ສຳເລັດກິດຈະກຳເປີດຄ້າຍນັກຮຽນອາຊຽນ ໃນຍາມພັກຮຽນ

ໃນວັນທີີ 6ມິຖຸນາຜ່ານມາທີ່ສວນພຸໄທທີລະເມືອງໄຊເສດຖາ ນະຄອນຫຼວງວຽງຈັນມະຫາວິທະຍາໄລແຫ່ງຊາດ,ໂຮງຮຽນພອນສະຫວັນ,ຊົນເຜົ່າແລະໂຮງຮຽນ ກຽດຕິສັກນາໆຊາດໄດ້ສຳເລັດການເປັນເຈົ້າພາບຈັດກິດຈະກຳເປີດຄ້າຍນັກຮຽນອາຊຽນໃນຍາມພັກແລ້ງຄັ້ງທີ III ຢູ່ນະຄອນຫຼວງວຽງຈັນໂດຍມີທ່ານຄໍາພຸດພົມມະສອນຜູ້ອຳນວຍການໂຮງຮຽນພອນສະຫວັນ, ຊົນເຜົ່າ,ກຽມມະຫາວິທະຍາໄລພ້ອມດ້ວຍຄູ-ອາຈານແລະນ້ອງນັກຮຽນເຂົ້າຮ່ວມຢ່າງຟົດຟື້ນແລະມອບຕໍ່ໃຫ້ປະເທດຫວຽດນາມເປັນເຈົ້າພາບຈັດງານ ໃນຄັ້ງຕໍ່ໄປໃນປີ 2020.

ທ່ານ ຄຳພຸດພົມມະສອນຜູ້ອຳນວຍການໂຮງຮຽນພອນສະຫວັນຊົນເຜົ່າກ່າວວ່າ:ການຈັດງານຄັ້ງນີ້ເພື່ອເຮັດໃຫ້ບັນດານັກຮຽນຈາກບັນດາປະເທດອາຊຽນໄດ້ຮຽນຮູ້, ແລກປ່ຽນບົດຮຽນ,ແລກປ່ຽນວັດທະນະທໍາເຊິ່ງກັນແລະກັນ,ນອກນັ້ນຍັງໄດ້ຮຽນຮູ້ວິຖີການດຳລົງຊີວິດ,ຮີດຄອງປະເພນີ,ຂອງ ປະຊາຊົນລາວ ບັນດາເຜົ່າ,ໄດ້ໄປທັດສະນະສຶກສາສະຖານທີ່ທ່ອງທ່ຽວທາງທຳມະຊາດ, ປະຫວັດສາດ,ວັດທະນະທຳຢູ່ນະຄອນຫຼວງວຽງຈັນ ແລະຫຼິ້ນກິດຈະກຳຮ່ວມກັນຢ່າງຄຶກຄື້ນມ່ວນຊື່ນເປັນຕົ້ນສະແດງສິລະປະ, ຟ້ອນ, ເຕັ້ນ ແລະອື່ນໆ.

ການຈັດງານໄດ້ດຳເນີນໃນລະຫວ່າງວັນທີ 3-7 ມິຖຸນາ 2019 ຊຶ່ງມີນັກຮຽນຊັ້ນມັດທະຍົມ ແລະກຽມມະຫາວິທະຍາໄລຫຼາຍກວ່າ60 ຄົນຈາກ 7 ປະເທດອາຊຽນເຂົ້າຮ່ວມປະກອບມີ: ສປປ ລາວ, ຫວຽດນາມ, ໄທ, ມາເລເຊຍ, ມຽນມາ, ຟີລິບປິນ ແລະສິງກະໂປໃນການຈັດກິດຈະກຳດັ່ງກ່າວ, ເປັນການປະກອບສ່ວນຮັດແໜ້ນການພົວພັນຮ່ວມມືລະຫວ່າງ ສປປ ລາວ ກັບບັນດາປະເທດອາຊຽນໃຫ້ໄດ້ຮັບການພັດທະນາ ແລະສືບຕໍ່ຮັດແໜ້ນການພົວພັນຮ່ວມມືໃຫ້ແໜ້ນ ແຟ້ນຂຶ້ນໄປເລື້ອຍໆ.

 ພາບ ແລະຂາ່ວໂດຍ: ໜັງສືພິມເສດຖະກິດ-ສັງຄົມ

แชร์