ສູນວັດທະນະທຳເດັກ ແຂວງອຸດົມໄຊ ເລີ່ມເຄື່ີອນໄຫວກິດຈະກຳ

ພິທີເປີດການເຄື່ອນໄຫວກິດຈະກໍາຂອງສູນວັດທະນະທໍາເດັກຂອງແຂວງອຸດົມໄຊຊ່ວງພັກໂຮງຮຽນ3 ເດືອນປະຈຳປີ 2019 ໄດ້ຈັດຂຶ້ນໃນວັນທີ 7 ມິຖຸນາ 2019 ທີ່ສູນວັດທະນະທໍາເດັກແຂວງອຸດົມໄຊໂດຍການເປັນປະທານຂອງທ່ານສີວິໄລຊາມາລັດຫົວໜ້າສູນວັດທະນະທຳເດັກແຂວງອຸດົມໄຊ,ມີທ່ານມະຫາໄຊເກດບຸນພັນຮອງຫົວໜ້າພະແນກ ຖວທ ແຂວງອຸດົມໄຊ,ມີບັນດາຜູ້ປົກຄອງແລະນ້ອງນັກຮຽນເຂົ້າຮ່ວມຢ່າງພ້ອມພຽງ.

ການຈັດພິທີເປີດການເຄື່ອນໄຫວກິດຈະກໍາໃນຄັ້ງນີ້ກໍເພື່ອເຮັດໃຫ້ນ້ອງນັກຮຽນທີ່ສໍາເລັດການສຶກສາພາກປົກກະຕິໃຊ້ເວລາຫວ່າງໃຫ້ ເປັນປະໂຫຍດໃນຊ່ວງໄລຍະພັກພາກຮຽນ 3 ເດືອນ.ນອກນັ້ນຍັງ ເປັນການເພີ່ມທັກສະດ້ານຕ່າງໆ ໂດຍແນ່ໃສ່ເຮັດໃຫ້ນັກຮຽນມີຄວາມ                                         ຮູ້, ຄວາມສາມາດ, ກ້າຄິດ, ກ້າສະແດງອອກ ແລະເປັນພື້ນຖານສຳຄັນໃນການກ້າວໄປເຖິງການສຶກສາໃນຂັ້ນມະຫາໄລແລະກໍານົດວິຊາ ອາຊີບຂອງຕົນເອງ.

ກິດຈະກຳທີ່ສູນວັດທະນະທຳ ເດັກແຂວງອຸດົມໄຊ ຈະໄດ້ຈັດຂຶ້ນ ໃນຊ່ວງພັກໂຮງຮຽນນີ້ມີຫຼາຍກິດຈະກຳເປັນຕົ້ນແມ່ນວິຊາຕໍ່າຫູກ,ແກະສະຫຼັກໝາກໄມ້, ຮຽນພາສາຕ່າງປະເທດໃນຂັ້ນພື້ນຖານເຊັ່ນພາສາຈີນ, ຍີ່ປຸ່ນ, ອັງກິດແລະຫວຽດ ນາມ, ວິຊາມາລະຍາດທາງສັງຄົມ, ຂັບລຳ, ຮ້ອງເພງ, ການສະແດງ, ບົດຟ້ອນ, ດົນຕີພື້ນເມືອງ, ສາກົນ, ໂຄສົກ, ນັກຈັດລາຍການ, ປະດິດເຄື່ອງຫຼິ້ນ, ກີລາ ແລະອື່ນໆ. ນອກ ຈາກຈະເປັນການເປີດພິທີຢ່າງເປັນ ທາງການກ່ຽວກັບການເຄື່ອນໄຫວ ກິດຈະກຳຂອງສູນວັດທະນະທຳເດັກແຂວງອຸດົມໄຊ ປະຈຳປີ 2019 ແລ້ວຍັງເປັນການຈັດພິທີສະເຫຼີມ ສະຫຼອງວັນເດັກນ້ອຍສາກົນໃຫ້ມບັນຍາກາດຟົດຟື້ນ, ມ່ວນຊື່ນຕື່ມອີກຊຶ່ງໃນພິທີດັ່ງກ່າວໄດ້ຮັບຟັງການ ເລົ່າກ່ຽວກັບປະຫວັດຄວາມເປັນມາ ຂອງວັນເດັກນ້ອຍສາກົນ ແລະຮັບ ຊົມການສະແດງສິລະປະວັນນະຄະນະດີຂອງນ້ອງນ້ອຍນັກຮຽນເປັນ ຕົ້ນແມ່ນບົດຟ້ອນ ແລະບົດເພງ.

ໂອກາດດັງກ່າວທ່ານ ສີວິໄລ ຊາມາລັດ ຫົວໜ້າສູນວັດທະນະທໍາເດັກແຂວງອຸດົມໄຊໄດ້ມີຄຳເຫັນພ້ອມທັງວາງຄາດໝາຍສູ້ຊົນໃນການຈັດຕັ້ງປະຕິບັດແຕ່ລະກິດຈະກຳຕ້ອງໃຫ້ບັນລຸ 60% ຂຶ້ນໄປ. ສຳຫຼັບປີນີ້ມີຜູ້ປົກຄອງນໍາເອົາລູກຫຼານຂອງຕົນເອງເຂົ້າມາເຄື່ອນໄຫວກິດຈະກຳຢູ່ສູນດັ່ງກ່າວເກືອບ 200 ຄົນ.

ພາບ ແລະຂາ່ວໂດຍ: ໜັງສືພິມເສດຖະກິດ-ສັງຄົມ

แชร์