ປີແລ້ວຄ້າຍເພງທີເຄຊາວລາວ ຜະລິດເພງອອກສູ່ສັງຄົມ 250 ເພງ

  ຄ້າຍເພງທີເຄຊາວລາວ ເອັນເຕີເທັນເມັນເປັນຄ້າຍເພງໜຶ່ງທີ່ສົ່ງເສີມໄວ້ໜຸ່ມລາວໄດ້ສ້າງຄວາມຝັນເປັນຂອງຕົນເອງໃຫ້ມີວຽກເຮັດງານ ທໍານອກນັ້ນຍັງເປັນການປູກຈິດສໍານຶກຫັນມາສົນໃຈໃນເລື່ອງສິລະປະການສະແດງກ້າສະແດງອອກໃນຕໍ່ໜ້າສັງຄົມ ແລະ ສະແດງສັກກາ ຍະພາບຢູ່ເທິງເວທີກໍ່ຄືໃນວົງການບັນເທີງລາວເຮົານັ້ນເອງ.

  ທ່ານ ທະວີສັກ ທໍາມະວົງສາ ໄດ້ກ່າວວ່າ: ໃນປີ 2018 ຜ່ານມາທາງຄ້າຍເພງທີເຄຊາວລາວໄດ້ສ້າງຜົນງານໃຫ້ແກ່ສັງຄົມທັງພາຍໃນ ແລະ ຕ່າງແຂວງ, ໂດຍປະຕິບັດພາຍໃຕ້ການຊີ້ນຳກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວນອກນັ້ນຍັງໃຫ້ການສະໜັບສະໜູນຫ້າງຮ້ານ, ບໍລິສັດ ແລະ ພາກສ່ວນຕ່າງໆໄດ້ລະດົມທຶນໄປຊ່ວຍເຫຼືອປະຊາຊົນທີ່ແຂວງອັດຕະປື, ຈັດງານຄອນເສີດມອບນໍ້າໃຈໃຫ້ຄົນພິການ, ງານເປີດໂຕສິນຄ້າໂອດັອບທີ່ສູນການຄ້າລາວ-ໄອເຕັກ, ງານຕ້ອນຮັບປີທ່ອງທ່ຽວລາວ, ງານບຸນນະມັດສະການປີ 2018 ແລະ ອີກຫຼາຍໆງານທີ່ຄ້າຍເພງທີເຄຊາດລາວໄດ້ຈັດແບ່ງນັກສິລະປິນໄປຮ້ອງເພງຮັບໃຊ້ງານໃນວັນສໍາຄັນຂອງຊາດ. ນອກຈາກນີ້ໃນ 1 ປີ ຜ່ານມາຄ້າຍພວກເຮົາໄດ້ຜະລິດເພງລວມທັງເອັມວີແມ່ນຕົກຢູ່ 250 ກວ່າເພງ ຊຶ່ງເພງຈໍານວນນີ້ແມ່ນໄດ້ປ່ອຍລົງທາງຢູທູບແລ້ວທີ່ສຳຄັນນັບແຕ່ປີ 2017 ຫາ ປີ 2019 ຜົນງານທຸກເພງໃນຊ່ອງທີເຄຊາວລາວແມ່ນໄດ້ມີລິຂະສິດຖືກຕ້ອງຕາມກົດໝາຍສະນັ້ນຖ້າບຸກຄົນໃດ ຫຼື ພາສ່ວນໃດດາວໂຫຼດຟັງເຮັດເປັນທຸລະກິດ ແລະ ນໍາມາອັບໂລດລົງຊ້ຳເອງຊ່ອງໃນຢູທູບຖ້າບໍ່ໄດ້ຮັບການອານຸຍາດແມ່ນພວກເຮົາຈະນໍາມາຕັກເຕືອນ ແລະມາດໍາເນີນຕາມລະບຽບກົດໝາຍ. ໃຫ້ແນວໃດກໍ່ຕາມຄ້າຍເພງທີເຄຊາວລາວໄດ້ຮຽກຮ້ອງ ແລະ ຖ້າຫາກບຸກຄົນໃດທີ່ມີຄວາມມັກຮັກດ້ານສິລະປະດົນຕີໂດຍສະເພາະການຮ້ອງເພງກໍ່ສາມາດເຂົ້າມາສະໝັກນຳບໍລິສັດໄດ້ຄົນລາວເຮົາຫັນມາຟັງເພງລາວສະໜັບສະໜູນສິລະປິນລາວເພື່ອໃຫ້ເພງໃນບ້ານເຮົາຍົກລະດັບຫຼາຍຂຶ້ນ.

แชร์