຊົນບ້ານຕິ້ວໄດ້ມີກາອານຸລັກຮັກສາສິ່ງແວດລ້ອມ,ບໍ່ໃຫ້ຄົນລົງອາບເພາະເປັນສາຍນໍ້າທີ່ປະຊາຊົນນຳໃຊ້ດື່ມຕະຫຼອດປີ.

ຂຽນ ໂດຍ: ວົງມະນີ

ພາບ ແລະຂາ່ວໂດຍ: ໜັງສືພະມເສດຖະກິດ-ສັງຄົມ

 

แชร์