ເລືອກໄດ້ 5 ນັກອອກແບບໜຸ່ມນ້ອຍລາວ

  ໂຄງການລາວແຟຊັນວິກ ແມ່ນໂຄງການສົ່ງເສີມນັກອອກແບບໜຸ່ມນ້ອຍຂອງລາວທີ່ໄດ້ນຳເອົາຊື່ສຽງວັດທະນະທຳຂອງລາວໄປສະແດງອາພອນສູ່ລະດັບເວທີສາກົນ ພ້ອມນັ້ນຈະສືບຕໍ່ເສີມຂະ ຫຍາຍສາຍພົວພັນການຮ່ວມມືອັນຍາວນານກັບບັນດາຄູ່ ຮ່ວມການພັດທະນາທັງພາຍໃນ ແລະ ຕ່າງປະເທດໃຫ້ແກ່ວົງການແຜ່ນແພແຟ ຊັນໃນລາວ ປີນີ້ແມ່ນໄດ້ມີການຄັດເລືອກ ເອົານັກອອກແບບ 5 ຄົນ ດີເດັ່ນປະຈໍາປີ ໄດ້ແລ້ວພາຍໃຕ້ຫົວຂໍ້ “ກີບດອກໄມ້”.

  ພິທີຄັດເລືອກໄດ້ຈັດຂຶ້ນວັນທີ 6 ມິຖຸນາ 2019 ທີ່ໂຮງແຮມແລນມາກ ນະຄອນຫຼວງວຽງຈັນ ໃຫ້ກຽດເຂົ້າຮ່ວມທ່ານ ນາງ ປານີ ໄຊຍະວົງສ໌ ຜູ້ກໍ່ຕັ້ງລາວແຟຊັ້ນວີກ-ໂຄງການສົ່ງເສີມນັກ ອອກແບບໜຸ່ມນ້ອຍຂອງລາວ, ທ່ານ ສົມສະໜຸກ ມີໄຊ ຮອງປະທານສະມາຄົມນັກຂ່າວແຫ່ງ ສປປລາວ ບັນດານັກອອກ ແບບຊື່ດັງພາຍໃນ ແລະຕ່າງປະເທດ, ນາຍແບບຊັ້ນນຳເຂົ້າຮ່ວມສະແດງເດີ່ນ ໂຊຜົນງານແຟຊັນຢ່າງຄຶກຄື້ນ.

  ທ່ານ ນາງ ປານີ ໄຊຍະວົງສ໌ ໄດ້ກ່າວວ່າ: ໂຄງການສົ່ງເສີມນັກອອກແບບໜຸ່ມນ້ອຍລາວເປັນວຽກງານໃນການພັດ ທະນາວົງການແຟຊັນໃນລາວເພື່ອໃຫ້ມີ ພັດທະນາຊັບພະຍາກອນມະນຸດບັນດາ ໄວໜຸ່ມລາວທີ່ມີພອນສະຫວັນໃນການ ອອກແບບໄປຮໍ່າຮຽນ ແລະຝຶກຝົນໃນບັນດາສະຖາບັນແຟຊັນທີ່ມີຊື່ສຽງຂອງ ໂລກ ຊຶ່ງໃນແຕ່ລະປີພວກເຮົາໄດ້ຄັດ ເລືອກເອົານັກອອກແບບໝຸ່ມນ້ອຍຂອງ ລາວ 5 ຄົນດີເດັ່ນໄປຮໍ່າຮຽນ ແລະຝຶກ ຝົນຢູ່ສະຖາບັນເອັດສໂມດທີ່ມະຫານະ ຄອນປາຣີ ປະເທດຝຣັ່ງ, ສະຖາບັນນານ ຢາງປະເທດສິງກະໂປ, ສະຖາບັນລອນ ດອນຄອນເລດອອຟດີຊາຍ ແອນແຟຊັນ ທີ່ຮ່າໂນຍ, ສະຖາບັນແຟຊັນຟິລິປິນ ທີ່ ມະນີລາ ແລະບັນດາຫ້ອງ ເສື້ອຊື່ດັງໃນ ບາງກອກ ເພື່ອເສີມສ້າງໃຫ້ເຂົາເຈົ້າໄດ້ ມີປະສົບການທີ່ມີຄວາມໝາຍ ແລະ ຄວາມສຳຄັນກາຍເປັນນັກອອກແບບ  ໜຸ່ມນ້ອຍທີ່ມີບົດບາດສຳຄັນໃນວົງການ ແຟຊັນໃນລາວ.

  ສຳລັບນັກອອກແບບໜຸ່ມນ້ອຍຂອງລາວທີ່ໄດ້ນຳສະເໜີຜົນງານຂອງຕົນເອງສົ່ງເຂົ້າປະກວດໃນຫົວຂໍ້ “ກີບດອກໄມ້” ທີ່ຜ່ານເຂົ້າຮອບ 5 ຄົນດີເດັ່ນປະຈຳ ປີມີທ້າວ ອານຸສິດ ແພງຄໍາພັດ, ທ້າວ ກອນວິໄຊ ສຸວັດດີ, ທ້າວ ມັງກອນ ໄຊຍະ ວົງ, ນາງ ມະນີທິບ ວົງພະຈັນ, ທ້າວ ສຸ ນັນທາ ພັນທະປັນຍາ ນອກນັ້ນຍັງ ໄດ້ຮັບ ທຶນ 3 ລ້ານກີບ ນໍາໄປຜະລິດເປັນຊຸດຕົວ ຈິງແລ້ວມາສະແດງໂຊຜົນງານໃນງານ ລາວແຟຊັນວິກ 2019 ທີ່ຈະຂັດຂຶ້ນວັນ ທີ 6 ກັນຍານີ້ ພ້ອມນັ້ນຈະປະກາດຜົນຜູ້ ທີ່ໄດ້ຊະນະເລີດ ແລະຮອງຊະນະເລີດ ຕາມດຳລັບທັງ 5 ນັກອອກແບບທີ່ຈະ ໄດ້ຮັບທຶນການສຶກສາ ແລະການຝຶກອົບ ຮົມດ້ານແຟຊັນເຊິ່ງມີໄລຍະເວລາການ ຮຽນແຕ່ 2 ເດືອນ ຫາ 1 ປີ.

ພາບ ແລະຂ່າວໂດຍ: ໜັງສືພິມເສດຖະກິດ-ສັງຄົມ

แชร์