ສະພາແຫ່ງຊາດຮັບຮອງການແຕ່ງຕັ້ງບຸກຄະລາກອນຂອງລັດໃໝ່ 2 ທ່ານ

 ວັນທີ 7 ມິຖຸນາ 2019 ກອງປະຊຸມສະໄໝາສາມັນເທື່ອທີ 7 ຂອງສະພາແຫ່ງ ຊາດຊຸດທີ VIII ພາຍໃຕ້ການເປັນປະທານຂອງ ທ່ານ ບຸນປອນ ບຸດຕະນະວົງ ຮອງປະທານສະພາແຫ່ງຊາດ, ບັນດາສະມາຊິກສະພາແຫ່ງຊາດໄດ້ລົງຄະແນນສຽງຮັບຮອງເອົາມະຕິວ່າດ້ວຍການຮັບຮອງເອົາການເລືອກຕັ້ງ ແລະແຕ່ງຕັ້ງບຸກຄະລາກອນຕາມການສະເໜີຂອງທ່ານປະທານປະເທດແຫ່ງ ສປປ ລາວ ສະບັບເລກທີ 217/ປປທ ລົງວັນທີ 5 ມິຖຸນາ 2019 ເລື່ອງການເລືອກຕັ້ງປະທານສານປະຊາຊົນສູງສຸດຄົນໃໝ່ ແລະ ໜັງສືສະເໜີຂອງທ່ານນາຍົກລັດຖະມົນຕີ ເລກທີ 177/ນຍ, ລົງວັນທີ 22 ເມສາ 2019 ເລື່ອງການແຕ່ງຕັ້ງສະມາຊິກລັດຖະບານ.

  ຊຶ່ງລາຍລະອຽດປະກອບມີບັນດາສະມາຊິກສະພາແຫ່ງຊາດເຫັນດີຮັບຮອງເອົາການແຕ່ງຕັ້ງ ທ່ານ ຄຳພາ ແສງດາລາ ຮອງປະທານສານປະຊາຊົນສູງສຸດຂຶ້ນເປັນປະທານສານປະຊາຊົນສູງສຸດ, ສ່ວນ ທ່ານ ຄຳພັນ ສິດທິດຳພາ ປະທານສານປະຊາຊົນສູງສຸດຜູ້ເກົ່າແມ່ນຈະໄດ້ໄປຮັບໜ້າທີ່ໃໝ່ຕາມຄວາມຮຽກຮ້ອງຕ້ອງການຂອງໜ້າທີ່ວຽກງານ,ພ້ອມທັງໄດ້ຮັບຮອງເອົາການແຕ່ງຕັ້ງ ທ່ານ ວິດົງ ໄຊຍະສອນ ເຈົ້າແຂວງວຽງຈັນມາເປັນລັດຖະມົນຕີປະຈຳສຳນັກງານນາຍົກລັດຖະມົນຕີ.

ພາບ ແລະຂ່າວໂດຍ: ໜັງສືພີມເສດຖະກິດ-ສັງຄົມ

แชร์