ການຄ້າແຂວງບໍ່ແກ້ວ ລົງຊຸກຍູ້ວຽກການຄ້າເມືອງປາກທາ

 ເມື່ອບໍ່ດົນມານີ້ທ່ານ ນາງ ພວງພັນ ພູມສະຫວັນ ຫົວໜ້າພະແນກອຸດສາຫະກຳ ແລະການຄ້າແຂວງບໍ່ແກ້ວພ້ອມດ້ວຍຄະນະໄດ້ລົງຊຸກຍູ້ວຽກງານອຸດສາຫະ ກຳ ແລະການຄ້າຢູ່ເມືອງປາກທາໂດຍເຂົ້າຮ່ວມມີທ່ານ ສາລີ ວັນນະສານ ຮອງເຈົ້າເມືອງໆປາກທາ, ມີບັນດາຫົວໜ້າ-ຮອງຫົວໜ້າຫ້ອງການຕະຫຼອດຮອດຜູ້ປະກອບການເຂົ້າຮ່ວມ.

  ການລົງຊຸກຍູ້ວຽກງານອຸດສາຫະກຳ ແລະການຄ້າຢູ່ເມືອງປາກທາໃນຄັ້ງນີ້ຄະນະຮັບຜິດຊອບໄດ້ນຳເອົານິຕິກຳທີ່ກ່ຽວຂ້ອງຕ່າງໆມາເຜີຍແຜ່ເປັນຕົ້ນແມ່ນຂໍ້ ຕົກລົງວ່າດ້ວຍການຮັບຮອງກິດຈະການອຸດສາຫະກຳ-ການຄ້າທີ່ຕ້ອງອະນຸ ຍາດດຳເນີນທຸລະກິດເພື່ອສ້າງຕັ້ງ ເປັນຫົວໜ່ວຍທຸລະກິດບຸກຄົນຜູ້ດຽວເປັນເຈົ້າຂອງກຳສິດ, ດຳເນີນທຸລະກິດ, ການຂຶ້ນທະບຽນວິສາຫະກິດ, ຮຸ້ນສ່ວນ ແລະບໍລິສັດໃນນັ້ນມີ 7 ໜວດ 33 ມາດຕາ, ນອກນັ້ນຍັງໄດ້ຮັບຟັງການເຜີຍແຜ່ຂໍ້ຕົກລົງວ່າ ດ້ວຍການຮັບຮອງກິດຈະການອຸດ ສາຫະກຳທີ່ຕ້ອງອະນຸຍາດດຳເນີນ ທຸລະກິດ, ສະບັບເລກທີ 0044/ອຄທວ, ລົງວັນທີ 18 ມັງກອນ 2019 ເຜີຍແຜ່ຄຳແນະນຳວ່າດ້ວຍການດຳເນີນທຸລະກິດກິດຈະການໂຮງງານອຸດສາຫະກຳ ແລະການຄ້າສະບັບເລກທີ 0045/ອຄ. ກທຄວ, ລົງວັນທີ 18 ມັງກອນ 2019 ຈາກນັ້ນຜູ້ປະກອບການພາກສ່ວນທຸລະກິດ ແລະພາກສ່ວນທີ່ກ່ຽວຂ້ອງໄດ້ຍົກເອົາບັນຫາທີ່ກ່ຽວຂ້ອງ ແລະ ຄ້າງຄາໃຈທີ່ມັກຈະພົບເຫັນໃນພາກສ່ວນທຸລະກິດເປັນຕົ້ນບັນຫານ້ຳມັນເຊື້ອໄຟບໍ່ໄດ້ມາດຕະຖານ,ການຂຶ້ນທະບຽນວິສາຫະກິດ, ການເສຍອາກອນ ແລະອື່ນໆອີກທີ່ຍັງບໍ່ທັນປະຕິບັດໄດ້ດີເທົ່າທີ່ຄວນ.

  ໂອກາດດຽວກັນ ທ່ານ ນາງ ພວງພັນ ພູມສະຫວັນ ໄດ້ເນັ້ນໜັກພ້ອມທັງຮຽກຮ້ອງໃຫ້ຄະນະຮັບຜິດຊອບຂັ້ນເມືອງບັນດາຜູ້ປະກອບການຈົ່ງນຳເອົານິຕິກຳທີໄດ້ໄປເຜີຍແຜ່ນີ້ໄປຈັດຕັ້ງປະຕິບັດໃຫ້ຖືກຕ້ອງສອດຄອງກັບເອກະສານດັ່ງກ່າວ ແລະໃຫ້ການຄ້າເມືອງຈົ່ງສືບຕໍ່ເອົາໃຈໃສ່ໃນການນຳເອົານິຕິກຳ, ສິດພາລະບົດບາດວຽກງານທີຕົນຮັບຜິດຊອບໄປເຜີຍແຜ່ຄືນໃຫ້ບັນດາຜູ້ປະກອບການທີ່ຍັງບໍ່ທັນເຂົ້າໃຈໃນການດຳເນີນທຸລະກິດຢູ່ພາຍໃນເມືອງໃຫ້ຖືກຕ້ອງຕາມທະ ບຽນອື່ນໆທີ່ກ່ຽວຂ້ອງພ້ອມດ້ວຍຄຳແນະນຳຕ່າງໆທີ່ກຳນົດໄວ້ໃນກົດໝາຍ ແລະລະບຽບການສູ້ຊົນຈັດຕັ້ງປະຕິບັດບັນດາຄາດໝາຍຂອງວຽກງານອຸດສາຫະ ກຳການຄ້າຂອງແຂວງຂອງເມືອງໃຫ້ສຳເລັດ, ພ້ອມກັນນຳເອົາເນື້ອໃນຈິດໃຈ ແລະບັນດານິຕິກຳດັ່ງກ່າວນີ້ໄປເຜີຍແຜ່ພ້ອມທັງຈັດຕັ້ງປະຕິບັດໃຫ້ໄດ້ຮັບຜົນສຳເລັດ.

ພາບ ແລະຂ່າວໂດຍ: ໜັງສືພິມເສດຖະກິດ-ສັງຄົມ

แชร์