ລາວເປັນເຈົ້າພາບກອງປະຊຸມ ແລະສົ່ງເສີມສິດທິແຮງງານ

  ວັນທີ 27-28 ພຶດສະພາ ຜ່ານມາ, ກົມພັດທະນາສີມືແຮງງານ ແລະຈັດຫາງານ ໃນນາມຫົວໜ້າຈຸດປະສານງານແຮງງານເຄື່ອນຍ້າຍອາຊຽນ,ໄດ້ຈັດກອງ ປະຊຸມສ້າງຄວາມເຂັ້ມແຂງໃຫ້ແກ່ພະນັກງານແຮງງານໃນການປົກປ້ອງ ແລະການສຶບສວນການຄ້າມະນຸດ ແລະການປັບປຸງການປະສານງານຮ່ວມກັບຜູ້ບັງຄັບໃຊ້ ກົດໝາຍອາຍາໃນອາຊຽນ, ຂຶ້ນທີ່ນະຄອນຫຼວງພະບາງ ໂດຍເປັນປະທານຂອງທ່ານ ພົງໄຊສັກ ອິນຖາລາດ ຫົວໜ້າກົມຄຸ້ມຄອງແຮງງານກະຊວງ ຮສສ, ທັງເປັນຫົວໜ້າໜ່ວຍງານເຈົ້າໜ້າທີ່ອາວຸໂສແຮງງານອາຊຽນຂອງ ສປປ ລາວ ພ້ອມນັ້ນຍັງມີຫົວໜ້າໜ່ວຍງານທີ່ກ່ຽວຂ້ອງ ແລະບັນດາປະເທດສະ ມາຊິກອາຊຽນຈາກຂະແໜງແຮງງານ, ເຈົ້າໜ້າທີ່ຕໍາຫຼວດສະກັດກັ້ນການຕ້ານການຄ້າມະນຸດ ແລະ ເຈົ້າໜ້າຊ່ຽວຊານດ້ານກວດກາກົດໝາຍອາຍາເຂົ້າ ຮ່ວມ.

  ກອງປະຊຸມຄັ້ງນີ້ ຈັດຂຶ້ນເພື່ອ ສ້າງຄວາມຮັບຮູ້ ແລະເຂົ້າໃຈດ້ານ ກົດໝາຍທີ່ກ່ຽວຂ້ອງ ແລະໃນ ການມີສ່ວນຮ່ວມໃນຂະບວນການຍຸຕິທໍາ, ການຕ້ານການຄ້າມະນຸດ ດ້ານແຮງງານ ທັງເປັນການສ້າງ ຄວາມເຂັ້ມແຂງໃຫ້ເຈົ້າໜ້າທີ່ກວດກາແຮງງານໃນການປົກປ້ອງ ແລະສືບສວນການລະເມີດສິດທິດ້ານແຮງງານ ແລະອໍານວຍຄວາມສະດວກການປະສານງານ, ການຮ່ວມມືໃຫ້ມີປະສິດທິພາບກວ່າເກົ່າ, ໃຫ້ເຂົ້າໃຈເຖິງນິຍາມຂອງສາກົນ ແລະພາກພື້ນກ່ຽວກັບແຮງງານຖືກບັງຄັບ ແລະການຄ້າມະນຸດ, ພ້ອມນັ້ນກໍເພື່ອກໍານົດຂໍ້ແນະນໍາກ່ຽວກັບການປະສານງານ ແລະການຮ່ວມມືລະຫວ່າງໜ່ວຍງານກວດກາແຮງງານ, ໜ່ວ ຍງານສ້າງລະບຽບການຄຸ້ມ ຄອງບໍສິສັດຈັດຫາງານ ແລະໜ່ວຍ ງານສະກັດກັ້ນ ແລະຕ້ານການ ຄ້າມະນຸດ.

  ທັງເປັນການສ້າງຄວາມເຂັ້ມແຂງໃຫ້ແກ່ພະນັກງານແຮງງານໃນການປົກປ້ອງ ແລະການສຶບ ສວນການຄ້າມະນຸດ ແລະການປັບປຸງການປະສານງານຮ່ວມກັບຜູ້ບັງຄັບໃຊ້ກົດໝາຍອາຍາໃນອາຊຽນໂດຍການເປັນເຈົ້າການຂອງກົມພັດທະນາສີມືແຮງງານ ແລະ ຈັດຫາງານໃນນາມຫົວໜ້າຈຸດປະສານງານແຮງງານເຄື່ອນຍ້າຍ ອາຊຽນ, ຊຶ່ງການຈັດກອງປະຊຸມ ດັ່ງກ່າວແມ່ນກິດຈະກຳທີ່ ສປປ ລາວ ເປັນເຈົ້າພາບພາຍໃຕ້ແຜນງານຄະນະກຳມະການປົກປ້ອງ ແລະສົ່ງເສີມສິດທິແຮງງານເຄື່ອນຍ້າຍອາຊຽນ ACMW ໄລຍະແຕ່ປີ 2016-2020.

ພາບ ແລະຂ່າວໂດຍ: ໜັງສືພິມເສດຖະກິດ-ສັງຄົມ

แชร์