ວິລະບູລີ ເປີດໃຊ້ເສັ້ນທາງເບຕົງ ເບີ 3

  ພິທີເປີດນຳໃຊ້ເສັ້ນທາງເບ ຕົງ B3 ບ້ານບຸ່ງຄຳ, ເມືອງວິລະບູລີ ແຂວງສະຫວັນນະເຂດ ໄດ້ຈັດຂຶ້ນວັນທີ 29 ພຶດສະພາ 2019 ໂດຍການເຂົ້າຮ່ວມຂອງທ່ານ ມຸນທາ ໄຊຍະສິດ ຮອງເຈົ້າເມືອງວິລະບູລີ, ທ່ານ ວັນນິວົງ ຈັນທະລັງສີ ຫົວໜ້າຫ້ອງການໂຍທາທິການ ແລະຂົນສົ່ງເມືອງ, ທ່ານ ຟູເຊິນເຊັ້ງ ຜູ້ຈັດການໃຫຍ່ບໍລິສັດຊືເຟັງອິນເຕີເນຊັນແນວ, ທ່ານ ສະໝານ ອະເນກາ ຜູ້ອຳນວຍການບໍລິສັດລ້ານຊ້າງມິເນໂຣນສ໌ລິມິເຕັດມີບັນດາພະນັກງານຫ້ອງການອ້ອມຂ້າງເຂົ້າຮ່ວມ.

  ໂຄງການກໍ່ສ້າງເສັ້ນທາງປູເບຕົງ B3 ບ້ານບຸ່ງຄຳ ແມ່ນໄດ້ລົງມືປະຕິບັດວັນທີ 17 ຕຸລາ 2018 ແລະຈົນມາຮອດວັນທີ 17 ມັງກອນ 2019 ຈິ່ງໄດ້ສຳ ເລັດຕາມຄາດໝາຍເສັ້ນທາງດັ່ງກ່າວແມ່ນໃຊ້ໄລຍະເວລາກໍ່ສ້າງ 3 ເດືອນໜ້າທາງປູດ້ວຍເບຕົງເສີມເຫຼັກມີຂະໜາດກວ້າງ 5 ແມັດ, ຍາວ 80 ແມັດ ໂດຍໃຊ້ງົບການກໍ່ສ້າງ 1,7 ຕື້ກວ່າກີບ ໂດຍແມ່ນທຶນງົບປະ ມານໂຄງການພັດທະນາທ້ອງຖິ່ນ TF ຂອງບໍລິສັດລ້ານຊ້າງມິເນໂຣນສ໌ລິມິເຕັດ ໃນປີ 2018 ເປັນ ຜູ້ສະໜັບສະໜູນ ແລະບໍລິສັດບຸນລັບກໍ່ສ້າງ-ຂົວທາງ ແລະພັດທະນາຊົນນະບົດຈຳກັດຜູ້ດຽວເປັນຜູ້ຮັບເໝົາກໍ່ສ້າງ.

  ເສັ້ນທາງປູເບຕົງ B3 ບ້ານບຸ່ງ ຄຳນີ້ເປັນເສັ້ນທາງເຊື່ອມຈອດກັບເສັ້ນທາງເລກທີ 10 ຊຶ່ງແມ່ນເສັ້ນທາງຫຼວງຂອງແຂວງສະຫວັນນເຂດ ທີ່ເຊື່ອມຕໍ່ລະ ຫວ່າງເມືອງວິລະບູລີຫາແຂວງສະຫວັນນະເຂດເສັ້ນທາງດັ່ງກ່າວຈະເພີ່ມຄວາມສະດວກສະບາຍສຳລັບຜູ້ນຳໃຊ້ລົດໃຊ້ຖະໜົນຂອງປະຊາຊົນໃນຂອບເຂດບ້ານບຸ່ງຄຳໃຫ້ມີຜົນປະໂຫຍດສູງສຸດໃນການຄ້າຂາຍທຳມາຫາກິນງ່າຍຂຶ້ນ.

ພາບ ແລະຂ່າວໂດຍ: ໜັງສືພິມເສດຖະກິດ-ສັງຄົມ

แชร์