ທູດໄທ ແລະເອັສຊີຈີ ຈັດໂຄງການຮັກສາສຸຂະພາບແຂ້ວພະສົງ 999 ອົງ

  ສະຖານເອກອັກຄະຣາຊະທູດໄທປະຈໍາລາວ ຮ່ວມກັບ ເອັສຊີຈີ ເຊິ່ງເປັນອົງກອນຊັ້ນນໍາທີ່ມຸ້ງສ້າງຄວາມຍືນຍົງໃນອາຊຽນພ້ອມດ້ວຍຜູ້ປະກອບການໄທໃນລາວຮ່ວມກັນ

  ຈັດກິດຈະກໍາກວດສຸຂະພາບ ແລະ ຮັກສາແຂ້ວໃຫ້ແກ່ພະສົງ, ສໍາມະເນນ 999 ອົງ ແລະປະຊາຊົນ ທີ່ອາໄສຢູ່ໃນ ນວ ເພື່ອຖວາຍເປັນພຣະຣາດຊະກຸສົນ ເນື່ອງໃນພຣະຣາດຊະພິທີບໍຣົມຣາຊາພິ ເສກພຣະບາດສົມເດັດພຣະປະຣະເມນ ທະຣະຣາມາທິບບໍດີສີ ສິນມະຫາວະຊິ ຣາລົງກອນ ພຣະວະຊິຣະເກົ້າ ເຈົ້າຢູ່ຫົວ ຣາດຊະການທີ 10  ແລະສະເຫຼີມສະຫຼອງວັນຄ້າຍວັນເກີດຂອງພຣະລາຊິນີປະຈໍາປີ 2019 ໂດຍມີຄະນະທັນຕະແພດຈາກໜ່ວຍທັນຕະກໍາພຣະຣາດຊະທານ ຄະນະແພດສາດຈຸລາລົງກອນມະຫາວິທະຍາໄລພ້ອມເຈົ້າໜ້າທີ່ສະໜັບສະໜູນມາໃຫ້ບໍລິການໃນວັນທີ 5-6 ມິຖຸນາ 2019 ທີ່ວັດອົງຕື້ມະຫາວິຫານ.

  ທ່ານ ກຽດຕິຄຸນ ຊາດປະເສີດ ເອກອັກຄະຣາຊະທູດໄທປະຈໍາ ນວ ກ່າວ ວ່າ: ການບໍລິການທັນຕະກໍາໃນຄັ້ງນີ້ຈັດຂຶ້ນເນື່ອງໃນໂອກາດ ພຣະຣາດຊະພິ ທີບໍຣົມຣາຊາພິເສກ 2019 ແລະສະເຫຼີມ ສະຫຼອງວັນຄ້າຍວັນເກີດຂອງພຣະລາ ຊິນີ ປະຈໍາປີ 2019 ໂດຍເປັນຄວາມຮ່ວມ ມືລະຫວ່າງ ສະຖານເອກອັກຄະຣາຊະ ທູດໄທ ປະຈໍາລາວ, ຄະນະທັນຕະແພດ ສາດ ຈຸລາລົງກອນມະຫາ ວິທະຍາໄລ ແລະວິທະຍາໄລສົງອົງຕື້ ຊຶ່ງເປັນຄັ້ງທໍາອິດທີ່ມີການອອກໜ່ວຍທັນຕະກໍາ ເຄື່ອນທີ່ຂອງໄທຖວາຍແກ່ພຣະສົງ ແລະ ສໍາມະເນນລາວ ແລະຍັງເປັນການສົ່ງເສີມຄວາມຮ່ວມມືດ້ານສາທາລະນະ ສຸກໄທ-ລາວ ລວມທັງການເຮັດບຸນທໍານຸບໍາລຸງພຣະພຸດທະສາສະໜາ. 

  ທ່ານ ນິທິ ພັດທະຣະໂຊກ ປະທານ ທຸລະກິດຊີມັງ ແລະຜະລິດຕະພັນກໍ່ສ້າງ ເອັສຊີຈີ ກ່າວວ່າ: ການມີສຸຂະພາບທີ່ດີເປັນປັດໄຈພື້ນຖານໃນການດໍາລົງຊີວິດທາງເອັສຊີຈີເຫັນຄວາມສຳຄັນໃນການ ພັດທະນາຄຸນນະພາບຊີວິດ ເພື່ອນໍາໄປ ສູ່ການພັດທະນາຢ່າງຍືນຍົງທາງດ້ານ ສັງຄົມ ແລະວັດທະນະທໍາ, ກິດຈະກໍາໃນ ຄັ້ງນີ້ ຈະເປັນການຊ່ວຍຫຼຸດບັນຫາສຸຂະ ພາບແຂ້ວທີ່ເກີດຂຶ້ນແກ່ພຣະສົງ ຊ່ວຍ ໃຫ້ພຣະສົງສາມາດປະຕິບັດກິດ ແລະສືບ ທອດພຸດທະສາສະໜາຕໍ່ໄປໄດ້ແບບຍືນຍົງ.

  ນອກຈາກນີ້ ເອັສຊີຈີ ໄດ້ມອບເງິນຈໍານວນ 8,5 ແສນບາດເພື່ອເປັນຄ່າອຸປະກອນການແພດ ແລະການຈັດໂຄງການກິດຈະກໍາ, ຊຶ່ງມີພຣະພິຂຸສົງ ແລະສໍາ ມະເນນຈາກທົ່ວນະຄອນຫຼວງວຽງຈັນ ມາຮັບບໍລິການຮັກສາທາງທັນຕະກໍາ ຫຼາຍກວ່າ 999 ອົງ, ນອກນີ້ຍັງປະຊາຊົນ ມາຮັບບໍລິການຮັກສາທາງທັນຕະກໍາ ໂດຍບໍ່ມີກໍານົດອີກ. ເຊິ່ງເອັສຊີຈີ ຫວັງ ວ່າຜົນສໍາເລັດຈາກຄວາມຮ່ວມມືຄັ້ງ ນີ້ ຈະເປັນສ່ວນໜຶ່ງໃນການສົ່ງເສີມໃຫ້ ພາກເອກກະຊົນໄທ ຮ່ວມມືກັນຈັດກິດຈະ ກໍາເພື່ອສັງຄົມ ສປປ ລາວ ໃນດ້ານຕ່າງໆ ເພີ່ມຂຶ້ນຕໍ່ເນື່ອງແບບຍືນຍົງໃນອະນາຄົດ.

  ເອັສຊີຈີ ກຸ່ມບໍລິສັດແຖວໜ້າໃນພູມມີພາກອາຊຽນປະຈຸບັນປະກອບດ້ວຍ 3 ທຸລະກິດຫຼັກໄດ້ແກ່ທຸລະກິດຊີມັງ-ຜະລິດຕະພັນກໍ່ສ້າງ, ທຸລະກິດເຄມີຄອລສ໌ ແລະທຸລະກິດແພັກເກດຈີ້ງ. ຕະຫຼອດໄລ ຍະເວລາກວ່າ 106 ປີ ເອັສຊີຈີ ດໍາ ເນີນທຸລະກິດຕາມແນວທາງການພັດທະ ນາຢ່າງຍືນຍົງພາຍໃຕ້ຫຼັກບັນສັດພິບານທີ່ດີມຸ່ງສູ່ຄວາມເປັນຜູ້ນຳໃນອາຊຽນ. ເອັສຊີຈີ ເລີ່ມດຳເນີນທຸລະກິດໃນ ສປປ ລາວ ຕັ້ງແຕ່ປີ 2003 ພາຍໃຕ້ 4 ບໍລິສັດຄື Khammouane Cem ent Limited (KCL), SCG International Lao, CPAC Lao, ແລະ SCG Logistics (Lao) ເພື່ອຜະລິດ ແລະ ຈັດຈຳໜ່າຍປູນຊີມັງສິນ ຄ້າວັດສະດຸກໍ່ສ້າງແລະຕົກແຕ່ງເຮືອນຄົບວົງຈອນ.

ພາບ ແລະຂ່າວໂດຍ: ໜັງສືພິມເສດຖະກິດ-ສັງຄົມ

แชร์