ສາວງາມກາຊິນີຄວ້າມຸງກຸດ ມິສຢູນິເວີສຟິລິບປິນ 2019

ບໍ່ຕ້ອງລຸ້ນກັນອີກຕໍ່ໄປເພາະທາງຟິລິບປິນໄດ້ຈັດປະກວດຊອກຫາສາວງາມທີ່ຈະເປັນຕົວແທນປະເທດຊີງມຸງກຸດມິສຢູນິເວີສ 2019 ໂດຍຜູ້ທີ່ຄວ້າມຸງກຸດມິສຢູນິເວີສຟິລິບປິນໄປຄອງກໍຄືກາຊິນີຄຣິສເຕຍນາການາໂດສ ອາຍຸ 23 ປີ ພ້ອມລຸ້ນຄວ້າມຸງກຸດແຫ່ງຈັກກະວານໃນປີ 2019 ນີ້.

ການປະກວດມິສຢູນິເວີສຟິລິບປິນຈັດຂຶ້ນເມື່ອວັນທີ 9 ມີຖຸນາ 2019 ອີງຕາມການລາຍງານຂອງ Rappler, ກາຊິນີເປັນຜູ້ເຂົ້າປະກວດຈາກເຊບູຊຶ່ງຈະມາປະຕິບັດໜ້າທີ່ຕໍ່ຈາກແຄທຣິໂອນາເກຣລຸ້ນເອື້ອຍເມື່ອປີກ່ອນ. ທັງນີ້ແຟນນາງງາມຟິລິບປິນຕ່າງກໍຕັ້ງຄວາມຄາດຫວັງໄວ້ເປັນຢ່າງສູງເນື່ອງຈາກໃນປີກ່ອນລຸ້ນເອື້ອຍຢ່າງແຄທຣິໂອນາເກຣສາມາດຄວ້າມຸງກຸດມິສຢູນິເວີສ 2019 ມາໄດ້ເຮັດໃຫ້ສາວງາມຕົວແທນຟິລິບປິນໃນປີນີ້ອາດໄດ້ຮັບແຮງກົດດັນທີ່ສູງຫຼາຍ.

ກາຊິນີ ຄຣິສເຕຍນາ ການາ ໂດສ ຈົບການສຶກສາດ້ານການທ່ອງທ່ຽວຈາກມະຫາວິທະຍາໄລ ຊານ ໂຈເຊ ເຣໂຄລໂທສ (USJ-R) ເຄີຍເປັນນາງງາມຈາກຫຼາຍເວທີ ເຊັ່ນ: Miss Cebu Schools of Athletic Foundation, Inc2016, ຮອງອັນດັບໜຶ່ງ MissBohol 2017 ແລະຍັງເຂົ້າຮ່ວມ ປະກວດ Miss World Phillippines 2014 ອີກດ້ວຍ. ກາຊິນີ ຍັງເປັນນາງແບບພາຍໃຕ້ສັງກັດ Origin Model management. ພ້ອມກັນນັ້ນກໍເປັນຜູ້ທີ່ເຄື່ອນໄຫວຊ່ວຍເຫຼືອການດູແລຮັກສາສຸຂະ ພາບຜູ້ສູງອາຍຸ.

ພາບ ແລະຂາ່ວໂດຍ: ໜັງສືພະມເສດຖະກິດ-ສັງຄົມ

แชร์