ແຮກເກີຕິດຕັ້ງຊອຟແວຣສອດແນມຜ່ານ “ວອດແອັບ”

 

ວອດແອັດ (WhatApp)ແອັດພະລິເຄຊັນສົ່ງຂໍ້ຄວາມບໍ່ເສຍຄ່າຜ່ານສະມາດໂຟນເປີດເຜີຍວ່າພົບຈຸດບົກພ່ອງຂອງແອັດພະລິເຄຊັນທີ່ເຮັດໃຫ້ແຮກເກີສາມາດຕິດຕັ້ງຊອຟແວຣສອດແນມບົນໂທລະສັບມືຖືຜ່ານການໂທຫາເປົ້າໝາຍທີ່ໃຊ້ແອັດພະລິເຄຊັນດັ່ງກ່າວໄດ້ຂະນະທີ່ພົບໂທລະສັບເຄື່ອນທີ່ຫຼາຍສິບເຄື່ອງທີ່ໄດ້ຮັບການຕິດຕັ້ງຊອຟ ແວຣໄປແລ້ວ.ທາງໄຟແນນຊຽລທາມລະບຸ ວ່າລະບົບສອດແນມດັ່ງກ່າວໄດ້ຮັບການພັດທະນາຈາກໜ່ວຍງານ NSO Group ບໍລິສັດເອກະຊົນຂອງອິດສະຣາແອນຊຶ່ງເປັນທີ່ຮູ້ຈັກໃນການພັດທະນາຊອຟແວຣສອດແນມໃຫ້ກັບລັດຖະບານອິດສະຣາແອນ.

ຊອຟແວຣສອດແນມດັ່ງກ່າວຈະສາມາດເຂົ້າເຖິງແລະຕິດຕັ້ງໃນສະມາດໂຟນດ້ວຍລະບົບການໂທຜ່ານແອັບພະລິເຄຊັນໂດຍບໍ່ຈຳເປັນຕ້ອງກົດຮັບສາຍ.ປະຈຸບັນແອັບພະລິເຄຊັນວອດແອັດມີຜູ້ໃຊ້ປະມານ 1.500 ລ້ານຄົນທົ່ວໂລກໄດ້ປັບປຸງແກ້ໄຂຈຸດບົກພ່ອງດັ່ງກ່າວແລະແນະນຳໃຫ້ຜູ້ໃຊ້ແອັດພະລິເຄຊັນອັບເກຣດແອັດພະລິເຄຊັນໃຫ້ເປັນເວີຊັນລ້າສຸດເພື່ອປ້ອງກັນການຖືກເຈາະລັກຂໍ້ມູນຜ່ານແອັດພະລິເຄຊັນ.

ພາບ ແລະຂາ່ວໂດຍ: ໜັງສືພິມເສດຖະກິດ-ສັງຄົມ

แชร์