ສະມາຄົມໂຮງແຮມ ແລະຮ້ານອາຫານ ຈຳປາສັກ ສະຫຼຸບວຽກງານ

  ວັນທີ 7 ມິຖຸນາຜ່ານມາທີ່ໂຮງແຮມຈຳປາສັກແກຣນ ໄດ້ມີກອງປະຊຸມໃຫຍ່ຄັ້ງທີ V ຂອງສະມາຄົມໂຮງແຮມ, ເຮືອນພັກ ແລະ ຮ້ານອາຫານແຂວງຈຳປາ ສັກ ໂດຍໃຫ້ກຽດເຂົ້າຮ່ວມຂອງທ່ານ ບົວລິນ ວົງພະຈັນ ຮອງເຈົ້າແຂວງໆ ຈໍາປາສັກ, ມີຮອງຫົວໜ້າພະແນກ ຖວທ ແຂວງ, ປະທານ, ຮອງປະທານຄະນະບໍລິຫານງານ ແລະ ສະມາຊິກສະມາຄົມໂຮງແຮມ, ເຮືອນພັກ ແລະຮ້ານອາຫານເຂົ້າຮ່ວມ.

  ໃນກອງປະຊຸມ ທ່ານ ທຸຍເພັດ ສະຫວັນ ປະທານສະມາຄົມໂຮງແຮມ, ເຮືອນພັກ ແລະຮ້ານອາຫານແຂວງຈຳປາສັກ ໄດ້ສະຫຼຸບການເຄື່ອນໄຫວຂອງສະມາ ຄົມໃນໄລຍະ 3 ປີທີ່ຜ່ານມາ (2016-2018) ແລະທິດທາງແຜນການ 3 ປີຕໍ່ໜ້າ(2019-2021),ໂດຍຍົກ ໃຫ້ເຫັນຫຼາຍໜ້າວຽກທີ່ສະມາຄົມໄດ້ເອົາໃຈ

ໃສ່ເຊັ່ນ: ການໂຄສະນາບັນດາໂຮງແຮມຜ່ານເວບໄຊ, ການຊອກແຫຼ່ງທຶນເຂົ້າມາຝຶກອົບຮົມ ແລະ ພັດທະນາວິຊາຊີບໃຫ້ແກ່ພະນັກງານ, ຜູ້ປະກອບການ ດ້ານໂຮງແຮມ, ເຮືອນພັກ ແລະ ຮ້ານອາຫານຊຶ່ງສ້າງພື້ນຖານເງື່ອນໄຂໃຫ້ການຮອງຮັບນັກທ່ອງທ່ຽວທີ່ເດີນທາງມາຢ້ຽມຢາມທ່ອງທ່ຽວແຂວງຈຳປາສັກໃຫ້ນັບມື້ເພີ່ມຂຶ້ນເລື້ອຍໆ.

  ກອງປະຊຸມດັ່ງກ່າວຍັງໄດ້ຜ່ານຮ່າງກົດລະບຽບຂອງສະມາຄົມໂຮງແຮມ, ເຮືອນພັກ ແລະຮ້ານອາຫານສະໄໝທີ 5 ແລະ ປ່ອນບັດຄັດເລືອກເອົາຄະນະບໍລິ ຫານງານສະມາຄົມຊຸດໃໝ່ອີກດ້ວຍ.

ພາບ ແລະຂ່າວໂດຍ: ໜັງສືພິມເສດຖະກິດ-ສັງຄົມ

แชร์