ມຊ-ສປ ຈີນ ຮ່ວມກັນເດີນສາຍສະແດງວັດທະນະທໍາ ຜູກສໍາພັນອາຊຽນ

  ອົງການປົກຄອງທ້ອງຖິ່ນ ເມືອງໜານນິງ ສປ ຈີນ ຮ່ວມກັບສະຖາບັນຂົງຈື່ມະຫາວິທະຍາໄລແຫ່ງຊາດ (ມຊ) ແລະກົມທ່ອງທ່ຽວ, ວິທະຍຸກະຈາຍສຽງ-ໂທ ລະພາບ ແລະວັດທະນະທໍາເມືອງ ໜານໜິງ ຈັດງານເດີນສາຍສະ ແດງວັດທະນະທໍາຜູກສໍາພັນອາຊຽນ ຂຶ້ນໃນວັນທີ 11 ມີຖຸນ ຜ່ານມາຢູ່ສະຖາບັນຂົງຈື ມະຫາວິທະ ຍາໄລແຫ່ງຊາດເພື່ອສະແດງໃຫ້ເຫັນຫັດຖະກໍາພື້ນເມືອງຂອງຊົນເຜົ່າຈ້ວງ ແລະສິລະປະວັດທະນະ ທໍາຈີນ ສປ ຈີນ ໂດຍໃຫ້ກຽດເຂົ້າ ຮ່ວມຂອງທ່ານຮຸ່ງເພັດ ຈັນທະວົງຮອງອະທິການບໍດີມະຫາວິທະຍາໄລແຫ່ງຊາດລາວ, ພ້ອມດ້ວຍຕາງໜ້າສະຖານທູດຈີນປະຈໍາ ສປປ ລາວ, ຜູ້ອໍານວຍການສູນວັດທະນະທໍາຈີນ, ຄະນະອັກສອນສາດ, ພາກວິຊາພາສາຈີນ, ຫ້ອງການ ສູນຄົ້ນຄວ້າຈີນ, ຫ້ອງການພົວພັນຕ່າງປະເທດ, ມີພະນັກງານ, ຄູ-ອາຈານຈາກມະຫາວິທະຍາໄລແຫ່ງ ຊາດ, ສະຖາບັນຂົງຈື ແລະນັກສຶກສາເຂົ້າຮ່ວມຢ່າງພ້ອມພຽງ.

 ທ່ານ ນາງ ຍອນວິໄລໄຊຍະເລີດວ່າການຜູ້ອໍານວຍການສະຖາບັນຂົງຈືມະຫາວິທະຍາໄລແຫ່ງຊາດໃຫ້ຮູ້ວ່າ:ການຈັດງານຄັ້ງນີ້,ກໍເພື່ອເດີນສາຍສະແດງວັດທະນະ ທໍາຜູກສໍາພັນອາຊຽນ ໂດຍສະ ເພາະຢູ່ສະຖາບັນຂົງຈືມະຫາວິທະ ຍາໄລແຫ່ງຊາດແມ່ນໄດ້ນໍາເອົາສິ ລະປະກໍາມາວາງສະແດງເພື່ອໃຫ້ເຫັນຫັດຖະກໍາພື້ນເມືອງຂອງຊົນເຜົ່າຈ້ວງ ແລະສິລະປະວັດທະນະທໍາຈີນ ສປ ຈີນ, ດັ່ງທີ່ຮັບຮູ້ນໍາກັນແລ້ວວ່າລາວ-ຈີນ-ລາວ ເປັນຄູ່ ຮ່ວມຍຸດທະສາດຮອບດ້ານ, ເປັນຄູຮ່ວມຊາຕາກໍາດຽວກັນ, ເພື່ອເຮັດໃຫ້ການຮ່ວມມືດັ່ງກ່າວນັບມືນັບ ເຕີບໃຫຍ່ຂະຫຍາຍຕົວ, ກ້າວເຂົ້າສູ່ລວງເລິກ ແລະມີຄວາມຍືນຍົງຕະຫຼອດໄປ.ພ້ອມດຽວກັນ, ເປັນການລິເລີ້ມຈາກຄວາມເຂົ້າອົກເຂົ້າໃຈເຊິ່ງກັນ ແລະກັນ, ຮຽນຮູ້ແລກປ່ຽນວັດທະນະທໍາສັງຄົມຂອງ2 ປະເທດລາວ-ຈີນ, ສະຖາບັນຂົງຈື ນັບແຕ່ມື້ສ້າງຕັ້ງກໍໄດ້ມີໂອກາດຮ່ວມຈັດງານສະແດງສິລະປະກັບຄະນະສິລະປະທີ່ມາຈາກ ສປ ຈີນ ເປັນປະຈໍາໃນທຸກໆປີແຕ່ວ່າການຈັດງານຄັ້ງນີ້ແມ່ນມີລັກສະນະອົບອຸ່ນເປັນພິເສດເພາະວ່າສະຖາບັນຂົງຈືກໍ ປຽບສະເໜືອນລູກໃນບ້ານຫວ້ານໃນສວນຂອງເມືອງໜານໜິງ ແຂວງ ຊີ, ສະຖາບັນຂົງຈື່ມີຄວາມຈະເລີນເຕີບໃຫຍ່ໄດ້ກໍຍ້ອນໄດ້ຮັບການຮ່ວມມືຊຸກຍູ້ຊ່ວຍເຫຼືອຈາກອົງການປົກຄອງທ້ອງຖິ່ນເມືອງໜານໜິ່ງ ແຂວງ ກວາງຊີ ສປ ຈີນ ຕະຫຼອດມາ.

ສໍາລັບລາຍການສະແດງໃນງານປະກອບມີສາຍນໍ້າແຫ່ງມິດຕະພາບ, ລະຄອນງີ້ວ “ສະເໜ່ງີ້ວຂອງຢົງ ເສີ່ງ”, “ນາງຟ້າໂຮ່ຍມາລາ”, ຫອມກຸຫຼາບປາກເຊວຽງຈັນວຽງໃຈ, ບົດຟ້ອນຊົນເຜົ່າ “ຕອນຫຼີ້ວຊານ ເຈ່ຍ”, ບົດຟ້ອນອວຍພອນ (ຟ້ອນລາວ) ແລະລະຄອນງີ້ວ “ພະສະ ໜົມເອກຂອງລາດຊະວົງຖັງຢາງກຸຍເຟ່”.ນອກຈາກນັ້ນ, ໃນງານຍັງໄດ້ມອບທຶນການສຶກສາຈໍານວນໜຶ່ງໃຫ້ນັກສຶກສາສະຖາບັນຂົງຈືມະຫາວິທະຍາໄລແຫ່ງຊາດເພື່ອເປັນ ກໍາລັງໃຈແລະເປັນການຊຸກຍູ້ຊ່ວຍເຫຼືອນັກສຶກສາຜູ້ທີ່ຮຽນເກັ່ງ,ມີພອນສະຫວັນໃນແຕ່ລະດ້ານໄດ້ສືບຕໍ່ສຶກສາຮໍ່າຮຽນເອົາຄວາມຮູ້ໄປໜູນໃຊ້ໃນຊີວິດແລະປະກອບສ່ວນຊ່ວຍ ເຫຼືອສັງຄົມກໍຄືປະເທດຊາດໃຫ້ຈະເລີນກ້າວໜ້າສູງຂຶ້ນເລື້ອຍໆ.

ພາບ ແລະຂາ່ວໂດຍ: ໜັງສືພະມເສດຖະກິດ-ສັງຄົມ

• 14/06/2019