ຊຳຊຸງແກ້ບັນຫາໜ້າຈໍໃນກາແລກຊີຈໍພັບໄດ້ແລ້ວ

ຫຼັງຈາກມີຣີວິວບັນຫາການໃຊ້ງານຂອງສະມາດໂຟນຈໍພັບໄດ້ Galaxy Fold ທີ່ເກີດບັນຫາມອດຂະນະການໃຊ້ງານທັງແບບເຕັມຈໍແລະພັບຈໍເຂົ້າ. ຈົນບໍລິສັດຕ້ອງເລື່ອນວັນເປີດ ໂຕທັງໃນອາເມລິກາແລະເອີຣົບອອກໄປຢ່າງບໍ່ມີກຳນົດຫຼ້າສຸດມີລາຍງານຈາກສື່ຂອງ ສ ເກົາຫຼີຄື Sammobile ລະບຸວ່າເວລານີ້ຊຳ ຊຸງໄດ້ແກ້ໄຂບັນຫາດັ່ງກ່າວຮຽບຮ້ອຍແລ້ວ.ທັງນີ້ຊຳຊຸງໄດ້ລະບຸວ່າພວກ ເຂົາໄດ້ແກ້ບັນຫາຫຼັກໆດັ່ງນີ້:

-  ເກັບມ້ຽນສ່ວນຂອງຟິມປ້ອງ ກັນລົງໄປໃນຕົວສະມາດໂຟນເລີຍເພື່ອປ້ອງກັນບໍ່ໃຫ້ຜູ້ໃຊ້ງານແກະຫຼຸດອອກມາໄດ້ງ່າຍ.

-  ຫຼຸດຊ່ອງວ່າງນ້ອຍໆໃນສ່ວນຂອງບານພັບເບື້ອງເທິງແລະເບື້ອງລຸ່ມບໍ່ໃຫ້ສິ່ງເປີ້ເປື້ອນຂະໜາດນ້ອຍສາມາດລອດເຂົ້າໄປສ້າງຄວາມເສຍຫາຍໄດ້.

ສຳລັບເວລານີ້ຕົວສະມາດໂຟນກຳລັງຢູ່ລະຫວ່າງທົດສອບໃຊ້ງານກັບທາງຄ່າຍມືຖືໃນ ສ ເກົາຫຼີຊຶ່ງຄາດວ່າທາງຊຳຊຸງຈະກຳນົດວັນເປີດໂຕພາຍໃນເດືອນນີ້ຂະນະທີ່ຈະວາງຈຳໜ່າຍໃນເດືອນມິຖຸນານີ້.

 ພາບ ແລະຊາ່ວໂດຍ: ໜັງສືພິມເສດຖະກິດ-ສັງຄົມ

แชร์