ເສຍຊີວິດ ຄາທີ່ຍ້ອນໃຊ້ໄຟຟ້າຊ໋ອດປາ

     

 ອີງຕາມຂໍ້ມູນຈາກໜ່ວຍກູ້ໄພມູນນິທິຊ່ວຍເຫລືອຄົນທຸກຍາກແຫ່ງ ສປປ ລາວ (ເຂດດົງໂດກ) ໃຫ້ຮູ້ວ່າມື້ເຊົ້ານີ້ ວັນທີ06/06/2019 ເວລາປະມານ 01:40 ໂມງ ໄດ້ຮັບແຈ້ງເຫດຜ່ານເບີ 1623 ວ່າມີເຫດໄຟຟ້າຊ໋ອດຄົນເສຍຊີວີດຢູ່ເຂດບ້ານດອນຕິ້ວ ເມືອງໄຊທານີ ນະຄອນຫລວງວຽງຈັນ, ໜ່ວຍກູ້ໄພ ໄດ້ອອກໄປກວດສອບ ແລະໄດ້ພົບເຫັນຜູ້ເສຍຊີວີດຈຳນວນ 2 ຄົນ ຢູ່ຮອງນ້ຳທີ່ຕໍ່ອອກມາຈາກໜອງປາທັງ 2 ຄົນເປັນເພດຊາຍ.

 

ຜູ້ເສຍຊີວີດທັງ 2 ຄົນເປັນພະນັກງານລັດ ແລະ ເປັນປະຊາຊົນບ້ານດອນຕິ້ວ ເມືອງໄຊທານີ,ຜູ້ທີ 1 ຊື່ທ້າວ ສຸວັນດີ ອາຍຸ 41ປີ ແລະ ຜູ້ທີ 2 ຊື່ ທ້າວ ພິນ ອາຍຸ 35ປີ, ສ່ວນສາເຫດການຕາຍສັນນິຖານວ່າທັງ 2 ຄົນຕາຍຍ້ອນໄຟຟ້າຊ໋ອດຍ້ອນວ່າທັງ2ຄົນໄດ້ໃຊ້ໄຟຟ້າ 220Vຊ໋ອດປາ ແລະ ເກີດໄຟຮົ່ວຊ໋ອດເຮັດໃຫ້ເສຍຊີວີດດັ່ງກ່າວ, ສ່ວນສົບຜູ້ເສຍຊີວີດທັ້ງ 2 ຄົນ ແມ່ນໄດ້ໄປທຳພິທີທາງສາດສະໜາຢູ່ວັດ ບ້ານດ່ານຊ້າງ.

ຂ່າວ: ສົມພາວັນ
ພາບ: ໜ່ວຍກູ້ໄພມູນນິທິຊ່ວຍເຫລືອຄົນທຸກຍາກແຫ່ງ ສປປ ລາວ

แชร์