ແຂວງຜົ້ງສາລີ ຍ່າງເພື່ອສຸຂະພາບສະຫຼອງວັນສິ່ງແວດລ້ອມ

ເພື່ອສົ່ງເສີມສ້າງຈິດສຳນຶກແລະຍົກລະດັບຄວາມຕື່ນຕົວໃນການປົກປັກຮັກສາສິ່ງແວດລ້ອມໃຫ້ແກ່ທົ່ວປວງຊົນນັ້ນເນື່ອງໃນໂອກາດວັນສິ່ງແວດລອມໂລກທີ່ໝູນ ວຽນມາຄົບຮອບ 47 ປີ ແລະວັນສິ່ງແວດລ້ອມແຫ່ງຊາດລາວ ຄົບຮອບ 20 ປີໃນຕອນເຊົ້າຂອງວັນທີ 7 ມິຖຸນາ 2019 ແຂວງຜົ້ງສາລີ ໄດ້ຈັດພິທີສະເຫຼີມສະຫຼອງວັນດັ່ງກ່າວໂດຍຜູ້ເຂົ້າຮ່ວມໄດ້ພ້ອມກັນນຸ່ງເສື້ອສີຂາວທີໃສ່ຄຳຂວັນວ່າ: ຫຼຸດຜ່ອນມົນລະຜິດທາງອາກາດເພື່ອສຸຂະພາບຂອງພວກເຮົາ”ພ້ອມກັນຍ່າງອອກຈາກເດີນຫ້ອງວ່າການປົກຄອງແຂວງຍ່າງໄປ ຕາມເສັ້ນທາງເທສະບານແຂວງ ອ້ອມໄປທາງຕະຫຼາດໂຄ້ງອອກໄປສີ່ແຍກຫຼັກ 0 ແລ້ວກັບຄື່ນມາ ເດີນຫ້ອງວ່າການປົກຄອງແຂວງ ດ້ວຍບັນຍາກາດທີຄຶກຄື້ນ.

ເຂົ້າຮ່ວມຍ່າງເພື່ອສຸຂະພາບຄັ້ງນີ້້ມີທ່ານຄຳເຈນ ວົງໂພສີເຈົ້າແຂວງຜົ້ງສາລີ; ທ່ານ ທອງ ອາລີ ຫົວໜ້າພະແນກຊັບພະຍາກອນທໍາມະຊາດແລະສິງແວດລ້ອມແຂວງ ຜົ້ງສາລີ; ບັນດາທ່ານພະນັກງານການນຳຂອງແຂວງ, ເມືອງຜົ້ງສາ ລີ, ພະນັກງານບຳນານ, ພະນັກງານລັດຖະກອນ ແລະມວນຊົນ ຊາວແຂວງຜົ້ງສາລີເຂົ້້າຮ່ວມ.

ປີ 1972 ໃນກອງປະຊຸມໂລກກ່ຽວກັບສິ່ງແວດລ້ອມໂລກຂອງ ມະນຸດໄດ້ຮັບຮອງເອົາການສຶກສາ ສິ່ງແວດລ້ອມສຳລັບທຸກຄົນ ໂດຍສະເພາະແມ່ນເດັກນ້ອຍແລະໄວ ໜຸ່ມຊຶ່ງເປັນເວທີສົ່ງເສີມວຽກງານການສຶກສາດ້ານສິ່ງແວດລ້ອມແລະກຳນົດເອົາວັນທີ 5 ມິຖຸນາເປັນວັນສິ່ງແວດລ້ອມວັນສິ່ງແວດ ລ້ອມໂລກສະນັ້ນບັນດາປະເທດ ຕ່າງໆໃນໂລກໄດ້ຮ່ວມກັນສະເຫຼີມສະຫຼອງນັບແຕ່ນັ້ນເປັນຕົ້ນມາຊຶ່ງປີນີ້ແມ່ນຄົບຮອບ 47 ປີ. ສຳລັບສປປລາວກໍ່ໄດ້ຖືເອົາວັນທີ 5 ມິຖຸນາທີ່ເປັນວັນດຽວກັນກັບວັນສິ່ງແວດລ້ອມໂລກເປັນວັນສິ່ງແວດລ້ອມ ແຫ່ງຊາດລາວນັບແຕ່ປີ 1999 ເປັນຕົ້ນມາປີນີ້ແມ່ນພໍດີຄົບຮອບ 20 ປີ.

ພາບ ແລະຂາ່ວໂດຍ: ໜັງສືພິມເສດຖະກິດ-ສັງຄົມ

แชร์