ກ້ອງໜ້າປ໊ອບອັບ ONEPLUS7PRO ແຂງແຮງ-ທົນທານ

OnePlus ໄດ້ເປີດໂຕສະມາດໂຟນເຮືອທຸງສຸດພຣີມຽມ OnePlus7Pro ໂດຍເປັນຮຸ່ນທຳອິດຂອງບໍລິສັດທີ່ໄດ້ຮັບການຕິດຕັ້ງກ້ອງໜ້າຊຶ່ງມີກົນໄກ” ປ໊ອບອັບ”ເລື່ອນຂຶ້ນຈາກຂອບເທິງ ຂອງໜ້າຈໍ.

ດ້ວຍຄວາມທີ່ກ້ອງໜ້າເປັນ ແບບປ໊ອບອັບຈຶ່ງອາດເຮັດໃຫ້ຜູ້ໃຊ້ ມີຄວາມກັງວົນກ່ຽວກັບຄວາມທົນທານຢູ່ແດ່ຊຶ່ງທາງ OnePlus ໄດ້ກ່າວອ້າງວ່າກ້ອງດັ່ງກ່າວຮອງ  ຮັບການເລື່ອນຂຶ້ນຈາກດ້ານເທິງ ຂອງໜ້າຈໍໄດ້ບໍ່ຕໍ່າກວ່າ3 ແສນຄັ້ງ ຕະຫຼອດອາຍຸການໃຊ້ງານຂອງເຄື່ອງ.

ຫຼ້າສຸດ OnePlus ໄດ້ປ່ອຍວິດີໂອເພື່ອໂປຣໂໝດຄວາມທົນທານຂອງກ້ອງໜ້າປ໊ອບອັບຂອງ OnePlus7Pro ຢ່າງຊັດເຈນວິດີໂອດັ່ງກ່າວໄດ້ສະແດງໃຫ້ເຫັນຊັດເຈນວ່າກ້ອງໜ້າປ໊ອບອັບຂອງ OnePlus7Pro ຮອງຮັບການຍົກກ້ອນຊີເມນທີ່ມີນໍ້າໜັກເຖິງ  22,3 ກິໂລກຣາມໄດ້ໂດຍບໍ່ແຕກຫັກຊຶ່ງເປັນການສະແດງໃຫ້ເຫັນເຖິງການອອກແບບແລະການຜະລິດທີ່ຄຳນຶງເຖິງຄວາມເຂັ້ມແຂງຂອງຕົວເຄື່ອງເປັນສຳຄັນເພື່ອສ້າງຄວາມແຕກຕ່າງຈາກສະມາດໂຟນກ້ອງໜ້າປ໊ອບອັບຂອງແບຣນອື່ນໆຊຶ່ງເປັນສິ່ງທີ່ OnePlus ໃຫ້ຄວາມສຳຄັນມາໂດຍຕະຫຼອດ.

OnePlus ໄດ້ເລີ່ມວາງຈຳໜ່າຍ OnePlus7Pro ໃນວັນທີ21 ພຶດສະພາ 2019 ທີ່ປະເທດ ອັງກິດໂດຍມີລາຄາດັ່ງນີ້:

6GB/128GB: 649 ປອນ ສະເຕີລິງ 8GB/256GB: 699 ປອນສະເຕີລິງ 12GB/256GB: 799 ປອນສະເຕີລິງ.

  ພາບ ແລະຊາ່ວໂດຍ: ໜັງສືພິມເສດຖະກິດ-ສັງຄົມ

แชร์