ບົວລະພາ ກຽມ 1,7 ລ້ານເບ້ຍໄມ້ປູກໃສ່ປ່າຜະລິດຊຸດໂຊມແຂວງວຽງຈັນ

 ປະຈຸບັນບໍລິສັດບົວລະພາກະສິກຳ ແລະປ່າໄມ້ຈຳກັດໄດ້ກະກຽມເບ້ຍໄດ້ທັງໝົດ 1,7ລ້ານເບ້ຍ ເພື່ອເອົາລົງປູກໃສ່ພື້ນທີ່ປ່າຜະລິດທີ່ຊຸດໂຊມໃນເນື້ອທີ່ 2 ພັນເຮັກຕາ ຢູ່ 3 ເມືອງຂອງແຂວງວຽງຈັນ ຊຶ່ງການປູກດັ່ງກ່າວແມ່ນເປັນການທົດລອງຂອງບໍລິສັດພາຍຫຼັງທີ່ລັດຖະບານໄດ້ໃຫ້ພື້ນທີ່ປ່າຜະລິດທີ່ຊຸດໂຊມເພາະຜ່ານມາບໍລິສັດເຄີຍປູກແຕ່ກັບປະຊາຊົນແບບປະຊາຊົນມີສ່ວນຮ່ວມເທົ່ານັ້ນ.

  ເມື່ອວັນທີ12 ມິຖຸນາຜ່ານມາທ່ານ ນາງ ສຸໄພວັນ ທ່ຽງຈັນໄຊ ຮອງຜູ້ອຳນວຍການບໍລິສັດບົວລະພາກະສິກຳ ແລະປ່າໄມ້ຈຳກັດໃຫ້ສຳພາດຕໍ່ສື່ມວນຊົນວ່າ: ໃນປີນີ້ບໍລິສັດບົວລະພາກະສິກຳ ແລະປ່າໄມ້ຈຳກັດໄດ້ກະກຽມເບ້ຍໄມ້ທັງໝົດ 1,7 ລ້ານເບ້ຍ ຊຶ່ງປີນີ້ບໍລິສັດມີຄວາມພາກພູມໃຈຫຼາຍທີ່ລັດຖະບານໄດ້ໃຫ້ພື້ນ ທີ່ 2 ພັນເຮັກຕາ ໃນປ່າຜະລິດທີ່ເຊື່ອມໂຊມເອົາມາປູກໄມ້ອຸດສາຫະກຳແຕ່ວ່າການໃຫ້ທີ່ດິນດັ່ງກ່າວກໍ່ບໍ່ແມ່ນເລື່ອງງ່າຍຕ້ອງມີຂັ້ນຕອນ ແລະ ເຮັດເພື່ອໃຫ້ຖືກຕາມລະແບບຫຼັກການ, ພວກເຮົາໄດ້ພະຍາຍາມເຮັດທຸກວິທີເພື່ອໃຫ້ຖືກກັບລະບຽບຫຼັກການ, ໃຫ້ທັນກັບລະດູການ, ແຕ່ສ່ວນການມີ

ສ່ວນຂອງປະຊາຊົນກັບບໍລິສັດແມ່ນໄດ້ປູກຮ່ວມກັນມາແຕ່ເດືອນພຶດສະພາ, ແຕ່ພື້ນທີ່ໃຫຍ່ໆກໍຍັງລໍຖ້າໃຫ້ຂ້ອຍຮູບເຂົ້າຮອຍຕາມລະບຽບຫຼັກການອີກຢ່າງເພື່ອໃຫ້ທັນກັບການປູກອີງໃສ່ນິຕິກຳຕ່າງໆທີ່ຍັງບໍ່ທັນແລ້ວໂດຍຈະແລ້ວໄວ ຫຼືແລ້ວຊ້າໂດຍຖ້າແລ້ວໄວພວກເຮົາຈະໄດ້ປູກຫຼາຍຖ້າແລ້ວຊ້າກໍຈະໄດ້ປູກໜ້ອຍກໍຂຶ້ນຢູ່ກັບການເຮັດວຽກຮ່ວມກັນລະຫວ່າງບໍລິສັດກັບລັດຖະບານ ແລະປະຊາຊົນອີກຊຶ່ງຖ້າຫາກວ່າໝົດຍາມແລ້ວກໍຈະຂາດແຮງງານຂອງປະຊາຊົນທີ່ຈະມາເຮັດນຳພວກເຮົາອັນນີ້ແມ່ນບັນຫາທີ່ສຳຄັນ

 ສຳລັບການກະກຽມເບ້ຍໄມ້ໃນປີນີ້ 1,7 ລ້ານເບ້ຍ ແມ່ນຈະກະກຽມປູກຢູ່ 3 ເມືອງຄື: ເມືອງຫີນເຫີບ, ເມືອງຊະນະຄົມ ແລະເມືອງເຟືອງ ແຂວງວຽງຈັນໃນເນື້ອທີ່ 2 ພັນເຮັກຕາ ທີ່ລັດຖະບານກຳນົດໃຫ້ຊຶ່ງຢູ່ໃນປ່າຜະລິດຂອງແຂວງວຽງຈັນທີ່ທາງກະຊວງກະສິກຳ-ປ່າໄມ້ ແລະກະຊວງກ່ຽວຂ້ອງລົງສຳຫຼວດພື້ນທີ່ແມ່ນມີຫຼາຍກວ່າ 2 ພັນເຮັກຕາໃນປະຈຸບັນແຕ່ບໍລິສັດພວກເຮົາຂໍທົດລອງກ່ອນ 2 ພັນເຮັກຕາ ເພື່ອຢາກທົດລອງວ່າການທີ່ໄດ້ດິນຈາກ

ປ່າຜະລິດທີ່ເຊື່ອມໂຊມຈະໃຊ້ເວລາແບບໃດຈະເຮັດຫຍັງແນ່ໃນທາງດ້ານນິຕິກຳເພາະຜ່ານມາພວກເຮົາເຄີຍປູກຮ່ວມແຕ່ກັບປະຊາຊົນແບບມີສ່ວນຮ່ວມຊຶ່ງພວກເຮົາຍັງບໍ່ທັນເຄີຍປູກໃນປ່າຜະລິດທີ່ລັດຖະບານອະນຸມັດໃຫ້ຊຶ່ງເປັນສິ່ງໃໝ່ສຳລັບບໍລິສັດພວກເຮົາ ແລະ ທ້າທາຍສົມຄວນ, ຖ້າການທົດລອງປູກໄດ້ຮັບຜົນດີກໍຈະໄດ້ນຳມາຖອດຖອນບົດຮຽນໃນຮອບຕໍ່ໄປເພາະພວກເຮົາຈະສືບຕໍ່ປູກຕາມເປົ້າໝາຍຂອງບໍລິສັດຈະປູກໃຫ້ໄດ້ 60 ພັນເຮັກຕາ.

ພາບ ແລະຂ່າວໂດຍ: ໜັງສືພິມເສດຖະກິດ-ສັງຄົມ

แชร์